chinggreen的個人專頁

今日同朋友想食拉麵,知道銅鑼灣有幾間拉麵店,就去了銅鑼灣,順便可以行街街。最後我地去左金田家食。入到去店內佢係冇menu,因為佢地會等你坐低,比張紙你,會慢慢地介紹佢地的三款拉麵。我地就點了推介經典叉燒拉麵和至尊叉燒拉麵,兩個其實都係豚肉,不過部位五同,我食的部位係豬腩而我朋友就豬肩。 首先湯低非常有豬骨味,很濃郁。豚肉我較喜歡食豬腩肉,雖然比較肥,但好香,唔會膩。麵的軟硬度我選了硬,覺得非常滿意,幾煙韌。我地都加左隻蛋,呢個值得推介,一定要試,超好味,流心得黎又好滑,蛋白又好有味,唔會淡某某,甜甜地。朋友加了替玉(即係多麵),佢地唔會直接將你個麵加大,當你差唔多食完的時候,店員就會比個替玉你,我地以為只有淨麵,點知原來唔係,麵上面有啲一粒粒的肉,仲有啲葱,幾足料。 走的時候仲有得玩遊戲,有一部機,你選一個號碼,佢就會有張卡跌出黎,我非常之幸運,抽到碗麵呀！朋友就抽到替玉。好開心呀,有獎抽,一定要黎試下呢間拉麵店呀！!…查看更多

今天到銅鑼灣,灣仔,行街,到了6點,有點兒肚餓,就去了嚐越食野。因為我地比較早,所以唔洗點等就有位了。看了看餐牌,食物的款式 種類很多,除了一般越南餐廳的食物外,還有些很特別的款式,樣樣都好想食,因為我地兩個人,怕食唔哂,好難選擇 。最後叫了 嚐越脆春卷, 又脆又熱,旁邊有啲菜可以包住春卷食, 包住生菜食又有另一番風味,春卷脆卜卜,生菜好清脆。 沙嗲牛肉串燒, 本來好怕啲牛肉會韌,但呢個一啲都唔會韌,好嫩,加上啲沙嗲汁,好好味蟹肉炒越南粉絲,上面啲蟹肉好鮮甜 , 隻蝦超正,好爽, 又大又鮮。粉絲內有上豆腐乾,牙菜,清清地,幾適合女士食。 原個菠蘿咖哩海鮮炒飯,外表睇上去已經好吸引,滿滿的飯裝在原個菠蘿內,呢個菠蘿有別於一般的切法,炒飯都幾足料。…查看更多

今天下午到朋友家玩,晚上就到她家樓下這間店品嚐一下越南菜。晚上人很多,等了約 20 分鐘才有位。很喜歡店內的餐牌,大部分菜式都有照片,讓人更容易選擇。另外店內的裝修幾有特色,我最愛它的懷舊風扇。食物方面我們叫了很多,因為賣相實在太吸引,樣樣都想食。牛油雞翼,有好多好香的蒜蓉在雞翼的表面,散發著好香,好濃的牛油味,愛吃牛油的人一定要試下。炸大頭蝦,一上菜果下,就已經聞到好香的蒜蓉味,表面有一層炸粉,炸粉下的蝦一啖啖肉,好爽口,勁鮮甜呀。越式蝦醬菠蘿海鮮炒飯,飯內有好多菠蘿,而且啲菠蘿好甜,好多汁,配埋落啲炒飯內好清甜。炸粉皮,見到呢個菜個名好得意,所以就叫左黎試下,牛肉汁內有好香的香料味,有幾條菜心在內,令成個菜感覺較為健康,亦提升了菜的賣想, 色香味俱全。食個時沾佢個醬, 幾得意, 幾match。飲品方面,叫了青檸七喜和滴漏咖啡。此咖啡好得意,我們可以看見咖啡一滴一滴滴下來,好濃的咖啡味而且好滑,加埋煉奶,甜度剛好。今晚吃得好滿足,個個都抱著肚子回家,吃得好飽…查看更多

放工同朋友去旺角行街,晚上看見這間餐廳有華麗的裝修,就入去試下。入到去,啲座椅好得意,我地被安排坐窗口位,正呀,有風景睇。環境好大,又有音樂,令人覺得好舒服。我們點了一個美式原條豬仔肋骨,個賣相好吸引,而且都幾好味,甜甜地,肉質又唔會好似煲完湯啲肉咁好“鞋”,上面有小小肥,可以連埋啲肉一齊食,會更香。伴碟既沙律都唔錯,酸酸地,幾開胃。薯條好好味,好多薯仔,唔會好似出面其他店咁,入面係空心。由於我地好鍾意食薯條,所以又叫多碟椒鹽薯條。主菜還叫了個牛肝菌墨魚仔蜆肉意式燴飯,好香牛肝菌味,個飯清清地,又有海鮮既鮮味,唔錯。再點了一個小食,呢餐好滿足呀。一邊食小食,一邊傾計,又有背景音樂,very good飲品方面,叫左杯雪糕紅豆冰同埋巨蜂葡萄梳打。紅豆冰的奶味好濃,好香,又不會太甜,唔會好似坊間啲紅豆冰,好似飲糖水咁。巨蜂葡萄梳打亦都不錯,不太甜,又有濃烈既葡萄味,梳打飲落去令人更加醒神。…查看更多

聽就陳根記的wasabi手撕雞好出名,所以就與朋友一起去試試。兩個人6點幾去到,不用等位,非常好。等們叫了一碟例的ｗａｓａｂｉ手撕雞,椒鹽瀨尿蝦,沙拉醬排骨。ｗａｓａｂｉ手撕雞內有蟹子同埋火腿，ｄ蟹子好好味，脆卜卜，但可能本人唔係好食得ｗａｓａｂｉ，所以覺得有點兒攻鼻。椒鹽瀨尿蝦，雖然ｄ瀨尿蝦細細隻，但意想不到地都幾解甜，好野味。沙拉醬排骨，賣相不太好，白白地，食落去都幾好，唔會太流，有沙拉醬的味道，小小甜甜酸酸。…查看更多

興朋友一起在黃埔睇完戲,天氣冷冷的,看見附近有一間茶餐廳有羊腩煲就入去試下。四個人叫左好多野食,食得好滿足,好飽。我地仲加左牛腩條,大大碟，肉質好嫩滑，好香牛肉味，very good！！我們叫了個什扒,內有雞翼,煙肉,牛扒,同豬扒,仲有薯條扒做配菜添,好抵呀。個鐵板夠熱，ｄ薯條都好脆好熱，係新鮮炸出黎的。仲有個咕嚕雞球係的最鍾意食的，甜酸度岩岩好，雞球唔會有好多炸粉。再叫了一個魚香茄子煲，味道也不錯，食到魚香的味，表面又唔會好似其他店咁，有一層油浮面。ｄ人的服務態度好好，一入到去好快就有人招呼，落單同執枱都好快手，唔會等好耐。店的地方都幾大，又有幾部電視睇，坐的幾舒服。…查看更多

BOXING DAY同一班姊妹一齊在屯門行街,晚上到這店吃晚餐。麵的款式很多，而且非常特別。我們五個人每人叫一款，叫了自家日式燒雞意大利麵，豚肉芝麻醬意大利麵，煙雞肉雜芝士意大利麵,北海道風湯意大利麵，漁夫海鮮意大利麵。整體的麵都係較硬身。日式燒雞意大利麵，幾野味，但較油，賣相好吸引，上面的餸份內量唔算少。豚肉芝麻醬意大利麵，聽上去好特別，食落去唔係好夾，豚肉有少少辣味,味道較濃。煙雞肉雜芝士意大利麵，好濃的芝士味，愛食芝士的人值得一試,推介。但不太食得出煙雞的味道。北海道風湯意大利麵，好香牛油味,湯較＂杰＂，有小小似白汁，麵內有很多海鮮。漁夫海鮮意大利麵，上面的海鮮好好味，個魷魚一點都不韌，麵的茄汁酸左些少，但幾開胃。本人最愛煙雞肉雜芝士意大利麵和北海道風湯意大利麵。我地加了三個餐（加50元），由於我們有兩款要酥批甜品,所以要加十元。一個要巧克力香蕉,呢個焗得太燶,香蕉好生.另一個係雜果,果醬酸酸地,配上雪糕,凍凍地,酥批脆脆地,好好味。仲有一個蕉糖燉蛋,不太甜,蛋幾滑,配埋士多啤梨雪糕，好好味，但美中不足的就是燉蛋不夠熱。…查看更多

一直都聽人講茶木好好味,但排隊既時間較長。早前興好友一同去試試,因為怕太多人要等好耐,所以我地預早小小去到,大約6點已經去到等,本來以為要等好耐,因為見門口都有不少人在等候,但等了半個鐘就有位了。我門叫了一個豬排便當,一個草莓香草蜜糖磚塊。可能因為撞正員工食飯時間,所以個蜜糖磚塊等左好耐先到。首先講下個豬排便當,本人覺得豬排味道一般,好重五香粉味（因為本人不太好五香粉）,便當的份量都較細。個蜜糖磚塊就好好味,而且個賣相非常好,上面個幾塊都好脆,加埋啲雪糕一齊食,凍凍地,very good。我建議兩個人一齊share食,因為一個人食實在太漏了。唯一不太滿意的就係最底果塊都唔似多士,係普通一舊麵包,一啲都唔脆,唔知係咪因為食到最底,覺得飽,所以覺得呢層好難食。…查看更多

一向聽閒深井的燒鵝好出名,終於有機會一試.以為會有好多人要等位,所以7點就去到,點知唔洗等位,仲可以坐室內有冷氣的地方添.兩個人,人小小,只叫了一碟列,本人覺得份量小左啲,有一隻燒鵝脾,都算唔錯,但其他果啲全部都係骨同肥膏,無野食.雖然係咁,但啲燒鵝真係好好味,暖暖地,肉的肉汁好多,一啲都唔乾,又好嫰,好味,值得一試.另外叫左個啫啫通菜煲同埋椒鹽鮮魷,全部都好油,不過味道OK.通菜好大煲而且好夠熱.椒鹽鮮魷外層啲粉唔多,都幾嫰.可以一試呀.…查看更多