natalir的個人專頁

成日都幻想可以一啖啖左口魚邊咁放入口..因為我真係超愛食左口魚😂為左左口魚去既一間餐廳果然無令我失望🥹🥹食物質素好好呀‣ 汁煮左口魚裙邊 $148超推薦🥰🥰一碗入面卷住既都係左口魚邊，終於滿足到我嘅願望🥹🥹輕輕炙燒過，好香～面頭仲有魚籽，連個汁都係甜既！‣ 申子海膽和牛燒 $378和牛燒係Signature~仲會係客人面前燒。大大片肉眼和牛入口有濃濃既油脂，香而不膩👍🏻最後仲加上海膽同魚籽‣ 廣島蠔春卷 $108春卷原來係新menu，每份春卷入面有一大隻脹卜卜嘅蠔，肥美又新鮮！呢個有驚喜‣ 鮮蟹肉粥 $168蟹肉粥清清地，味道唔算好重，蟹肉加埋蟹籽拌勻一齊食都唔錯…查看更多

隱町又搬新店啦，仲記得以前係小巷內既一間小店，而加尖沙咀舖又靚左又大左坐得舒服啲。當然都係以吧枱形式，可以欣賞師傅既用心製作佢嘅串燒依然都係咁高質😍除左燒鳥，其他肉類同刺身既選擇都好多！串燒亦屬於高質素出品～👍🏻‣ 串燒 ～$40-60喜歡我最鍾意嘅串燒包括非常軟滑既牛舌心～外脆內軟既松露醬燒豆腐～用紫蘇葉包住嘅墨魚串等等等等！另外佢既免治雞肉棒軟熟好多，軟骨比較少，反而更着重雞肉嘅口感！‣ 水八爪 $88係店員推介下仲點左一份水八瓜刺身，口感特別，好新鮮同場加映～好可愛既飛鼠！多謝師傅✨…查看更多

今次搵食搵到去蘭桂坊🙈去咗龍亭喺中環新開嘅分店，環境又靚又舒服。而佢哋嘅鐵板燒質素唔錯，特別係佢地既海鮮～我哋揀咗九道菜嘅鐵板燒套餐，有兩款海鮮、一款刺身、一款肉同炒飯前菜甜品等等. 刺身係生蠔，而當晚嘅海鮮有元貝、鮑魚、大蝦🙈海鮮好新鮮，每款都彈牙爽口，當中我最鍾意佢嘅元貝同埋餐廳調配嘅味噌醬，好濃郁！至於煮食就有黑豚扒、牛肉薄燒同牛柳粒嘅選擇，可惜當晚冇牛肉薄燒我哋就揀咗黑豚扒。豚肉肉質唔錯，整得好香好滑。整體唔算太油膩！最另外有驚喜嘅係佢哋嘅黑松露炒飯，松露嘅香味當然不在話下，佢哋嘅飯炒得粒粒分明亦有飯焦，就開始煲仔飯咁，係我最鍾意嘅口感！‣ 廚師發辦套餐（九道菜） $988…查看更多

係近期食過幾唔錯既居酒屋～餐廳環境好特別，充滿住日式既感覺，又夠闊落，食得好舒服。食物方面選擇都幾多，刺身壽司、火鍋、串燒等等都有齊‣ 精選火炙壽司拼盤6件 $218拼盤由師傅選用時令刺身，全部都係非常重油脂嘅火炙壽司，口感一流！另外佢嘅刺身亦都好新鮮👍🏻‣ 雙色玉子棒 $48玉子燒亦係我好鍾意嘅，一份有兩款味道，當然我最鍾意嘅係明太子啦～‣ 鹿兒豚肉清湯鍋 $138呢度仲有唔同嘅鍋物，有壽喜燒同埋豚肉，我哋今次揀咗豚肉鍋，佢除咗肉之外仲有好多野菜，鍋物嘅湯底更係好濃郁～…查看更多

餐廳每逢星期一、三、五、日都做緊壽司買一送一既優惠，好抵呀🙈我同朋友就叫左唔同壽司再加一份燒牛肉盛合～壽司水準正常，我地分別叫左右口魚、金目鯛、帶子、甘海老、赤身、海膽同玉子。前面幾款壽司都唔錯，係海膽睇落色水差少少～另外燒牛肉定食有四款肉，包括和牛、牛舌、西冷同牛小扒，份量都唔少。佢既牛小扒幾肉味好重，有驚喜！另外我地仲叫左呢到既house sake, 比較辛口，配燒肉唔錯！‣ 賀天四色燒牛肉盛合 $328‣ house sake $98…查看更多

最近真係好多人討論韓國料理，朋友就帶咗我去試呢間純正既韓式fine dining。當中好多食材都係直接由釜山同韓國進口，充滿着韓式風味‣ Oouli Bu Gak前菜首先有兩款韓國嘅紫菜，分別以紫蘇油炸釜山海苔以及三次風乾的濟洲海藻。海藻味道比較有特色，酥酥脆脆咁‣ Jagal - Chi另外有三款刺身，分別係韓國左口魚、醬油蝦及醬油三文魚，刺身味道本身都比較濃，再加上韓國嘅辣醬，係完全唔同嘅風味。‣ Deul Kkae - Juk一向我都好鍾意食韓式粥，今次呢個有韓牛、蜆肉一齊烹煮15小時，非常綿滑好入味。‣ Han - Ip橡子果凍係韓國嘅開胃菜，大廚將佢切成一朵花咁，好考心思。另外仲配上炸豆腐魚籽三文治。‣ Jili - Tang海鮮清湯上面好多泡泡，清湯味道都好濃郁，另外配上烤釜山鮑魚，夾埋一齊食口感好特別‣ 烤澳州和牛 / 烤釜山鰻魚主菜我同朋友分別就揀咗和牛同鰻魚，今次嘅烤鰻魚完全surprise到我哋！鰻魚肉質非常爽口結實，我哋都好推薦👍🏻最後仲會用鰻魚熬足48小時嘅湯去配上釜山自家農田珍珠米飯，米飯香味特別重！而餐廳嘅糯米年糕窩夫餅米味都好出‣ 9 Courses Tasting Menu $1480…查看更多

想搵高質既串燒店真係唔係咁易，尖沙咀呢間串燒店主打雞肉，有提供唔同嘅部位，亦有廚師發辦提供～‣ 師傳Omakase 10串精選 $480廚師發辦會有十款串燒、主菜同雪糕。串燒會有唔同部位既雞肉，亦會有豚肉、鰻魚、牛肉同野菜。串燒都幾高質，特別鍾意佢既紫蘇豚肉卷，味道好特別✨‣ 忌廉芝士蛋卷 $60蛋卷軟滑，而且佢中間有好多芝士🧀非常滿意既一個配搭！‣ 刺身三種盛 $260佢地會有季節性刺身，今晚既刺身有縞鰺、幼鰤同小鯛。三款都好新鮮又爽口。配上酸酸甜甜既柚子汁好開胃…查看更多

秋風起🍂食蟹係我第一件諗起既事🙈來到神燈海鮮酒家既銅鑼灣分店，平日居然都坐落客人（真係好耐無係香港見過呢個情景）‣ 糯米炒膏蟹 $588呢餐既重點絕對係呢個糯米炒膏蟹，蟹蓋入面超多膏，好甘香！糯米飯又炒得粒粒分明，絕對係今晚既MVP‣ 蜜汁脆燒鱔 $278眼前呢碟脆鱔用試蜜糖同檸檬汁，酸酸甜甜好開胃。而且外皮燒得好爽脆‣ 即燒伊比利亞叉燒皇 $258‣ 黑松露玻璃燒鵝 1/4隻 $238呢到既燒味都唔簡單，有幾乎每枱必點既黑松露玻璃燒鵝同超腍既即燒叉燒皇！黑松露玻璃燒鵝睇落黑蚊蚊但係外脆內嫩，油脂豐富，酸梅醬上亦都加左黑松露😳勁香！叉燒肥瘦均勻，有蜜糖既焦香👍🏻.…查看更多

Bingo & Cook 終於開到旺角，呢度嘅裝修好有特色風味，好似去咗韓國嘅傳統大排檔咁！每一個角落都好特別‣ 涮涮牛肉鍋 呢個牛肉鍋好大份，味道係韓式辣醬湯底～我哋仲加咗拉麵🙈就咁食已經覺得好飽肚！但一場嚟到又點可以淨係試一款食物呢‣ 蜂蜜黃油炸雞 （半份）炸雞嘅蜂蜜味一上枱就好香，好鍾意佢嘅味道👍炸雞外皮脆卜卜，裏面又juicy. 而且冇骨食落好滿足‣ 午餐肉紫菜包飯紫菜包飯都係好鍾意嘅一個菜式，今次唔揀牛肉同芝士反而揀咗午餐肉😝😝另外仲點咗一鍋上嘅韓式米酒🙈都好有feel…查看更多

呢到一入壽好特別，睇真啲，呢到原來係一間西式和風餐廳！店內必點既係呢個「壽喜燒套餐」，真係每枱都有！佢既明太子玉子燒帶有辛辣感～玉子滑溜，推薦！！壽喜燒有兩款牛肉，我地揀左美國頂級牛頸脊x岩手縣和牛，店員仲會幫手燒。最估唔到嘅係之後嘅燉飯竟然咁出色，用咗壽喜燒嘅肉汁加上黑松露芝士，超creamy!!跟餐除左刺身拼盤，仲有兩款小食,除咗玉子燒仲揀咗甲羅燒～選擇好多！‣ 招牌壽喜燒套餐 （二人份） $624 …查看更多

最近成日都落雨，唯有同朋友留喺商場行吓食返個tea😳呢到有主菜之餘，仲有唔同嘅甜品！包括窩夫同刨冰🤩‣ 白桃刨冰 $98 我同朋友猶豫咗好耐要楊枝甘露定係白桃味刨冰🍧最後改咗白桃，粉粉紅紅望落好靚～佢嘅刨冰整得夠晒棉滑，上面有芝士奶蓋同白桃醬，中間仲有果肉。不過佢嘅煉奶就係底，食咗一半先食到煉奶嘅味道‣ 蒲燒原條鰻魚白咖喱烏冬定食 $184白咖喱烏冬唔係好多地方有，呢度嘅白咖喱唔錯，味道唔會太濃既咖喱味，就算烏冬吸晒啲汁之後濃度啱啱好～套餐配咗鰻魚，肉質好爽，好味👍我重點咗兩杯果茶，分別係荔枝同芒果味，好fresh呀☺️…查看更多

好耐無係香港食過雞煲啦，今次同時間食左雞煲+椰子雞🐥再打埋邊爐真係好滿足😳呢到既招牌雞煲好惹味，麻香味足夠！但係我更推薦佢地既椰子雞🙈真係落足料 每煲用足三隻椰子🥥做湯底 係我食過最甜既椰子雞！我同朋友係成煲湯飲哂先加水打邊爐😂😂😂而且佢既雞都好滑，好甜，基本上係唔需要蘸調味料咁🤍‣ 牛小扒 / 脆脆魚片打邊爐既牛小扒都好推薦！好爽而且重肉味，食材高質！‣ 蒜蓉鮑魚 $228 蒜蓉鮑魚好大粒，平均只係$38隻😛好抵食呀！加埋上面滿滿既蒜一係好滿足手工麵都好推薦～煙煙韌韌既麵質‣ 椰子雞煲（一隻） $328‣ 秘製雞煲（小份） $188…查看更多

尖沙咀嘅餐廳選擇真係好多，呢間係朋友推介嘅Omakase🍣菜式幾有gimmick，好味又好睇👍👍晚市有三個套餐揀，我哋揀咗Omakase Moon🌕好豐富🙈🙈先上一款前菜，係鮑魚車海老🦐佢上面有一個鮑汁啫喱，好特別，而且好refreshing。然後會有五款刺身🐟‣第一道刺身已經好吸引，泡泡入面係伊左目同甜蝦 , 兩樣包住一齊食，再加上酸汁～‣三文魚籽海膽 佢嘅魚籽係自己醃製 好爽口，入口有爆開嘅感覺，亦都好甜‣北海道象拔蚌 冇太多調味，主要品嚐佢嘅鮮味～唔錯呀！‣北海道毛蟹 佢亦係配咗海膽，啖啖肉之餘加埋海膽又爽creamy😝‣獅魚 佢係大條既油甘魚，輕輕火炙過後更加肥美～而我都幾欣賞呢度嘅過場料理，燒穴子冬瓜煮～兩樣都煮到好嫩好入味！都算係我最鍾意嘅一道菜之一呢個set有10件壽司，前五件都係常見嘅魚類，真鯛、帆立貝、深海池魚、地金目鯛。整體都係簡單調味，食得出佢嘅鮮甜，當中地金目鯛幾出色，夠肥美～石垣貝都好新鮮！你睇吓佢縮得幾多！然後有較濃味嘅銀鱈魚、赤身、喜之次同中拖羅，感覺呢幾款魚更加出色，赤身同中拖羅係來自同一條魚，肉質好滑，味濃但無任何一點點腥味。但我都係更喜歡佢嘅喜之次！海膽壽司份量都好多，今晚食咗好多海膽好滿足🙈🙈師傅仲會撒上金箔同淡雪鹽～靚之餘我都好鍾意淡雪鹽同海膽呢個配搭‣ Omakase Moon $1580.［#fatpet_japanese］ …查看更多

Brunch有一系列既Starter, Mains, Sides 同Dessert Platter~食物種類非常豐富，亦好吸引。不過最正既係….四小時既wine and spirit FREE FLOW 🍾🍾當中包括紅白酒同classic cocktail等等先嚟一份刺身拼盤🐟刺身非常鮮味，除左鮮甜既帶子同三文魚仲有非常開胃既Mixto Ceviche～前菜有烤魚、炸雞同Tacos 。炸雞同烤魚都非常juicy 而Tacos係豬x牛油果餡，呢個combo無得輸啦😋上main course既時候其實都半飽..但係佢既八爪魚🐙係多多都食得落個隻！！非常嫩滑而且入哂味！！仲有彈牙既大蝦😆同烤雞牛扒💯💯最後嘅甜品係特色糕點同水果🍍我哋換咗去outdoor繼續飲嘢，環境都好靚☺️‣ Wines & Spirits Package $999.…查看更多

哇🤩🤩呢個彩羽太卷真係好吸引呀！餐廳既omakase set都唔錯，但係佢嘅太卷同刨冰實在太特別🥰Lunch set除左沙律同茶碗蒸之外，有四款刺身、八款壽司、手卷、玉子燒同甜品～四款刺身都唔錯，真鯛刺身本身較為清淡，但係加咗莓蓉係上面，非常開胃。大分縣真蠔加入咗松露醬汁，味道更有層次嘅特別。佢嘅泡芙我好鍾意，泡芙入面係滿滿嘅安康魚干蓉🙈好幸福而鰆魚煙燻後仲加入咗薑蔥，味道濃郁壽司整體都唔錯，雖然話都係大路食材，不過冇咩可以挑剔。我最鍾意竟然係佢嘅鯖魚，處理得好好🙈然後就係我覺得最amazing嘅彩羽太卷～有海膽、中拖羅大拖羅、蛋黃，加埋一齊真係好邪惡！太卷好澎湃，基本上一啖係食唔完嘅😂非常幸福！最後我仲試埋佢嘅日本刨冰，揀咗黑糖水信玄餅味😝師傅會喺客人面前製作刨冰，又好睇又好味🙈都屬於幾特別嘅體驗！…查看更多