瘦身男女的個人專頁

返完一日工，又係時候搵好野食啦今次就去咗呢間專食吞拿魚定食間餐廳位於嘅H8，得兩部升降機，樓上10幾間食肆，又要無樓梯，等升降機都要係條街排成15分鐘先搭到上去 瘦身女叫咗呢個三文魚、油甘魚、海膽三色刺身丼定食，質素都幾唔錯，一向都係鍾情三文魚，但今次呢個飯就比新鮮甜美既海膽，同埋甘味十足既油甘魚搶左風頭，仲有唔可以忘記個餐跟住個蒸蛋，一直都怕蒸蛋好鞋，今次真係滑嘟嘟，質素十分令人難忘而瘦身男就不嬲都專一，呢間野既然係專食吞拿魚刺身，梗係叫咗個藍鰭吞拿魚扒刺身定食啦～真心吞拿魚刺身係刺身入便真係唔多得到瘦身男嘅歡心，只係知吞拿魚就好有益，三文魚始終先係瘦身男嘅摰愛，但呢個吞拿魚扒刺身定食真係瘦身男食過最好食嘅吞拿魚 ，入口油香滿溢，非常肥美，扒身又厚，肉感十足，真係黎到要試一試架！！！又叫咗生蠔，但就真係普普通通，感覺唔太新解，味道偏淡性價比呢間真係普通，但吞拿魚質素絕對值得花少少時間黎排隊試試 …查看更多

因為公事要到深水埗走一趙，做左廿幾年香港人，第一次食香港地道麵食- 油渣麵本身以為會成口油，但係爽口味道偏鹹，一啲都唔油膩，而配料調味就可按個人自行調配，個人建議自己加辣，味道更有層次感爽口惹味，而湯麵清淡襯托抽油渣既質感，食出地道既香港麵食因為周記既油渣麵，令我想繼續開拓尋找香港其他地道食店既油渣麵，堅持香港地道美食…查看更多

難得入將軍澳睇戲，就嚟開場去咗間韓式快餐店食啲野員工親切和善嘅服務態度非常抵讚，好有耐性好warm 由落單到送餐唔洗5分鐘，咁先係快餐店o架嘛 一向都覺得牛肉係最好味，所以今次都係揀牛肉，紫菜包飯質素中上，份量就剛剛好抹茶牛奶幾滑幾好飲，奶滑香，但略嫌抹茶香不夠炒粉絲香口惹味，但份量就細份咗啲，剩係咁叫一個當午餐一定唔夠飽，呢個質素好好，出餐又快佢Ｄ麻油香真係條條粉絲都均勻架，所以我地都食到一條不剩瘦身男係第一次食韓國快餐，要挑剔真係第一次食唔知份量咁少，知就實叫多一兩份野食，送餐又快，野食又唔錯，快餐店30幾蚊重想點？無得頂 …查看更多

有咩潮得過情人節食潮州菜？yoyoyoyo上openrice呢間潮州菜都幾出名，評分上好到離譜，一試原來真係好到離譜#本身正野真係唔想介紹你#但都係介紹啦#土地供應問題要多啲幫襯先唔會執#陰公豬一上場係呢個蠔仔粥，蠔仔鮮甜又惹味，芫荽（應該係？）同微咸嘅米粥簡直配合得天衣無縫，成個粥又惹味又新鮮又Fresh！唔同於廣東粥嘅綿滑，或者皮蛋瘦嘅鬼馬，潮州王牌蠔仔粥水米分明嘅感覺更似潮州人豪邁直率嘅一面，呢個蠔仔粥簡直係粥中之王，一試難忘！蠔餅，蠔餅係潮州美食之中的最傳統及最知名的菜餚，而呢個蠔餅又係蠔餅之王，香脆可口又唔油膩，蠔肉鮮嫩肥美，個底重驚你太油膩加咗幾塊生菜，簡直係神級極品無得頂，瘦身男食過最好食嘅蠔餅！！瘦身男女兩個人食到糖醋面已經有啲飽，糖醋面又飽肚又重口味，係就幾好食，但真係有啲無福消受嘅感覺煮野食不嬲都係易學難精#可否惡補，煮得一味好好食嘅難，煮得好多味好好食嘅更難，瘦身男女難得發現呢間潮州菜之霸一定唔會放過佢，豬紅呀，鹵水呀、咖哩牛腩呀等等全部等緊我地yoooo#食到幾時先瘦到身#驚見疑似老闆嘅老闆著住恤衫有肚腩仔#sad#請問上帝有無六舊腹肌嘅蔡瀾…查看更多

瘦身男女除夕就入左梅窩渡假，入去之前已經知道有意菜同海鮮為主，最後我地就決定寵幸呢間，主要係果種小島餐廳嘅浪漫氣氛，不過要挑剔就真係無海景（隔住小小陰公豬）。我地大鄉里出城，第一次用橄欖油食多士，感覺新鮮清新。本身我地唔知點架，之後就問招呼我地果位外裔小妹妹（睇落真係好小），非常nice，笑容好sweeeeet。我地已經知道自己眼高手低，所以決定叫一個意大利飯，同PIZZA。因為瘦身女本身係個意大利飯控，瘦身女就點左呢個巴馬芝士雜菌意大利飯，入面多到喊既芝士濃厚而不膩，雜菌事先切碎炒香，再混入個飯到，真係啖啖都好豐富。意大利飯可謂正宗過唔正宗，米飯6-7成熟，瘦身男真係大鄉里食唔慣，暗暗叫苦。個妹妹一端個PIZZA出黎，感覺知不妙，因為真係好大個，原來瘦身女又貪心叫左HALF-HALF PIZZA比正常還要大架，我地叫左夏威夷風情同Meat lover，對比之下，夏威夷風情因為主要係芝士同薄肉片，味道平淡感覺普通，反而Meat lover啖啖肉，肉味突出左成個PIZZA，每一啖都係大滿足。梅窩意菜呢個質素真係好好，意菜呢個價位，算係性價比高，除夕佳節，瘦身男同瘦身女係呢間世外桃源嘅離島餐廳食飽飽迎接新一年，同2015講byebye~~…查看更多

又係下班後，已下定決心去呢個餐廳食架啦，上次經過既時候，好驚喜會有漢堡店係西九中心入面開，所以今次幾乎係特登為呢間野而去深水埗架。佢入面感覺好典雅，同西九中心感覺簡直係強烈對比，環境衛生都相當舒服架！ 見佢餐牌，覺得佢呢個價位係深水埗/西九中心開都幾大膽，因為檔次感覺上係兩回事。我地就叫左兩個漢堡餐，一個係紐約經典牛肉漢堡，另一個就係美國西部漢堡。細味漢堡之前，就黎左薯條，呢個薯條簡直一大驚喜，完全可以話係一流，佢一啲都唔油膩，炸到金黃既脆度剛好，幾乎係食過最好味既薯條！ 仲有呢個新解鮮既沙律。呢個就係紐約經典牛肉漢堡，又名好DRY嘅漢堡，佢入面既材料澳洲安格斯漢堡排、煙肉、生菜及蕃茄，首先值得稱讚係佢個漢堡包上下都先烘一烘，好細心；成個漢堡用料絕不欺場，個漢堡因為無醬汁，全都依賴晒安格斯漢堡排本身入面既肉汁，口感乾身單調，味道平實，乾身真係將呢個漢堡扣減左好多分。因為有好DRY嘅漢堡比較下，突出左美國西部漢堡既美味，佢既材料同樣用澳洲安格斯漢堡排、洋蔥圈、芝士、生菜、蕃茄，重點係佢有秘製醬汁。可以話呢個漢堡個靈魂係個醬汁到，再加上哂洋蔥圈既惹味（瘦身女重嫌個洋蔥圈細咗啲？），佢比經典漢堡高出一半既分數，係無可厚非架，秘製醬汁同漢堡肉汁既交融真係令人幾回味。要講令瘦身男女留下印象，可埋會返轉頭食多次，呢個未必係，但環境真係唔錯，而薯條更係首推，如果去開深水埗，又食厭左深水埗果幾間好鬼出名又好鬼抵食既地道小食，都可以黎西九龍中心呢間試試既。…查看更多

瘦身男帶瘦身女去西九龍行街街，瘦身女有成八年幾九年無去西九龍lu.... 行街街之餘我地順道去拜訪下呢間隱世又好出名既沾麵因為我地去既時候七點都未到，一去到就有位啦 環境：啲枱櫈真係非常十分離譜，全部都係用汽水箱疊起，枱底唔伸唔到隻腳，張櫈又無預你放腳又頂住，基本上咁嘅擺設係好難坐到，更加唔好話啲袋呀背包可以擺係邊。瘦身男無錯係欣賞工場應該係自己裝修嘅熱誠，裝修雖然簡單但都好有風格，但啲枱櫈真係徹徹底底失敗，客人係會坐到唔想再坐落去，尤其女士更加唔方便，瘦身男女食完就真係即刻賣單走人  （其實坐落已經有啲想走） 服務/衛生：因為一食完個麵，侍應就會將剩返既湯再加清湯比食客飲，侍應都好殷勤，能度好友善 :) 　食物味道： 我地叫左一黑一白，湯底味道很濃，唔知係咪都幾多味精，每食幾啖就要飲大半杯水，麵質感偏稔，不彈牙；沾麵好倚重個湯，未知係咪個人口味問題，兩個沾麵，瘦身女一開始滿懷冀望，一食就已經無興趣食埋去，仲好掛住另一個沾麵店，搞到瘦身女決定搵返果間啲相補出返個食評 ；不過當場有讚既地方，佢個半熟蛋同叉燒真係岩岩好，半熟蛋因為曾浸過，外層蛋白地方已吸引晒湯既，入面就半熟狀態，非常好味，而個叉燒半肥到剛好，入口不膩，值得一讚 沾麵源自日本唔同既地方，各有風味，呢間公道講呢間沾麵都OK，但單係啲枱櫈已經令人卻步，希望店家真係換一換。瘦身男女唔會放棄，希望再搵搵出色既沾麵店，可以同某一間比較下，瘦身男女都會比心機搵返啲相推介返果間比大家食 …查看更多

瘦身男女極度鍾意老香港果種懷舊味道，所以我地選擇聖誕係香港島過，搭叮叮，半山扶手梯，遊走大街小巷，位處上環嘅瑞記，可以成為聖誕香港遊嘅美好句號。可能始終好多人狂歡後，都仲訓緊，我地十二點幾去唔係好多人，瘦身男女一坐低二話不說就點了西多士同樽仔奶茶，因為瘦身女好鍾意蛋牛治（咸牛肉），所以都點了蛋牛包；其實瘦身男都好鍾意蛋牛治，不過係鮮牛，為左補償下佢叫左個鮮牛麵。 服務：唔知係咪因為假期，得一個姐姐走全場，但係佢笑容一百分，好好招呼，係媽媽級既溫暖，服務好高質架。 環境：環境寬敞，雖然係熟食中心，但衛生乾淨，令人食得安心舒服 樽仔奶茶：瘦身男認為飲過最均衡嘅奶茶，香濃幼滑未係算得上，但勝在甜味適中，飲完唔會話想飲多啖水果隻，而且又有個樽仔，同出面嘅茶記相比奶茶味偏淡，但細滑口感補分不少  鮮牛麵：鮮牛令人驚喜，新鮮入味，牛肉同個面真係結咗婚，鮮牛同公仔麵稔度剛好，廚師烹調時間恰到好處，湯亦為清淡，更突出鮮牛既真味 蛋牛包：令瘦身女食指大動就係呢個蛋牛包，佢個甜包係先烘，有烘烤既美味，當中既蛋牛內有蔥花，果種蔥香令蛋牛更有層次，蛋同咸牛既份量剛好，食緊果陣真係不能言語；不過唔鍾意蔥花可能要講聲走蔥啦，另外瘦身女覺得個包用普通包亦可，因為本身咸牛係鹹既，又鹹又甜，會感覺複雜，瘦身男反而覺得個面包係甜嘅，又甜又鹹都無咩特別，成個包都好有屋企嘅感覺  香煎西多士：呢個西多士可以係呢餐既首要推介，佢唔似平常既茶記沾完蛋漿就拎去炸，而係上下香煎，令沾上蛋漿既包煎得甘香脆口，當中既用心細心真係令人好滾動架；瘦身女食開中間有花生醬既，不過呢個蛋漿、牛油、煉奶經已好足夠，越簡單，越不容易，卻越好味瑞記可以話體現中國中庸嘅傳統，所有野都恰到好處，係瘦身男女食完覺得好平均好高分既一間食店，中庸瑞記，香港味道 …查看更多

到離島玩完後，就出返尖沙咀搵野食，求其就去左寶勒巷呢間泰菜食野。之前瘦身女食話都可以架，但今次真係好失望，真係唔會再黎食。 :( 呢個生蝦中規中矩，蝦唔彈牙，鮮味亦唔夠，但個醬汁加返唔少分 呢個自選拼盤都係可以既，蝦餅彈牙香口，係普通泰菜餐廳質素，串燒雞味道唔濃烈，重有啲硬添！瘦身女覺得可以蘸耐啲，味道先更突出 瘦身男女到越泰餐廳必點就係海南雞飯，對我地黎講，呢一道菜可謂對每一間餐廳既評語有莫大既關係，而呢一間完全唔合格  ，油飯同白飯冇分別（根本就係黃色嘅白飯），而雞一啲都唔滑，重要雞無雞味，真係好失望ga 瘦身男飽到食唔落，瘦身女就負責呢一度菜，呢個特式炒金邊粉合格，略嫌配料乾身。 服務環境都係普通，叫做乾淨企理啲，但侍應要叫好多次先有反應 總括，揀食泰菜，九龍城求其揀一間或者會穩陣啲，呢間普遍菜式係合格而已，海南雞飯係大敗筆，呢個價位真係有更多更好嘅選擇…查看更多

睇戲前當然要醫左肚先啦，其實瘦身男女都鍾意食清淡野，好地個range好闊架 所以揀左呢個地理位置較其他餐廳輸洩既素食餐廳   入面環境好似快餐店，形式都係 萬如飯：食起黎，點埋個醬，真係好似鰻魚咁架，雖然係炸物，但係入口完全唔油膩，而且佢底下既菜絕不馬虎，相當惹味。 叉燒豆腐扒飯，個叉燒叉燒得嚟又唔肥膩，軟軟地幾特別，啲豆腐同菜都係豆腐同菜，但搭上糙米飯，真係食落令腸胃好舒服，感覺好健康，特別係豆類製品可以令素食者都吸收到蛋白質，係素食嚟講係好重要。古語有云：「好食嘅唔健康，健康嘅唔好食。」，呢間素食餐廳幾乎係淘大第一名，坦白講味道就一定唔係超級好味果隻，但素食嚟講可以話係別樹一格，唔係平常食開多油、多醬、勁炸或醃制做法嘅素食，比起好多素菜餐廳，呢間係味道同健康係平衡得好好，而且裝潢簡潔，真係同鋪名一樣，俾到人愛同家嘅感覺，值得一試，值得一去再去架。…查看更多

露天、無冷氣、唔太乾淨、迫、熱情姐姐，一切環境與其他香港苟然殘存嘅大排檔無異但坐落就同其他大排檔感覺完全唔同，隔離無飲啤酒嘅背心阿伯、無賭馬嘅爛口阿叔，反而係著恤衫長裙嘅「偽」文青 、穿戴Chanel嘅外國遊客，呢班人嚟到咁嘅環境，倒有好似紆尊降貴，微服出巡嘅一副光景。見對面操住一口流利英語貌似新加坡華僑的白衫婦人，似係初到香港旅遊，即管一試傳說中的道地香港美食，佢輕吮一口咸檸七，然後眉頭一皺，瘦身男心裡好笑，看來香港口味也不是人人欣賞。咸檸七係90年代嘅產物，又甜又咸又酸，開胃生津，便宜、混種、好味、無里頭，又好似香港。瘦身男吮一口呢款已經買少見少嘅道地飲料，舌頭間一陣難得的清爽，正！  但係瘦身女就唔係咁欣賞，就揀左凍奶茶，奶香比茶香重，不過不失。西多同檸蜜脆豬合乎預期，後者比較特別，係大排檔環境下食，總係特別好味！（不過瘦身男女食開有個地方質素比勝香園重好食啲，有人想知再講）最令瘦身女決定一定再到就係呢個蕃茄碎牛煎蛋通，瘦身女係不問瘦身男底下，自己決定叫蕃茄碎牛煎蛋通，並非一般人黎潮拜既茄牛通，但係絕對令瘦身男瘦身女相當滿意，碎牛煎蛋真係好正，牛味好出，個湯仲好足料，多好茄肉，鮮茄味好出，瘦身女飲晒成個湯咁滯！食色性也，文化也講好味，如果啲野唔係咁好食，唔知呢度重係咪一個旅遊書上嘅resort？又會唔會咁多唔同嘅人嚟食一探咩係香港文化？除咗濃郁鮮甜嘅蕃茄湯底、醒神嘅道地咸檸七，除咗依家開到周街係嘅精緻咖啡室同高貴西餐廳，各位文青同旅客，其實we are that cheap。「OPENRICE中環第一名，我夠知名不虛傳啦！」瘦身男滑一滑手機上的OPENRICE對瘦身女說，今次一嚟，已係瘦身男第二次嚟，但今次係同瘦身女嚟，又係唔同一翻風味，又算係幫瘦身女了咗一條心願（斬斷咗上一手嘅情絲，有人想知再講）…查看更多

瘦身男女係又想食極唔肥、又其實幾肥、又好鍾意食、嘅一對愛侶 ，兩人本來只係openrice CD-ROM  但不斷嘗試不同餐廳美食 累積不同經驗 希望把好的都推介 我倆也會post過去一年覺得值得推介的餐店予大家今次定點日本菜 因為瘦身男女太鍾意日本菜lu經瘦身男就挑選了 古今二 來到當然嚐有名的卷物  第1份「火山」卷物 材料多，味道口感複雜，食落可以用混亂嚟形容，但勝在創意搭救，有新鮮感；可能有不同材料，如蟹柳、蟹籽、帶子等，並配以沙律醬，感覺豐富，所以瘦身男認為值得一試  「金龍卷」，卷物以惹味嘅醬汁配搭，雖然同「火山」一樣有啲混亂，但都可以掩蓋咗材料唔太肥美嘅缺點，值得一贊；瘦身女就認為用料相對少，味道較「火山」鮮明吸引，芝士同三文魚亦相當搭配  「三文魚腩壽司」，三文腩入口肥美，新鮮，但瘦身男就覺得壽司飯有點硬，出現扣分地方  「牛奶抺茶」，係的確比較失望，茶入便明顯飲到綠茶份，唔夠幼滑，有改善空間 餐廳員工態度積極，落力介紹；環境亦唔錯，主打菜式嘅份量亦好適合一大伙人共晉晚餐  最後，店舖係3位後生仔夾錢經營，後生可畏，誠意十足，值得一試，絕對適合卷物愛好者，尤其係店鋪裝潢同門面設計都突顯心思，同工廈嘅環境配襯出工廈食肆嘅特色…查看更多