當日點咗一個 Deluxe Set 同一個 主餐豬斧頭扒。前菜部分幾滿意——麵包，火腿拼盤，田螺都鹹香適中，所以都對之後既main course幾期待。到主菜上枱，擺盤普通，不過我本身唔太在意賣相，最緊要好食。菲力牛扒（Deluxe Set 加錢升級）一食就知出事——肉介涼和微溫之間，我應該唔夠熱，我自己對食物溫度有要求，所以已經扣分。而且肉質同味道都十分普通，以呢個價錢真係唔值，份量又少（雖然西餐預咗）。旁邊嘅醬汁算OK，但配菜就真係唔好食。豬斧頭扒比牛扒好少少，但都只限近骨位嘅肉夠香和口感比較好，另外兩舊肉質偏韌，要點 XO 醬先易入口。配菜的擺盤和運用和牛係一樣的， 雖然價錢比牛平便宜，但都唔吸引。甜品就真係毫無誠意，得兩塊普通蝴蝶酥，完全冇心思。可能呢間餐廳嘅早餐 / Cafe 部分會好啲？晚餐就真係試一次就夠，唔會再回頭。…查看更多
