chitwildman的個人專頁

在IG偶然看見某BLOGGER介紹中環的酉玉YOKITORI, 相片賣相不錯, 便膽粗粗的打去BOOK枱, 星期六晚我們3人只能訂到9點。當晚3號風球，橫風橫雨，當然不會影響我們嘗試美食的心情。餐廳的位置座落於斜路上，我們在蘭桂坊一路走上去，很快便到了。和日本的YOKITORI店差不多，客人都是坐COUNTER位置，日本師傅站在中央燒烤。雖然不大，但很有氣氛，服務員很有禮貌說因為客人未埋單，請我們等一下。約五分鐘左右，我們便坐下了。服務員殷勤的遞上MENU及DRINK LIST，如看不懂MENU上的雞部位的名字可看背面，日英對照加上圖片解釋，左邊是雞肉分佈，右邊是內臟分佈。餐牌有SET DINNER，價錢約288-588，由廚師發板，我們今次是單點，希望能一次過試更多的美食。食物方面，點了雞肝(香、滑)、腎(中間JUICY)、膝頭軟骨(爽爽脆脆)，厚雞皮(必吃!)、雞頸(嫰滑啖啖肉 必吃!)，雞尾軟骨(又酥又脆)、CALF MUSCLE腓肉(嫰滑不肥膩)，橫隔膜肉(肉嫰骨脆)，AROTA大動脈(第一次吃，一試難忘!)，肩肉(加上日本雞醬，味道一流)，CHICKEN OYSTER(有皮有肉, 好驚喜)，豬腩肉(肉中包著子姜,正)，豆腐，銀杏、OKURA、辣椒、露筍及飯團。另外飲品點了啤酒、梅酒及有汽礦泉水MIX一起喝。餐廳另一亮點是有過百種酒任君選擇，所以不建議自帶酒。每樣都燒得恰到好處，而且服務態度很好， 感覺在日本才吃得到的味道竟然香港也吃到，好幸福!…查看更多

真係唔好意思，隔左咁耐先寫，因為D相唔知放响邊。今次係因為遷就朋友工作既地方，去左西營盤慶祝生日。朋友介紹左呢間位於水街街頭既餐廳，門面很歐陸式，一見到就覺得好靚。因為人多(成8個人)所以一早就訂左位。雖然店面小小，但DINNER款色都幾多，有PASTA有RISOTTO有羊有牛有豬。我同我個朋友分別叫左牛扒同羊扒。炭燒西冷扒煎得剛好，有肉汁夠嫰﹗:)羊扒外層塗上芥末醬，夠惹味! :)同場加影，老闆親自出馬為我地表演煮咖啡，佢特別介紹左呢隻波多黎各既咖啡豆。呢間餐廳整體感覺良好﹗ 很有誠意而且價錢大眾化，值得支持﹗…查看更多

同事們想試下新嘢，便趁星期五晚放工到左呢間新開既"嚐館"試試。咁大班人當然要預早訂位，尤其係星期五晚! 間餐廳就在北海中心後面，在軒尼詩道，見到個藍球場轉入橫街就見到。門面係用紅色方型燈箱，再配木材，頗有中國特色。7點未夠我地便到左，餐廳未爆，但大部份枱都已有RESERVED牌。餐廳面種不算大，有齊大中細枱，我地7人被安排坐在貼牆的長枱，枱櫈頗寛敞，體型大既人都唔會嫌窄 侍應服務態度殷勤，會同你傾計，推介下餐廳既招牌菜，有點像舊式餐廳的老伙記，人情味十足。食到8點半已有好多WALK-IN客問有冇位，看來餐廳名聲不錯。先嚟一味出面餐廳少見到的山葵子竹炭冷麵WASABI加上彈牙竹炭冷麵，味道出奇地配合，白芝麻令冷麵更加香口。這款作為夏天前菜真係好適合:)山葵沙律安格斯牛肉粒沙拉骨食過好多次，WASABI CROSSOVER 沙拉牛肉粒都係第一次食，牛肉粒被煎得外脆內嫰，成功將肉汁鎖住，加上WASABI沙律醬既酸甜辣味，真係好夾。蒜蓉粉絲蒸元貝食海鮮只有一個重點，就係新鮮! 元貝蒸得剛好，蒜蓉味道亦調得適度，唔會搶晒元貝既鮮味。:)蒸籠仔荷葉龍躉飯(特別加蝦版)有位同事唔食魚既關係，為左遷就佢，我地要求加錢請大廚放左幾隻開邊蝦比佢，用蒸籠蒸既飯真係特別香，龍躉既魚味鮮甜，魚脂溶在口中，加上荷葉飯香味，好正~炸豬手配嚐館秘制醬汁再嚟餐廳既招牌菜，當晚差不多每張枱都有點的炸豬手，豬皮夠脆，豬手肉夠彈牙，秘制醬汁味道是酸酸的，配上豬手的咸肉就剛好，味道清新可口。上碟時豬手已切好，剛好一口，值得推介!馬拉盞啫啫芥菜煲呢味餸好多餐廳都做到，但呢度用左好靚既蝦米，係啖啖肉的，讚!餐廳服務及食物都唔錯，埋單只係二百蚊左右(加啤酒)，適合一大班人或三五知己邊食小菜邊飲啤酒，值得再幫襯。:)希望下次再試下另一主打菜麻辣雞煲同打邊爐。…查看更多

尋晚一個人去上課途中, 見早到左便想吉串魚蛋醫肚, 轉入奶路臣街便見到一間小食店, 本來淨係想要一串魚蛋, 點知老闆話得大同細之分, 大30細20, 我心諗：哇, 想吉串魚蛋都要20蚊, 通賬真係咁厲害嗎? 算啦, 見佢D魚蛋個樣幾靚仔, 就要左碗細魚蛋,老闆裝滿一碗, 應該有十幾廿粒, 加埋我至愛既甜醬. 企左埋一邊食, 咬落去第一啖, 嗯~~~真係同七記果D軟LAI LAI好唔同喎, 好彈牙呀! 突然覺得廿蚊好抵食, 唔使五分鐘我全部食晒啦! 下次我會試下佢既辣既魚蛋, 我諗會更加好味…查看更多

情人節想去啲未去過既餐廳，於是便選擇左剛開張的Fiat Caffe, 吸引在可以一邊欣賞名車一邊食意菜，訂菜時已知當晚係食情人節餐，我地被安排坐喺架粉藍色Fiat500隔離，由於全店係落地玻璃，好多人行過都覺得好奇點解車行入面會有人食緊嘢侍應招呼都好殷勤，走過黎同我地介紹番今晚個menu，有啲似去左酒店食嘢，之後送左兩杯welcome drink比我地，趁番個theme, 係士多啤梨味既香檳，好開心:)，即刻請個waitor幫我地影相。今次個menu有4個course, 頭盤係沙律，Calipo吞拿魚蛋沙津、水瓜柳檸檬醬或者水牛芝士蕃茄香草沙律，我地都揀左水牛芝士，水準唔錯，用料夠新鮮跟住係佢地特別推介既蘑菇湯，真係好香！下次必叫主菜分別係水欖蕃茄三文治或者意式肉丸米型粉，我食既係肉丸意粉，米型意粉真係第一次，好得意，係一粒粒大粒米版既意粉，味道好正宗，同一般意菜連鎖店好唔同，味道係有層次，肉丸有肉汁，望落去唔係好大碟，但食完岩岩好，佩服厨師既功力:)最後係甜品，清燉鴨梨杏仁蜂蜜或朱古力蛋糕伴燴提子蘋果，我點左鴨梨，上面舖左層脆杏仁，配搭清甜既梨，好滋潤，岩晒呢個天氣。期望下次試其他菜式:)…查看更多

去得洋人餐廳就最好BOOK定枱, 避免去到無位要等位既麻煩, 咁岩又係婦女節, 又係清一色女仔GATHERING, 於是三個人叫左三個MAIN COURSE, 沙律係免費的HOUSE SALAD, 上第一碟MAIN COURSE時已經好後悔, 因為份量真係好大, 一開始已經諗緊要打包了再來講下個味道, 首先係BABY BACK RIBS (HONEY BBQ), 味道唔錯, 有肉汁難得唔乾身...跟住係草架...好大份! 香草下係肥膏, 怕肥既女仔(我)可以SKIP左佢, 再下面先係草肉, 可能係有肥膏關係, 草肉不但有香草味且不會乾身, 肉嫰有汁!本來只叫兩個MAIN COURSE的, 但最瘦最細粒個女仔FD話唔夠喎, 所以補多個PIZZA, 亦都要多謝佢, 因為個PIZZA真係幾好味, 材料簡單, 只有蕃茄同芝士, 回歸自然既味道!服務亦都唔錯, 一因為我地七點就到, 只有幾枱人, 基本上係一對一服務, 而且可以練下英文:)…查看更多

因朋友有SC既信用卡, 於是叫左信用卡優惠既二人套餐, 原價6XX, 折後5XX, 兩個人食其實會好飽, 好在我地三個人套餐有參雞湯 (雞湯係FOR 2個人但分到足三碗) , 上湯時有湯有湯料, 係一隻完整既烏雞, 烏雞食落好嫰, 唔錯! 而且感覺好抵.跟住係蛋蝦餅, 有大粒蝦肉既蝦餅有嚼勁, 蝦夠新鮮再黎係主菜有牛肋骨, 牛柳, 雞肉同豬肉, 肉夠新鮮, 唔使太多醬汁就已經好好味, 特別係牛肉好靚, 值得一讚!:)驚你唔夠飽, 再黎多一個雞肉石頭飯, 石頭飯反而就無咁驚喜, 不過D米好靚.因為驚太熱氣, 所以加$12叫左杯豐水雪梨汁, 因見過食評話好飲, 果然係非常OK, 尤其係食完D熱氣嘢後飲, 透心涼!最後甜品係芒果雪糕, 係用豆腐花木桶仔裝住, 好趣緻!今次食韓燒有驚喜, 服務亦好體貼, 每次上菜WAITOR都會話聲你聽佢幫你分碟上啦, 唔錯唔錯:)…查看更多

已經出晒名既華星冰室都係第一次去，一入去裝修以黑白為主，感覺好型又不失茶餐應既親民形象，裡面白板有不少名星既簽名留念，我同朋友點左常餐，抄蛋多士加叉燒通粉，先上抄蛋多士，抄蛋真係好滑好香，好開心，終於食到一間服務態度好兼有好好味既抄蛋既茶餐廳，另外多士厚度岩岩好，脆卜卜兼放夠牛油，叉燒通粉OK，不過略嫌杯檸茶太澀。總括黎講今次食得幾開心，因為無人催你快D埋單，餐廳個廁所又夠干淨! :)…查看更多

今次由BRO帶路去食佢成日幫襯既泰歡迎，餐廳裝修簡單得幾張枱，主要做街坊生意，打開MENU睇所有嘢都三十至四十蚊左右，好平民既價錢，BRO發板點左蝦醬抄飯同小食拼盤($65最貴就係呢樣)，我至愛既PAD THAI(太餓影唔切相)加多個蝦沙律，抄飯夠晒野味，好香! 小食拼盤樣樣都有，蝦餅好足料夠味，豬勁肉唔夠燶但夠味，春卷夠脆，串燒正! 不過PAD THAI係用雞肉唔係海鮮，味道就幾正宗，不過售$35既PAD THAI無理由比幾隻大蝦你呱? 如果口渴不妨叫棷青, 都係$18, 比起出面D餐廳平好多!總括黎講，成個DINNER都幾好味，好有親切感! 下次會幫襯:)…查看更多

我以前就喺舖頭附近番工，番左咁耐工都係去左三次。如果真係咁吸引，我會日日去，事實上唔係囉，D人話抄蛋好香，係，無錯，D蛋好香好滑，食物好唔代表可以呼喝客人，唔代表可以一D服務都無，我去茶餐廳唔會期望有五星級既酒店式服務，但都不至於要受氣呱? 我一定唔會介紹比遊客，因為會嚴重影響香港人既親民影像，因為幫襯開既人都會習慣或者接受佢地既服務方式，認為無問題，但我真心認為可以平心靜氣講既說話點解惡形惡相呢? 我覺得客人要負番D責任，佢地其實間接緃容左佢地，點解咁差聲譽既餐廳會有獎? 一間餐除左食物好就夠了嗎?:(…查看更多

同兩個朋友食飽飯後想食甜品，於是便到甜品堂一試佢既招牌甜品。餐廳內佈置成間課室咁好得意，同甜品堂個名好MATCH，即時加分! 入去時要等一等，可能FRIDAY NIGHT關係，人好多...我地三個人分別叫左朱古力心太軟、西多士麵包布甸同港式奶茶燉蛋白一齊SHARE食。餐牌上有講明心太軟要等十五分鐘，好彩唔趕時間唧...先嚟左港式奶茶燉蛋白，只見賣相普通，但一食就覺得D蛋白好滑、奶茶好香，奶茶同燉蛋白呢兩樣都係我既至愛，估唔到加埋一齊咁好味，好驚喜，真係要服左店主既創意同心思!跟住嚟既係西多士麵包布甸，見到三舊正正方方既迷你西多士炸到金黃色，面頭仲有個云呢拿雪糕，望見都流晒口水....我地一人一件西多，再"YAM"埋D雪糕一齊食....哇....好正呀! 一舊唔夠喉喎! 下面個布甸唔使講，又係水準之作...唉...總之食飯時唔食咁飽啦!最後終於輪到主角出場 - 心太軟，上枱時只見一件朱古力蛋糕加一舊雪糕，伴碟有幾片士多啤梨同幾粒BLUEBERRIES...好似酒店D甜品...我地用叉叉開左個朱古力，好勁呀，裡面有朱古力漿流出黎喎...果然個心好軟呀...哈哈...朱古力蛋糕唔係得個甜字，蛋糕咬落夠鬆，朱古力味夠濃，好足料，值得一試!成晚既甜品都好正，下次希望同朋友試埋其它甜品:)…查看更多