melodywong88的個人專頁

早幾天提早訂了枱, 與兩位好姐妹一行三人去了這間居酒屋吃晚飯,為其中一位餞行...這餐餞行飯吃得開心喝得盡興! 餐牌上的食物款式頗多, 我們點了一客炒烏冬和幾款食物飲品還有甜品.  餐廳店員先為我們送上味噌湯及前菜 (星期一至五特有的). 是晚前菜是醃蘿蔔.再來就是一款cold appetizer - 牛油果醬麻糬多士, 涼涼的牛油果醬真的很開胃, 內裡有幾種顏色賣相很美, 我們有問店員內裡紫色的粒粒是什麼, 原來是紫薯乾! (我們本來還估計是乾花)  醬內還有蕃茄粒和芫茜, 令口感和味道更豐富. 麻糬多士咬入口軟綿綿也頗好吃的.陸續吃了兩款炸物,  有炸雞 (配上甜辣醬) 和雜錦天婦羅. 炸雞炸得外脆內軟, 有六件每人兩件不用爭雜錦天婦羅包括有大蝦, 翠玉瓜, 南瓜, 茄子和金菇. 天婦羅炸漿薄薄一層 炸得很酥脆, 吃入口完全沒有油膩感. 我們還前後點了兩支冰凍梅酒, 梅酒味道很香濃, 跟炸物一起吃也很配合!又點了一客火炙醋鯖魚和一碟青咖哩雞肉炒烏冬. 醋鯖魚是我們三人都喜愛的, 這裡的醋鯖魚經過火炙後, 帶有炙燒焦香的風味, 魚油香味更加突出, 肉質仍保持鮮嫩柔軟, 口感味道都很讚. 而青咖哩雞肉炒烏冬, 不論是烏冬還是配料的份量也很多, 烏冬口感煙韌彈牙, 沾上香濃的青咖哩醬汁很好吃, 這裡的青咖哩也不會很辣很易入口.最後我們點了一份甜品作結 - 是柚子檸檬味道的烙芙. 味道清新, 入口跟泡芙差不多, 蛋味也頗香的. 還有其他六種味道的烙芙, 找機會再來嘗嘗!…查看更多

和先生二人去了這間吃下午茶, 見到下午茶餐牌上第一個是"必食古法濃湯瀨",  名字貌似頗吸引, 於是我點了切雞湯瀨, 賣相不俗, 切雞有6大件, 全都是雞胸, 我一點也不介意 因為我都喜歡啖啖肉的. 有一半的雞胸肉肉質還可以, 其餘一半就頗嚡了, 要有牙力去撕開. 湯底的確是很濃的, 對我來說鹹了一點點. 不過以$39來說性價比還是OK的.而先生就點了全日精選特餐的王牌叉燒炒滑蛋飯 (另要求走醬油),  賣相同樣是吸引的, 但除了最頂那塊叉燒比較正常size之外, 其餘叉燒都只是細細塊而且份量有點少.. 嗯.. 滑蛋是不錯的, 都炒得算嫰滑. $54 包一碗例湯, 飲品另加錢.另外, 這間茶餐廳長期都是繁忙時間, 雖然環境尚算乾淨, 但每次兩個人去吃都必定需要搭枱或者卡位坐一邊, 卡位坐一邊其實有點迫, 有時枱面都不夠空間放碟, 如果想坐得舒服鬆動一點就未必適合了.…查看更多

今日經過IFC就來這間聽說在北海道很出名的洋菓子店行個圈,  因為聽過同事說這間芝士蛋糕不太香芝士味..因此沒太大興趣試他們的芝士蛋糕系列, 反而買了全場最平的一盒Premier maalu朱古力脆片試下, $88有4片....嗯...每片都珍而重之咁慢慢食.. 我買的是白朱古力莓果味, 吃落口有少少士多啤梨味和莓味, 由於這塊脆片都有一點厚度, 所以都幾結實, 口感也幾脆口的, 有點脆米的感覺吧... 可惜這款脆片真的過甜了...店員給我試吃一小塊的時候都未覺得太甜, 但原來會愈吃愈甜的, 吃一塊已覺太甜膩, 幸好我只是買了細盒裝...…查看更多

之前來這裡吃過牛肚河, 一放上枱面已覺得賣相幾靚, 拿起筷子立即開動! 味道食落都幾好, 牛肚算幾爽口, 唔會好稔,  入口有咬勁有口感, 而河粉質地都幾滑, 唔算厚身! 湯底唔錯幾香~ 牛肚和河粉份量亦足夠, 價錢也合理~ 下次會再來吃!!:)…查看更多

有天來凱施買定第二天的早餐, 選了這款朱古力味芙蓉蛋糕, 以磨沙透明包裝袋盛載著令人覺得格外吸引第二天早上打開包裝拿上手, 覺得朱古力芙蓉蛋糕質地很柔軟, 按下去就像海綿般有少少彈性, 食落口的口感好鬆軟, 軟眠眠咁~ 質感幾滑, 好易入口~ 而且唔乾身唔會涸喉, 因為早上喉嚨會乾D, 食蛋糕麵包最怕涸喉感! 一路食都聞到朱古力香~ 甜度亦恰到好處, 相當唔錯!!除了朱古力味, 仲有原味( 呍呢拿), 黑芝麻和綠茶味的~ $7.5一個 $14.5兩個, 下次買夠兩個試埋其他味先~…查看更多

見一段時間冇黎呢間食, 午餐就到了這米線店食米線, 點了"吉列大蝦米線", 出面的米線店好少會有吉列大蝦揀! 蝦是即炸的, 熱辣辣,  咬落口脆脆的, 雖然唔算真係好大隻, 不過份量都叫做OK. 碟旁邊仲有泰式酸甜醬可以點.  米線的湯底就揀了小鍋米線, 印象中這裡的小辣對我來說都算太辣, 所以叫無辣穩陣D. 雖然無辣, 不過湯底又唔會好清淡, 湯底都幾香, 唔算好鹹, 入面有D肉碎 芽菜 少少韭菜, 但肉碎都幾肥 差不多全部都係肥豬肉.. 米線質地幾鍾意, 夠彈牙! 都幾大碗添. 下次都可以再幫襯!不過會叫番吉列豬扒, 感覺好似份量多D.…查看更多

早兩天去試了他們出了一段小時間的抹茶味布雪，外表就好似一個放大了的macaron，但其實口感完全不似的！上下兩層係兩片好鬆軟的蛋糕，好香的蛋味，中間內餡就是日本宇治抹茶混合濃厚北海道忌廉，凍食的感覺有少少似雪糕，抹茶奶油味道雖說不上十分之濃，但仍有幾香的抹茶味，而且勝在整體甜度好適中，味道不會過甜或者太假。口感和味道都是值得比好評的！每粒＄１５，買夠５粒就會跟一個盒，都幾靚的。仲有其他口味包括朱古力味, 士多啤梨味, 同埋原味！食完有點唔夠喉，就入手多個朱古力撻 半熟朱古力撻入面真係流心的！朱古力味可以說是超濃香，就連撻皮都有朱古力味！朱古力餡的質地保持一貫的滑溜，甜度適中 不會過甜或太膩，每件＄２２，食完好飽 值得試試！…查看更多

第一次來這間旗艦店的吉野家食飯, 要落樓梯到地庫的，發覺原來這間吉野家面積好大，而且裝修好似真係寧舍靚同埋乾淨，連員工都特別多！眼見枱枱都係食火鍋，香氣撲鼻，我和朋友都叫左一人一個芝士竹輪鍋， 仲追加響鈴同埋加大汽水 將食物搬到枱上後， 很快就有員工搬上爐和點火了，平時在其他吉野家店吃通常都要等幾分鐘的！ 服務好又快！湯底選了日式濃湯，這間分店的湯底好像特別濃郁，不錯！鍋入面有金菇，紹菜，冬菇，腐皮角，粟米，南瓜，豆腐，蟹棒等等，很豐富，還有另一碟肥牛，份量蠻多的，不過主角芝士竹輪就只有一粒　這間分店的火鍋餸都好似特別好咁，有好大粒冬菇　還有一碗已經煮熟的烏冬，幾彈牙！吃烏冬的時候加湯和芝麻醬，好好吃呢！下次都會黎呢度食！…查看更多

聽人講大快活的咖哩飯好吃，今日就黎試下咖哩吉列魚柳飯！吉列魚柳賣相相當唔錯，有兩大舊，炸得幾香脆，雖然食落唔係熱辣辣，但都係暖同埋脆口的！而且食落口冇乜好大陣既雪味，魚肉份量亦都好多，咬落口啖啖肉，唔會剩係得舊炸粉～薯仔亦都有一大舊，不錯！而成碟飯既靈魂 咖哩汁望落比較少，但食到尾聲發覺都夠撈飯～ 這個咖哩汁標榜“有層次”，開頭食既時候覺得個咖哩汁好溫和，唔算辣的，但食食下就愈來愈辣了～唔知呢d係咪就係佢所講既“有層次”呢～不過其實我只係覺得好似係局部地方多d辣油而已但整體來說這個咖哩飯算唔錯，比大x樂的咖哩易入口冇咁辣～…查看更多

今日經過半熟工房, 例牌買個芝士撻食, 見到原來出左新嘢...叫做“葉子派”! 個派字即係英文PIE咁解~名符其實, 呢塊酥餅個樣真係十足一塊楓葉的~見個介紹寫得幾吸引 "選用高品質牛油及麵粉，獨具楓蜜香氣魅力，酥脆雅致的口感", STAFF話呢個係日本出名嘅手信, 我之前都好似曾經上網見過, 但就未真正試過, 見個樣咁靚咁特別就買埋嚟吃啦~ 味道係甜的~ 因為個面層有好多透明粒粒, STAFF話係楓糖嚟嘅, 都幾香楓蜜味. 而口感夠酥脆, 咬開先知入面係分成好多層~ 有層次感又幾香牛油味~ 口感同味道我都好喜歡, 佢既甜度亦適中~ 相信食住呢個派飲下COFFEE OR TEA 感覺應該幾夾~…查看更多

第一次吃呢間芝士撻, 先試試原味, 原味芝士撻賣相唔差, 芝士餡漲卜卜, 不過就略嫌撻面唔夠"焦", 如果焗焦一點會香D同埋好睇D.撻皮是常見的曲奇皮, 吃落口撻皮有點硬, 唔夠鬆脆, 牛油味亦都唔夠香.. 而且原本以為芝士撻是熱的, 怎料一吃之下才知道是微暖的, 個人黎講覺得熱辣辣的芝士撻會好吃好多.:(芝士餡方面, 味道亦都偏太酸...芝士味唔夠香濃. 流心程度尚算合格, 但略嫌餡料太"水". 個人覺得, 以呢個質素嚟講, $18一個芝士撻唔算平, 可以有更好的選擇..…查看更多

這餐廳的午餐如在一點前結賬, 是有85折優惠的, 適逢今日提早食LUNCH 就去試試呢間啦~ 午餐餐牌有好多選擇, 揀左一輪先揀到呢個槍燒三色飯, 三色是指: 三文魚, 帶子和左口魚邊. 飯一上枱就覺得賣相好吸引, 好香, 每種都有三四片 份量都不少了! 先吃吃口飯, 原來是壽司飯嚟㗎, 喜出望外, 因為原本以為只是普通的白飯. 由於是壽司飯的關係, 飯底是不熱的, 但又不算凍! 這個溫度剛剛好. 而且壽司飯的調味也不錯, 不會太酸, 質地都幾好! 再吃吃三文魚, 稍燒一下的三文魚好好味, 感覺比魚生仲好吃點~不過就略為薄了一點....帶子都好香, 都幾新鮮的. 左口魚邊吃入口更有少少入口即溶既感覺~ 很香油脂味~ 這頓午餐好滿意, 一定會再來! 佢這個午餐仲會跟一碗面豉湯和飲品的. …查看更多

家住附近, 所以都周不時會黎呢間茶餐廳吃午餐. 這裡不近大圍火車站, 所以通常幫襯的都是附件車房的員工或是附近街坊.  我喜歡吃這裡的原因就是這裡的出品都是新鮮烹煮的, 不會好像快餐店一樣 煮好一大兜然後"不"出嚟比你吃, 就算係每天不同的4款午餐 也不會預先煮定, 所以特別好吃和熱辣辣, 感覺也特別有心機和誠意.不過店內空間真係比較細, LUNCH時間都不會坐得太舒服, 所以今次就去買了外賣回家吃. 午餐幾款中選了鮮茄滑蛋豬扒飯, 回家一打開盒, D番茄汁多到差不多要漏出來, 賣相好靚吸引! 加了蔥粒在上面令整盒飯更加香...! 番茄, 滑蛋, 洋蔥, 豬扒, 樣樣都好足料, 最喜歡吃佢整既滑蛋, 好好味, 好滑溜~ 豬扒都大塊, 而且唔會鞋, 同埋都唔太覺有梳打粉味, 不錯的~ 洋蔥就略有兩三條係比較生D, 有少少辣, 如果煮熟D 林D會更好~ 番茄汁調味亦都幾好, 甜酸度適中, 很開胃, 令我差不多食晒成盒! 好味!…查看更多

間唔中都會去呢間食米線, 米線店嚟講佢裝修真係幾靚, 食物都OK. 價錢就比普通米線店貴少少啦. 特別喜歡這裡的酸麻辣湯底, 很香很濃.今次就叫左韭菜雲吞酸麻辣米線, 碗米線一放上枱 有點驚訝, 因為每粒韭菜雲吞都好大粒, 仲有六粒咁多 (相片中是我食食下先記得影的, 所以得四粒), 湯底和米線跟以往的水準一樣都是不錯的, 湯底很濃郁夠麻香, 米線煙韧彈牙,份量都不少, 但韭菜雲吞就不太喜歡了...因為咬落去成粒都係肉, 食左兩粒感覺已經有D漏...而且SIZE實在太大了.. 食一粒韭菜雲吞起碼要食兩三口, 如果佢既肉菜比例平均番應該會好少少. 不過下次再嚟食的話都會叫番肥牛米線了.…查看更多