Miki~123的個人專頁

母親節，食豪啲！共4人去食，倆大倆細，海鮮拼盤有4隻帶子，2隻大蝦，4隻蠔，有猪肉，有牛舌，牛肉！都係$298，未計加一！叫咗個雞煲，雞肉嫩滑，好味！:)椒鹽鮮魷小牛排！好甘香，燒一流，正！:)仲可以一邊打，一邊燒！種類繁多送一籃生菜，夾肉食，正！有3種salt任用，調味一流！猪頸肉，肉夠爽，吾太肥、份量Ok！鱔，夠新鮮，燒咗之後好甘香，正！墨魚滑夠彈牙！2個小朋友，仲叫咗4碗白飯加醬汁燒黎食，佢哋仲話好好玩，自己炒飯食！店員態度友善，係facebook打卡有罐汽水送！有收加一及茶介($醬油)！見好多枱客都有叫乳鴿食，賣相Ok，今次實在太飽，留待下次先食！會再去！:)埋單共$98O、都低食！…查看更多

之前睇過食評, 都知道食物一般，所以沒有太大期望，不過朋友喜歡呢度夠靜，坐位夠闊，吾會太迫 ! 就去試吓，去到大約八點半，只有4－5枱客，心知不妙，食放題緊係叫咗刺身先啦！種類吾多，基本嘢，三文魚刺身肥美，厚切，都OK喎，希靈魚，魷魚，墨魚，赤貝都不過不失，無咩特別，味道都可以接受，至於熟食，種類都係一般放題嗰啲，牛肉鍋味道淡咗啲，壽司就一般，啲飯比較硬，火焰壽司好食啲夠香，一口牛同串燒牛都值得推介，夠淋同夠juicy都，羊架好so，:(啲炸物就麻麻，吾熱只係暖暖的，燒翠玉瓜好味，但茄子就好油，有個叫薯仔沙律幾特別有啲洋蔥粒架，好味:)上菜速度都快，無咩漏單，可能客少，員工態度都0K，唯一吾好處就係好似趕住收工，9：45就 last order！仲要未食完啲食物就收碟，抹枱，好似想我哋快啲走咁:(不過以＄196 呢個價錢，我諗我會選擇其他放題！…查看更多

買咗團購，第一次食，感覺好👌所以再黎，但今次就有啲失望la，相約咗細妹一行六人去食，之前食過芝士鍋烏冬好好食架，好濃芝士味，於是再叫，今次的味道麻麻，竟然無芝士味，只得酸酸的乳酪味 :( ，燒茄子太淋同埋好油，咖喱海鮮飯好味，足料吉烈魚柳同蝦各有2件都好大碟， :) 豬軟骨烏冬足料同埋好夠味，豬軟骨夠淋，雞軟骨無特別普通啦，蟹籽沙律有啲苦，吾夠沙律醬，燒韮菜好夠味，有啲麻辣味 :) 三文魚刺身都新鮮，我哋叫咗六隻芝士燒蠔，點知黎咗個蒜蓉燒，  同職員講番黎錯咗，唯有再整過啦！真係有啲吾好意思，但我哋吾食蒜蓉所以無計，芝士燒蠔上次食過都👌架！今次真係吾掂，無芝士味同好水，吾夠乾身，仲要係有2隻吾新鮮！啲炸嘢就夠熱味道一般啦！如無團購未必會再去!:(…查看更多

之前都食過好幾次覺得ok,所以今日便入去食個下午茶，入到去待應問我哋幾多位，我哋話2-3位，因有個朋友未知到吾到，我哋話想坐卡位，吾想坐迥轉枱！想坐之際有位職員話，呢張枱員工要用膳架！ 吾可以坐！ :( 啲態度麻麻哋！安排咗坐迥轉抬，於是叫咗3客三文魚壽司，一個雞扒飯，三文魚薄薄的，色澤暗啞，個雞扒飯，都多雞扒，味道ok,吾大乾，但啲飯好濕，好難食！ 最重杯嘢飲，勁難飲！勁甜叫咩士多啤梨乳酸，因杯嘢同乳酸溝得吾均勻，樣子麻麻，見到都吾想飲，之後叫個職員攞個spoon，未搵就竟然話無， ！價錢係可以接受,因為平但係員工，工作態度真係要改善吓,先可以吸引顧客再去！ :(…查看更多

之前買咗團購(半價優惠)，今日街完街，終於可以試,:)去到大约7:3Opm，已差不多滿座，仲有一張2人枱剛剛好,門囗位靚女職員好有禮貌，向我們講解怎樣買食物及付款，我選了個2人餐，再加個O檬雞沙律同薯條，剛剛可以用3OO團購，加多$8，即$158好低講番個2人餐先！蕃茄湯好夠味，夠熱，吾太咸！pizza可以選6種配料！熱烘烘的，餅底薄薄的，夠脆！廚師沙律好足料，蔬菜新鮮！O雞沙律份量彼少，我覺得廚師沙律好味啲！薯條麻麻，同M記差吾多，可以吾試:(最終食吾晒要打包半個pizza雖然pizza係即製，但等候時間都吾耐，走時啲職員仲好有禮貌講再見！低讚！汽水仲可以任飲會再去！…查看更多

大約半年前去過 , 感覺良好所以今日再去，一入到餐廳，環境好嘈，地下感覺很污穢，濕濕的，張枱抹咗但仍然油淋淋，感覺麻麻:(想落單叫嘢食，仲要叫咗好耐都無人埋，啲侍應明明見到我叫佢，但可以直行直過，吾埋客人架！咩Cafe黎架！等咗大約5－7分鐘，終於有位肥哥哥理我，叫咗一客凱撒沙津，味道ok！但份量好少，同只得生菜，無其它菜既，仲極少煙肉碎！個餐包咗個湯無黎到，當時自己又吾醒起，出咗門口先記得無人跟進仲有咩未㴝架！之後仲有叫咗個滑旦雞肉石碢飯！夠熱，但無咩味，淡淡的，勁少雞肉！其實可以話係得啲旦加紫菜！想要隻叉用，又係叫咗好耐都無人理！杯餐茶，凍O茶，雖然大大杯但啲味好怪，無茶味，但有薄荷味救命呀！我諗我吾會再去!:(…查看更多

因為預早打電話訂座，所以不用等位，但去到見到好多人等位，諗住應該同眾安街嗰間差不多，原來有分別架 我哋叫咗個小辣大雞煲，点解會甜架，好似落咗糖水咁，但啲雞都可以接受，雞肉嫰滑，用料新鮮，無雪味！墨魚滑，爽囗彈牙！必食，好味！牛丸用料新鮮，雲吞，水餃大大隻，皮薄又足料，味道都好食，韮菜餃有好多韮菜，好香韮菜味:)仲有大檸茶飲，大大杯都係$28蚊咋！抵飲！推介墨魚滑！不過我都係鍾意眾安街嗰間多啲，因為個雞煲真係好食好多！…查看更多

買咗團購，2人去食，去到已經10pm,有好多位剩，只有2－3枱客，叫咗3樣嘢食，雜菌拉麵,:(無味仲要吾熱，只係暖暖的！份量都好大碗，可以2人食都足夠！芝士年糕，好味:)夠熱，香濃芝士味，啲年糕夠QQ😄，燒豬頸肉一碟有4⃣️件，味道都可以接受！如沒有團購就吾會再去！:(因拉麵都吾平，平均$60－$70,味道真係麻麻哋，有㸃失望！…查看更多

買咗團購，訂咗位，5點半去到，吾洗等一行七人去食，有驚喜！首先緊係黎個刺身先啦！三文魚刺身新鮮，肥美😍大大件，送咗帶子刺身以為麻麻哋，都好鮮甜喎！熟食都可以接受，推介三文魚壽司，係三文魚腩黎架！啲飯細細的，好軟熟，吾似其他放題，好多飯，食幾件就飽晒，櫻花蝦炒飯好好味，好香，叫咗3碗，食晒！上菜速度快，又無漏單情況出現！吾用團購都會再去！:)…查看更多

係網上買咗個團購，半價優惠！:)去到大約7Opm！吾洗等位！叫咗滷水豬耳，好夠味！雞排配滷肉飯定食！有湯有飯，抵呀！都幾多！味道可以！不過件雞咸咗啲！三杯雞好夠味，帶有少許辣！雞肉嫩滑，份量就一般啦！:)牛腩麵吾太肥，都幾清！有啲酸菜調吓味！待應有禮，仲不時幫我哋斟水！我好滿意呢餐飯！下次有團購的話會再來！…查看更多

相約朋友在三岥方打邊爐，燒烤，訂咗位，都仲要等大約3O-6O分鐘，朋友肚餓話吾等！於是就中伏！ 諗吾到食咩之際，經過真壽司，見有放題，又吾洗等位，就試吓！首先梗係点刺身，種類吾算多，三文魚，吞拿魚無味，色澤暗啞，甜蝦細隻同無味，最終放棄咗成碟刺身比返待應！ 從未試過！食放题刺身差成咁囉！熟食款少！但唯一可以接受係夠熱，鐵板牛柳粒就好讚，夠淋有牛肉味，上菜速度都可以，無咩漏單情況出現，但呢個價錢，係荃灣區會有好多選擇！:(吾會再去…查看更多

難食的晚餐！牛肉及豬肉伴飯！勁少牛肉，豬肉，配料亦十分少！無味！最重要啲飯係凍架！同個後生待應講，佢竟然話因啲泡菜凍所以整到啲飯凍咗！:(仲有啲韓阈年糕超硬，吾煙韌！難食！泡菜就可以接受！…查看更多