滿屋日本料理 (已結業)

某星期六嘅晚上，行銅鑼灣行到攰，食咗幾間餐廳嘅大檸檬，行到呢幢，見呢間有位就狗衝咗入去！好後悔！入到去坐，個位勁迫，張枱淨係放得落刺身，就冇位放其他！職員又少，成日叫天不應叫地不聞！唔新鮮，兩個人嗌呢盤，都唔想食晒！唯一可取係我寫幾多，佢嚟幾多！串燒，燒到黑晒！我哋本簿冇咗炸物張紙，唔係聽到隔離講，我哋都唔知有！懶高級咁有花膠食，但個花膠雞煲係冇味！竹笙翅即係劣版碗仔翅，仲要有爛晒無限煲嘅雞肉，勁古怪！d壽司咁嘅賣相，一上碟已經爛，d飯又硬又乾！全餐最好食係燒菠蘿！