大食磁力王的個人專頁

自從朋友今年介紹後，愛上咗呢間川菜，限聚令下都已幫襯咗幾次！次次都掛住食，唔記得咗影相，今次終於記得！水煮涼麵，次次嚟都一定會食！水煮魚，又係必嗌，薯粉好吸味！鍋巴田雞，鍋巴好香口，但田雞斬得太碎！毛血旺魚柳，未必會再encore! 因為個汁唔突出，毛血旺冇乜味，又偏散！口水雞，好好味！蒜泥白肉就唔夠譚仔出息，可以試其他呢度好好，次次食都有送炒菜，個菜好好味，我試過買lunch takeaway 都有送個菜食辣嘢一定會諗起呢間！呢間明碼實價，份量又夠，一定會再幫襯！…查看更多

星期六晚上，一定要book枱先有位。二人坐四人枱，非常闊落。嗌咗鴛鴦湯底，入面已經有豆腐同埋鴨血，可以唔駛另外嗌都夠食呢度好好，大部分嘢都有得嗌半份，可以試多d食物。嗌咗安格斯牛，鴨血，鵝腸，響鈴，滷水牛筋，一個唔記得乜滑，一份皇帝菜，兩杯腐竹糖水沙冰，每人三百幾，算抵食，起碼捧住個肚走食到最後，仲比一細杯沙冰你清下個口，當甜品最有驚喜係鵝腸，好爽又唔肥。最欣賞係佢個湯匙，有洞，夾嘢上嚟可以飛走d湯，唔駛搞到自己成碗都係湯。呢度好好係加湯，唔係加味精水或者水，以後唔會再幫襯養x殿啦，因為呢度又平d，又好服務d有機會會encore!!!…查看更多

星期日的晚上，8點幾鐘到，竟然唔駛等位就入得座，好難得！嗌咗個二人餐，再加個小食。咕嚕雞肉漢堡，菠蘿一塊，但佢切開咗一半，同朋友share, 一人半塊唔駛爭。雞肉好大塊，炸得夠脆，塊雞扒冇硽過，好彩冇雪味，但唔會再encore!!!牛油果軟殼蟹漢堡，個醬好fresh, 牛油果又好match過軟殻蟹！好味！阿媽雞翼，唔好味！個醬好怪！薯條新鮮炸起，冇油益味，落咗蒜粉，好香，但又唔會好over, 點呢個芥末沙律醬，好mtach柚子檸檬梳打，只係見夜媽媽，身體又唔多受到咖啡，所以先叫佢，不過不失，勝在唔甜有機會去開呢頭都會再幫襯‼️‼️…查看更多

其實我想試唇茶好耐，但疫情下，真係好少過海，難得有事出尖沙咀，辦完事就買返杯返屋企慢慢嘆。嗌咗果子梨，半糖少冰，貪佢有羅漢果，可以潤下喉。其實我買完，大半個鐘後先飲，d冰已經溶晒，但杯飲品仲好濃味，證明杯嘢真係足料炮製。好鐘意佢d核膠，爽口得嚟又𡁻得爛，好過食珍珠難消化，感覺上呢個真係健康好多！個杯有好香嘅茉莉同桂花味，因為有羅漢果，飲完仲有回甘，好正9月9日至13日仲有8折，好抵飲。希望遲d港島區都開分店，實會支持…查看更多

限聚令下，只可以6點前堂食。某星期六，就約朋友試下呢間小店，畢竟疫情下，唔想浪費風險去食低質迴轉壽司！呢間小店只有12個位左右，只限walk in, 排咗半個鐘先入得。嗌咗個特上壽司，一份二人前精選刺身同一個特選138元壽司餐。坐位有d迫，午市套餐包沙律同麵豉湯，沙律新鮮，而麵豉湯係有濃濃的三文魚味！唔逐一品評壽司了，呢間d壽司都幾新鮮，但冇一樣有驚喜，中規中矩，一定好過元x嘅質素，但手卷同軍艦嘅紫菜係林嘅，呢個要扣分‼️小店環境真係好迫，冷氣又唔夠，食完就可以即刻起身走。呢個價錢，都可接受！…查看更多

朋友食過話好好食，咁我哋一行4人就book位去試下呢個omakase! 咁啱我哋嘅時段得我哋呢枱客，有包場嘅感覺，唔知係咪因爲疫情，所以只可以一個時段一枱客。我哋4個都嗌$650 set! 熱死辣辣，先嚟一杯冰茶！第一道上嘅係茶碗蒸，蒸蛋好滑！刺身同壽司都係廚師話事！刺身好新鮮，唔同嘅刺身有唔同嘅汁同處理手法，好特別！壽司最難忘係海膽壽司，勁多海膽，海膽新鮮冇臭味！海膽係我至愛影漏咗個料理同碗湯！其實d嘢逐件逐件上，一餐飯都食2粒鐘，食完都夠飽有機會，都想再嚟！…查看更多

某個晚上，排咗半個鐘就入得，用pad嚟落單，可以節省人手！朋友同埋我都好鐘意吞拿魚，就要咗個吞拿魚壽司併盤。拖羅有筋，成碟嘢都不過不失！雜錦魚生粒粒沙律，為咗健康d先叫，幾新鮮！油甘魚壽司，正常冇特別！明太子雞亦，炸到有d燶！又嗌咗1 d壽司，又係普普通通！我哋又嗌咗個刺身飯但冇影相！總括嚟講，呢間質素係高過壽司郎同元氣，但價錢好明顯又係高多一格，呢餐飯，坐得迫，兩個人食咗千二蚊左右！論cp值比較一般！…查看更多

某日weekday lunch, 一點左右嚟到，排20分鐘左右就入得，但要搭枱，坐得唔算舒服，但冇灣仔samsen咁迫！呢度嘅menu同灣仔好唔同，冇船麵食，咁又唔想食咖哩麵，所以今次試泰式打拋和牛配油炸雞蛋飯炸蛋好好味，脆邊，蛋汁又好好撈飯和牛粒切到有d碎，唔係太食得出係和牛，但份量頗多，夠晒送飯，我覺得可以唔駛點個魚露，因為已經幾重口味下！呢度lunch可以加18蚊有杯凍奶茶，反而灣仔就全部嘢都要散叫！杯奶茶不過不失，但唔算好泰國風味，茶味爭d！服務好一般！…查看更多

呢間餐廳勁難book, 試過6點幾上去已經full booking，咁上到去，卜期都卜到兩個星期後。。。今次終於食到。6點半準時上到去，兩個人嗌咗個steak, 軟殼蟹pizza, 避風塘雞亦，牛油果沙冰同埋caramel沙冰。呢間d食物係好食過尖沙咀嗰間！Steak, 有沙律同蕎麥麵，感覺清新d，冇咁heavy! Steak冇問到我哋幾多成熟，自動整7成，一d都唔鞋，好味！Pizza，軟殼蟹炸到勁脆又唔油，個pizza有d薯仔菠蘿，口感豐富，好味雞翼，相對失色，有雪藏味，但都惹味！牛油果沙冰，唔甜，但唔夠濃味，啱我口味！Caramel 沙冰，darling話甜咗d，佢都飲唔晒是日晚餐食咗500蚊，抵呀！…查看更多

某個weekday下午，去朋友屋企玩，入到嚟先食嘢，一早喺長途巴士襟openrice睇有乜好西食，本身諗住最壞打算係食m記！一到商場，盪兩嘢就見到呢間茶餐廳，一於食佢！嗌咗個$55嘅港式all day breakfast, 有咁多嘢食，絕對收貨，仲要冇我最討厭嘅茄汁豆同bacon!沙律，廚師俾芝麻醬比得一d都唔手軟。豬扒，夠大塊又軟，好抵食！司華力腸同薯餅，來貨貨式，好難有伏！煎蛋好大份，完全食唔晒，最後連個牛角包都冇食到！加埋杯凍華田先58蚊，好值得幫襯！…查看更多

某個weekend 諗住由灣仔行落銅鑼灣，行到一半，熱屎辣辣，去到呢頭，好想飲返杯drinks，諗過行多幾步飲一芳，但未試過呢間，今次就試下先。嗌咗菠蘿烏龍茶，無糖！菠蘿切碎晒，用枝大筒就啜到晒！菠蘿有𡁻頭，好好味！烏龍茶有茶味，唔gip，再濃返d就更好！😬坊間有d菠蘿係一塊塊上，仲要浸過糖水！😑其實喺條街到，點食塊菠蘿呢？呢杯嘢盛惠26蚊，份量又大杯！店員態度又好好，唯一唔好係舖頭冷氣不足！…查看更多

某星期六嘅晚上，行銅鑼灣行到攰，食咗幾間餐廳嘅大檸檬，行到呢幢，見呢間有位就狗衝咗入去！好後悔！入到去坐，個位勁迫，張枱淨係放得落刺身，就冇位放其他！職員又少，成日叫天不應叫地不聞！唔新鮮，兩個人嗌呢盤，都唔想食晒！唯一可取係我寫幾多，佢嚟幾多！串燒，燒到黑晒！我哋本簿冇咗炸物張紙，唔係聽到隔離講，我哋都唔知有！懶高級咁有花膠食，但個花膠雞煲係冇味！竹笙翅即係劣版碗仔翅，仲要有爛晒無限煲嘅雞肉，勁古怪！d壽司咁嘅賣相，一上碟已經爛，d飯又硬又乾！:(全餐最好食係燒菠蘿！…查看更多

月頭睇咗某報紙嘅報導，見到介紹酸菜魚，咁搵日約埋同事就過嚟食。某個平日嘅晏就，唔駛等位直接入坐，但需要搭枱。第一次嚟，目標明確，我要試酸菜魚！88蚊個套餐，加咗枝檸檬薏米水，齊頭$100，冇加一！先嚟個沙律，冇咩特別！檸檬薏米水，唔甜，夠味，隱約食到檸檬，好健康，飲得出係自家制！酸菜魚，嗌咗小辣，夠晒酸，魚冇乜骨，酸菜夠酸，份量充足，似大陸食嘅酸菜魚，夠正宗。d湯好好飲，一d都唔湯，夠酸夠辣，我拎埋嚟撈飯呢間嘅冷氣好似唔多夠，堂食環境好一般！前日又買外賣返公司食，但外賣盒又收3蚊，真係進退兩難…查看更多

早排疫情下去食，不用book, 直接入座，可能西區關係，起碼7成客人係煲冬瓜人，香港人佔好少數。朋友唔食得辣，咁就一邊麻辣少辣，一邊芫茜皮蛋湯底，個皮蛋湯底好清好淡味，麻辣嗰邊正常！呢度幾好嘅地方係好多食物都可以揀半份，兩個人食，魚、蝦，每碟得4件，每人試到兩件，但咁叫法，其實都唔平。麻辣火鍋，一定要叫少少內臟去吸湯底，所以嗌咗鴨血、魚膘！蔬菜正常冇特別，呢餐食咗七百幾，其實唔係嗌得好多嘢食，起碼冇頂心口嘅感覺！食麻辣火鍋，都係北上食，化算得多，橫掂呢度裝修、環境、食客，同喺大陸嘅麻辣火鍋店差不多！…查看更多

我係打邊邊達人，食過好多間日式任食火鍋，我最鐘意係牛一。因為佢有好多菜揀，湯底同材料又會有變化，地方又算乾淨衛生，嚟呢度食，從來都唔會對佢d肉有期望，只係想食多d唔同類型嘅菜，呢輪特別d嘅有羽衣甘藍、蟲草花。今次食尖沙咀分店，我覺得不如銅鑼灣同太子，因為冷氣唔夠，間嘢明明有位，但安排入座都搞好耐，好明顯人手不足。同埋感覺上唔夠其他分店乾淨。不過食呢間記得download 佢個會員app, 長期有85折coupon。…查看更多