wing.wing.pig's Profile

太古坊呢邊d食店，近年都改變咗好多。特別推薦呢間每次入親嚟，都令到人心靈平靜嘅鬧市綠洲-Alchemy Origin😌迷你鮮奶咖啡 因為已經傍晚，所以點咗呢杯短笛咖啡Piccolo，迷你些。香烤蜜糖鴨胸配南瓜薯仔沙律以蜜糖烤焗嘅鴨胸好好味，以南瓜薯仔做沙律較飽肚。蟹肉味噌意粉配鴻喜菇混合日式風味嘅意粉，蟹肉、味噌及菇菌味道好襯。咖啡核桃蛋糕 檸檬蛋糕兩個蛋糕都好紮實，推薦試咖啡合桃蛋糕，香濃嘅咖啡味，如果早餐食就更醒晨！…Read More

Riva係一間環境清靜傾到偈，有落地玻璃海景嘅情調餐廳，喺馬灣都有間分店。入到嚟北角匯一期，見到好多主人帶狗仔shopping，好relax，上一層就搵到間餐廳了。晚市嚟到，直接揀咗Set for 2，upgrade咗呢度出名嘅活青口。是日湯品番茄湯濃稠味美。鮮果大蝦沙律有大蝦2隻，火龍果，士多啤梨及沙律菜，小食則有水牛城雞翼、洋蔥圈、魷魚圈及燒串蕃茄。特別一提燒串茄加入黑醋，配搭得宜。主角澳洲活青口煲由澳洲新鮮運來藍青口，係我近年食過最好食嘅青口！ 鮮味無比，肉質嫩滑，食咗返唔到轉頭！而汁料唔好浪費啊，可配附上嘅法包食。黑松露雜菌意大利飯就最啱鍾意食黑松露嘅朋友，份量比一般risotto多。甜品亦建議upgrade蛋糕，因為呢度都好值得一試，特別係朱古力蛋糕同紅絲絨蛋糕，紅絲絨蛋糕帶有淡淡的可可香氣，以及奶油起司糖霜的微酸，而朱古力蛋糕嘅奶油好creamy，亦唔會死甜啊。…Read More

有次見到朋友帶住狗仔去將軍澳食點心，背後仲有海景咁靚，一問之下，先知道原來係呢間寵物友善餐廳-DHYC 得閒飲茶。 今次我哋就冇帶寵物喇，但係夜晚嚟到，除咗食點心，仲試到佢哋嘅餸菜。鵪鶉蛋松露燒賣｜鹹水角呢兩款點心都幾懷舊！每粒燒賣內有一粒鵪鶉蛋，仲少少流心，食落去口感唔錯。鹹水角好有水準，正宗做法，外皮金黃香脆，內餡係豬肉同冬菇，甜中帶鹹，口感豐富又惹味。菠蘿咕嚕肉｜瑤柱蒸水蛋瑤柱蒸水蛋雖然是家常菜，但蒸得靚蒸得滑都唔容易。菠蘿咕嚕肉好送飯，肉質質素幾好，整體都好滿意。瑤柱蛋白炒飯單尾炒個飯，夠味得嚟唔算油膩。…Read More

近排發現香港人都幾鐘意食川菜，有時仲約埋三五知己北上去食。住港島區嘅朋友就唔需要山長水遠去食，因為太古有間金公館，味道都唔錯。手拍青瓜｜雞絲粉皮先嚟兩款唔辣嘅前菜，雞絲粉皮往往都會因為美味嘅麻醬，食唔停口。手拍青瓜🥒以蒜蓉拌勻，香味滿滿。金湯老壇酸菜魚店家話可以選擇微辣，故此唔會辣得滯食唔到，啱返香港人口味，湯酸味美、魚片爽滑。烤北京田鴨半份足夠二人，京式片皮鴨外皮酥脆鬆化，鴨肉嫩滑，餅皮厚薄適中，保有餘溫，入口煙韌。桂花糕臨尾食返件桂花糕，中和返口腔味道，好清新。🛎️必試指數：8/10🔆📍 香港太古康山道1-2號康怡廣場北座3樓T4號舖🅆🄸🄽🄶 🅆🄸🄽🄶 🄿🄸🄶 🄻🄸🄵🄴#金公館 #太古 康怡 #川菜 #片皮鴨 #酸菜魚…Read More

灣仔係一個好多元化嘅地方，會展呢邊比較多外國人出沒，皆因灣景中心大廈平台有幾間好chill嘅餐廳，飲酒食飯都得，日日Happy Friday！凱撒沙律+是日餐湯新鮮爽脆嘅羅馬生菜，加上雜菜湯，清新健康。蕃紅花牛骨髓意大利燴飯意大利米蘭嘅經典菜式，用牛骨髓同蕃紅花嚟煮，令燴飯滑順又香濃，帶有微微的蕃紅花香味同豐富嘅奶油味，色澤鮮黃超吸引。意式蕃茄大蝦濃湯海鱸魚柳 番茜炒蘑菇兩隻大蝦及慢煮海鱸魚，鮮味十足。Side Dish揀咗雜菇，充滿蒜香。…Read More

好耐冇食Nara Thai，今次嚟到好有新鮮感，因為裝修稍為唔同咗，係卡通人物Little Twin Star主題呀，好可愛！呢度嘅食物質素一如既往出色，無一次令人失望！前菜開一開胃，食大蝦柚子沙拉，柚子新鮮，大蝦都有3-4隻。然後飲一碗用熱鍋上嘅椰子雞湯，椰香噗鼻，內有雞肉及磨菇。主食必點黃咖喱軟殼蟹，建議配蒜蓉包，沾上滿滿蛋香嘅黃咖喱，味覺享受。接著就食少少辣嘅菜式，冬蔭大蝦粉絲煲及泰式珍寶火山排骨。火山排骨係泰國曼谷夜市超夯嘅招牌菜，用豬肋排燉至軟嫩，再堆成火山狀淋上酸辣醬汁，肉質多汁超下飯！食泰菜最後食芒果糯米飯先圓滿嘛！仲有特飲兩杯芒椰蝶冰，鮮芒果甘露沙冰，解渴消暑！…Read More

筲箕灣一帶好多新樓，多咗年青人進駐。朋友推薦呢間泰Grill，曾經食過佢將軍澳分店，味道都幾唔錯。其他區都有分店架。蛋包虎蝦炒金邊粉蛋包虎蝦炒金邊粉係一道泰式炒河粉，主要材料有金邊粉、虎蝦、雞蛋滑蛋、豆腐乾、芽菜、韭菜同花生，虎蝦炸過，口感豐富又爽口。泰式船麵 (豬肉/雞肉)泰式船麵湯底味道濃郁，配料有雞肉同炸豬皮。見佢仲有冬蔭公湯底，都好吸引。西蘭花炒蝦仁類似中式做法，蝦仁爽彈，西蘭花以蒜蓉炒香。雞髀菇串燒遠睇仲以為係豬頸肉，落咗孜然粉，好似烤肉咁香。…Read More

以前細個果陣無咁多連鎖西餐，而家多咗餐廳選擇，都仍然鍾意嚟Dan Ryan，懷念佢嘅麵包同周打蜆肉湯，同埋佢嘅美國菜。夜晚點一人餐或套餐，配湯及甜品。紐約煙燻牛肉三文治與一般漢堡唔同，煙燻牛肉以鹽水醃製30日，再混合香料煙燻，夾入黑麥麵包同酸黃瓜，味道香濃帶煙燻香，肉質嫩滑咬落好爽口，紐約必食經典美國菜。平常青口煲都係白酒煮居多，忌廉蕃茄味都係第一次食，配忌廉同新鮮蕃茄煮嘅濃郁海鮮菜，口感creamy又帶蕃茄微酸，可以配麵包吃。芝加哥肉醬長通粉用微辣牛肉醬、紅腰豆，加煙燻馬蘇里拉芝士同車打芝士焗成嘅意粉料理，味道濃郁有層次。…Read More

中環人氣最旺嘅皇后大道中振邦大廈地庫有一間日式石燒燒肉店，主打石燒鐵板，嚟到中環搵食，一定要試吓。厚切牛柳 雖然見到店家推和牛，不過好有興趣試試佢哋厚實嘅牛柳。因為鐵板熱度好高，厚切嘅牛可以慢慢燒熟，不過都要小心留意有冇overcook 。磯燒鮑魚鐵板雞扒磯燒鮑魚用日式醬油、味醂、清酒同昆布熬製嘅醬汁慢火炆煮，鮑魚嫩滑彈牙同入味。雞扒唔算太重味，可以自由沾不同醬汁。跟餐可加配唔同茶飲，點咗西柚蜂蜜綠茶 。除咗配白飯，可以配滿滿紫菜飯或者咖喱飯。另外追加咗雞絲青瓜蛋沙律同，煎餃子，今餐夠晒豐富！…Read More

銅鑼灣竟然有一間醬油蟹都有無限任食，1小時狂食醬油蟹、蒜蓉牛油蟹、炸雞、炒年糕、年糕香腸串、紫菜飯，upgrade 套餐包括韓牛烤腸，聽到都流晒口水🤤餐廳以韓國大排檔作場景，好有feel，好多細節位都有心思，坐著坐著好像已進入韓劇世界。食物質素方面，先講主角醬油蟹，分雌蟹雄蟹，今次食雌蟹，蟹黃極多，可以用滿瀉來形容，第一輪有蟹殼，第二輪開始就蟹食。蟹肉肥美厚肉，滯出嚟食，真係好好食！年糕香腸串好煙韌，炸雞亦都酥脆可口，必試必試。飲品方面，任飲包罐裝，但如果想更有風味，建議追加些韓式燒酒或啤酒！…Read More

銅鑼灣廣場二期The Grill Room 做緊Semi-buffet Lunch，裝潢似足五星酒店，氣氛好好，走高級路線，cp值好高，放假聚會慶祝之選。門口附近就見到buffet位置，有沙律菜、焗薯、炸物同蛋糕，自由選擇。最印象深刻係其中一個沙律內夾雜西瓜，味道清新，焗薯都好好食。Main Course揀咗香煎三文魚柳伴意大利飯及是日精選炭燒牛肉。香脆三文魚配creamy risotto，意大利經典組合，每口都好有層次感。炭燒牛肉用靚牛扒，有韌勁，有牛味。追加兩杯cappuccino 及latte，cappuccino 加苦苦哋嘅可可粉，好香濃。…Read More

上樓搵食，有時都會有驚喜，今日嚟到尖沙咀呢間南灜水產，無論刺身定燒物，都十分出色。蟹味噌甲羅燒 滿滿蟹膏在烤爐上，店員一邊搞拌，香氣就噗吱噗吱傳來。鹹甜適中的蟹嚥下後，蟹味仍在嘴裡，餘韻猶存。銀雪魚西京燒銀鱈魚浸表面金黃焦香，魚肉鮮嫩多汁，味道香甜又唔太鹹，好下飯又高級。鹽燒白鰻 ｜ 汁燒珍寶雞腿肉 將新鮮鰻魚直接炙燒，表面微焦，又可保留鮮甜油脂，唔似蒲燒鰻咁刷醬汁咁重口味。而雞腿肉以汁燒，唔會乾身，肉質嫩滑。東瀛五點盛五點包括三文魚、甜蝦、吞拿魚、帶子及鯛魚，鮮甜味美。溫泉蛋和牛釜飯 焗20分鐘開蓋進食，飯有飯焦，和牛自家製有特色。…Read More

灣仔與金鐘呢個地帶之間有好多特色餐廳，呢間Odelice！位於橫街之中，如同置身巴黎街頭小店，比商場分店更有feel😌牛油果蟹肉他他一道健康高級嘅冷頭盤，材料新鮮好味！牛油果蓉上密佈蟹肉，一層層壓實。Charcuterie Trio凍肉拼盤3款Ham各有特色，中間果款似火雞肉片，salami少辣，配酒一流。法式烤黃雞雞肉皮脆肉嫩、鮮嫩多汁，香草檸檬味滿滿，香料味濃，配以滑溜嘅薯蓉。紅酒燉牛面頰意粉近年好受歡迎嘅西式意粉，牛面頰炆到超腍，多汁細膩，配埋紅酒香濃郁嘅醬汁，使麵條掛汁。Melon Silk 哈密瓜、豆腐、白朱古力糖漿、椰子水推介呢杯mocktails，哈密瓜mix豆腐出奇咁夾，又唔會比白朱古力搶咗。Matcha Apple Zest 也有熱飲選擇，呢杯以抹茶、青蘋果蓉、檸檬、蜜糖調製。…Read More

有冇諗過係茶餐廳食西餐呢？起初以為呢度嘅鐵板都係平時茶記雜扒果種，估唔到有龍蝦🦞咁激！ 加拿大龍蝦尾拼紐西蘭肉眼扒一道主打海鮮同牛扒嘅「豪華」主菜，配紅湯及蒜蓉包。龍蝦尾彈牙，香草味濃。牛扒七成熟，油香肉嫩，配薯菜同黑椒汁，方形鐵板上盤，擺設有特色。蒜香櫻花蝦大蝦意粉香噴噴嘅蒜蓉加上酥脆櫻花蝦同鮮甜大蝦，炒埋辣椒、洋蔥，層次分明，好開胃！餐飲配熱鮮檸柑桔蜜，唔一定飲奶茶咖啡果d。茶餐廳文化係香港唔會咁快消失，希望愈做愈有特色！…Read More

近年香港開咗唔少韓國刀削麵，在韓國非常普及，由製作麵條開始精心炮製，又相對傳統韓式炸物健康，難怪咁多人捧場。平日晚市嚟到，都要稍為排隊先有位。炸醬麵炸醬麵係韓國傳統嘅麵食，冇湯，但係就有香濃嘅醬料，味道帶甜及望落有光澤。薯仔、豬肉粒和洋蔥炒好，淋落麵條，再加鵪鶉蛋。當中洋蔥令到成個醬汁提味，令人越食越滋味。雞髀刀削麵 牛骨湯底呢隻雞髀係原隻上，以為冇乜味，點不知食落味道都唔錯喎。足料雞湯，爽滑刀削麵同嫩滑雞髀肉一齊煮成，湯底無油膩感，飲落非常鮮甜，刀削麵條厚身，掛湯力強，好有滿足感。海鮮韭菜煎餅韓國海鮮韭菜煎餅係超受歡迎嘅國民美食，配上特製酸甜韓式醋醬油一齊食，勁開胃。外脆內軟，每一口都充滿鮮味香氣。…Read More