艾薯莉Ashley的个人专页

途經奧海城，見到一間甜品店，比舖面嘅麥嘜、麥兜同屎撈人公仔吸引住（00後係應該唔識嘅，麥兜係我嘅同年回憶...）, 舖名都係叫麥太甜品，我仲以為麥太只識整「紙包雞」同「雞包紙」Tim, 原來仲識整甜品Wor~ 企咗陣打卡，店員禮貌介紹，佢哋係一間幫婦女就業嘅社企，咁有誠意，當然要比一次機會，支持吓嘅 一口氣叫咗2款甜品外賣，第一個係$32嘅芒果班戟，d芒果超大塊，仲堅甜Tim, 而個皮又唔硬，食得落好新鮮，呢個下次可以再叫。 第二款係$32嘅熱合桃露，合桃露夠熱係基本，食得出唔係多多牌開粉沖，係真材實料嘅。如果可以再加多d焗過嘅合桃碎，增加口感就更正喇！…查看更多

呢度嘅high tea供應時間好長，由下午到晚上都有得叫，最啱我呢d甜品當正餐嘅人，5：30pm嚟到唔洗等位，仲無咩人Tim，因為大部分人都係買外賣。一向都係Tony wong嘅鐵粉，佢嘅yogurt 同cake都好鍾意食，難得有地方可以high tea食晒2樣，只係$358／2人，仲要唔洗加一，點計都好抵。由於太為食，仲散叫多件焦糖朱古力毛士，結果作為甜魔嘅我，都食到反晒肚，份量真係好足夠。味道方便，真係每件都好出色，Tony Wong嘅甜品，每件都好有層次，口感豐富，連毛士蛋糕嘅魚膠粉份量都控制得好好，唔會食到好膠嘅感覺。連蛋糕面嘅裝飾都係靚朱古力，可以放心食埋。蛋糕嘅toppings、餅底同啫喱，都係smile yogurt有賣嘅款，再配搭出嚟，都幾物盡其用，變相可以嘗多幾款甜品。鹹點嘅用料雖然唔名貴，但味道都好正常，比想像中有驚喜。而scone 都做得好好，配埋玫瑰士多啤梨醬，真係輕鬆ko一整個，唔會覺得好口乾，成口粉。食過茶園、四季、rosewood 同F&M，等等嘅High tea，佢地嘅high tea總有d野唔啱口味，食唔晒，有時質素都幾唔穩定（特別係節日落order）。但Tony wong嘅，我又每款都清晒。佢都係酒店甜品師出生，用咁平嘅價錢食到呢個級數，真係好抵。PS.不過個餐牌真係比較舊，如果可以換新，但唔加價就好了…查看更多

真心食過無數咁多次，就係呢年，去過兩次staycation，一次朋友結婚典禮.....每次都例牌蘋果派+蜂蜜蛋糕，有時仲會買吓切餅、菠蘿包同開心果曲奇，但今次忍唔住 ，一定要寫返個食評.... 總結心得，切餅，菠蘿包沒有試食的必要。蘋果派味道維持不變，蜂蜜蛋糕質素差咗好多。我外賣自取咗3個，1個蛋糕比咗人，另外2盒都發現粉漿未攪好，有麵粉粒沉底，令底層蛋糕超硬，食唔落底層，要切走佢，得番半個，希望會有改善。…查看更多

見到咁平可以任食日本串燒wor，就走去食啦，點知原來係試伏測試嚟嘅串燒係個set嘅重點，就講串燒先....平心而論，雞皮同雞翼，其實燒得OK，不過所有串燒嘅重點係完全冇味嘅，又燒到好乾，真係食到好辛苦。仲有，最離譜嘅係，餐廳話有20款串燒選擇，我七點去到，個三文魚燒飯糰已經話售罄，飯都無？所以整唔到飯糰？!定因為燒飯糰要慢慢燒，燒好長時間，所以廚師唔想出呢!？另外，仲有其他缺點，前菜個豆腐沙律，個醬水到呢；煮物似關東煮，但賣相似打邊爐食淨嘅；其他野我都無心機影相，包括個酥皮海鮮湯，鹹到以為係教主整嘅，個蒸蛋仲恐怖，好似AK代言生粉咁，有個“獻汁”漿住個口；最離譜係連個甜番薯，竟然係唔甜嘅仲有所有嘢飲話都唔包，除咗熱茶，加埋一$3xx，又坐得超迫，又無隔板，不如食其他放題店，起碼刺身、串燒、野飲同甜品任飲啦…查看更多

之前朋友請我食過唧花朱古力曲奇，我覺得好入口鬆化，加上傳統朱古力醬，好有童年的味道，決定去大量入貨屋企人鍾意食傳統拿破崙，又順便訂多2個，$138-168，咁大個，真係好抵食。店家話係6人份，切6份之後，我一人份量都食唔晒，唯有硬著頭皮食埋佢。酥皮超正，開心果口味好特別，出面食唔到。而中心層是合桃蛋糕，是不是合桃蛋白餅，兩樣都係正宗嘅，不過我鍾愛蛋白餅多d，如果之後推出就好了。另外仲買咗咖啡曲奇、合桃酥和吐司麵包，都係好食，抵食之選。而麵包口感有少少“煙韌”有西式麵包嘅口感，亦是不錯的選擇。點解我唔係住係樂華邨呢不過，佢有幫手call車服務，我買咁多，早知call車送貨…查看更多

在奧運站「蕩失路」，遲咗足足20分鐘先到餐廳，好彩老闆依然留枱比我哋，又拒絕咗walk in嘅客人，真係勁唔好意思。餐廳環境雖然唔算闊落，不過就跟足食肆50%入座要求，所以枱與枱之間有足夠嘅空間感，好抵讚食物係一間餐廳嘅靈魂，我覺得餐廳嘅「性價比」奇高，簡直係嚇親寶寶了！主菜叫咗豬鞍同T骨牛扒，豬鞍香脆同粉嫩，我覺得比牛扒更出色。而我最欣賞係佢個伴碟，焗「原隻甜蒜頭」，識煮野食嘅朋友都知，呢個雖然簡單，但要起碼焗30分鐘，令蒜頭變得焦香清甜，店家嘅廚房咁細，仍然肯花心思在配菜之中，令人眼前一亮。而前菜仲有忌廉蘑菇湯同沙津，兩樣食物都睇得出店家雖然唔係用上頂級靚料，但食材質素本身唔太差，加上有用心機去配搭同烹調，令菜式的味道更豐富。例如，湯底本身似用x寶湯加水開成，但店家就加上大量鮮蘑菇蓉及香料，令味道更有層次。而沙津除咗一般嘅沙津菜之外，仲加入胡蘿白、西芹和青提子乾等等。2份重量級主菜，各包超大碗餐湯、超大碟沙津及超大碟意粉，加$2仲有凍檸茶飲。情侶嚟食，已經叫少一碗湯、沙津及意粉都飽到投晒降，仲要打包拎走埋單只係$418，我覺得直頭夠餵飽4個人。我覺得間小店告急，係因為老闆定價太低囉，而且仲要遷就客人口味，走醬，改醬汁，咩都得（唔該定番高少少價位啦，我覺得你嘅食物係值得嘅，慢慢實會有口卑，唔洗大平賣）ps.上菜真係有點慢同有d唔順序，不過起碼每樣菜式都係熱辣辣送上，我覺得可以接受啦～部份菜式原來要預訂，想食到，就要做足功課lu…查看更多

無得去旅行，香港人好慘啊！所以唯有去食台灣野，感受下寶島風味啦～平日午台市段人流都比較多，2：00吸嚟到，不過好快都有位。重點是手機點餐，疫情下，唔洗咁多接觸，好快就有食物送到了！抵讚！叫咗兩樣招牌美食，擺盤幾好，簡單好睇，加上環境有文青風，加上職員比較年青，令餐廳感覺幾年輕化，而座位方面，都坐得舒服。食物方面，味道天然，食到食材本身的味道，而且味道正宗，唔似外間的仿台灣料理。另外，炸野都唔太油，夠脆口！…查看更多

落大雨，趕住搵間餐廳坐低，見食評好高，於是決定幫襯。一坐低，發現餐廳做緊優惠，只要出一篇食評，就可以免費獲得一杯飲品。証明高好評，背後總有原因嘅。不過仍然坐低咗，總要一試。叫左3個一人餐，飲品賣相吸引，不過全部都是糖漿加梳打水/茶/奶的製法，特別是百香果綠茶，比較淡，而味道最正常嘅係黑糖珍珠鮮奶。主菜方面，兩個意粉味道正常（自己無試過，同行的朋友話ok), 但原來真正打大佬嘅係「墨魚蝦肉餅漢堡」 。食漢堡當然要大大口咬落去，整個麵包都凍冰冰，口感好粉。食多一口，都覺得好怪。之後用刀切，先發現原來自己一直食緊生墨魚蝦肉刺生，塊餅完全唔熟嘅！？於是，立即同個英文侍應講，佢話轉塊牛肉比我，仲叫我重覆多一次,「你塊肉係生嘅」中文點講，因為佢中文麻麻地要同廚房反映。之後，侍送放來了一塊淨牛肉漢堡扒，並用英文解釋個廚師第一日返工，所以唔識分生熟！？其實作為一個食客，真係唔會接受你個廚師返咗幾多日工，所以煮嘅野係生嘅！！（簡單煎一塊餅，生熟都唔識分，佢真係廚師！？蝦熟咗是紅色的，但我嗰碟是白色同透明）你請得個廚師返嚟，佢煮野唔好食，我都無得怪你。但你一定要確保佢煮嘅食物係安全吖！你迫個客人食生野，佢隨時食毒中毒。仲要最後唔係全碟更換，只是換中間的漢堡扒比你，你要食番d夾過生肉嘅麵包同芝士，完全沒有食物安全意識！！！食到成肚氣，想飲番杯水。發現double glass嘅玻璃杯裡面有污漬，到底職員有冇洗杯的？最後你肯收我錢，我當然會照比啦，不過你仲比埋coupon我，你真心覺得我會再光顧？之後再睇下食評，發現自己食過尖沙咀的雪糕店，覺得味道還好，想不到堅尼地城分店的差距咁大。。。。世上打手真係多。…查看更多

記得與 Dear coffee 結緣已經是3年前的事了。新年假期咩店鋪都唔開，竟然這家咖啡小店會開門，因為年青人唔洗去拜年，就索性開門做生意，於是就與店主談下咖啡經。之後，每隔幾個月便會光顧一次，店家的咖啡味道沒有太大變化，保持一定水準。意式咖啡味道平衡，而手沖單品咖啡，則視乎店家最近收藏了什麼莊園、產地嘅靚豆了，要飲靚豆，就要隨緣。所以，通常兩個人會叫一 Macchiato/Magic，再加杯手沖就可以試晒兩種咖啡。而店家另一出名的手工麵包同其他輕食，食得出是自家製作，著重食材本身的原味，而不是走複雜烹調嘅風格。（雖然兩者各有可取） 大概，快樂除了是種選擇之外，亦是包含著簡單。…查看更多

家人食過呢間嘅燒味，話好好食 。今次就特登買左一斤叉燒（$130）同半隻乳豬（$258）返嚟加餸 。叉燒係半肥瘦嗰種、燶邊、食落夠淋又有肉汁，係好食嘅，不過價錢就比較貴囉。睇下你覺得心目中，肯比幾多錢去食嚿叉燒先叫合理。而半隻乳豬分咗兩盒放， 一盒主要係放豬身嘅肉，另一盒係放豬頭。 雖然係外賣，但隻豬凍咗啲皮都係脆嘅，比叉燒抵食。…查看更多

最近成日要嚟炮台山上全日堂，發現呢間茶餐廳， 咩時段都要排隊， 早餐又要排、午餐又要排 、下午茶又要排，令我更加想去食。自己叫咗碟「咖哩吉列豬扒飯」，下午茶價37蚊,大大碟， 吉列豬扒熱辣辣，食得出係即炸嘅，CP值極高。另外同同事share咗個芝士煎蛋豬扒包$32， 麵包外脆內軟， 豬扒唔會整到又乾又硬乾，加埋溶化嘅芝士，超邪惡！…查看更多

大圍顯徑一帶食肆都係以茶餐廳為主，因為夠 Local， 實有人幫襯 。所以作為顯徑人，都好渴望一落樓下，就可以飲到意式咖啡，上天應該係聽到顯徑人嘅禱告，開咗間叫「Four x four」嘅咖啡店。而 Four x four 嘅前身就係一間唔起眼嘅「龍豬冰室」，係唔起眼嘅地方開咖啡店，反而會令人期待、去嘗試。今次係第三次光顧。記得店家剛開店時，下午茶時段（3：00pm後）只賣All day breakfast 同多士等小食，對於鍾意食brunch嘅我嚟講， 略嫌唔夠喉。估唔到，店家會定期轉menu，而且加入咗d較飽肚嘅食物，包括「醬油忌廉西班牙豬肉扁意粉」同「自家製羅勒醬煙肉扁意粉」。食過All day breakfast 同焗多士等食品，味道正常，因為烹調簡單，唔會太差。反而最大驚喜係「醬油忌廉西班牙豬肉扁意粉」同「自家製羅勒醬煙肉扁意粉」。「醬油忌廉西班牙豬肉扁意粉」 蒜片炒得夠香 ，食得出應該係用鮮忌廉汁嚟炒，好好味；而「自家製羅勒醬煙肉扁意粉」嘅羅勒醬入口清新，配埋d芝士粉/ 焗麵包糠碎，好快可以KO一碟，唯一美中不足係有少少鹹 。至於義式咖啡方面，咖啡溫度、 拉花嘅賣相、咖啡飲落嘅口感， 三方面都平衡得幾好，在地方小店而言，已經好高質。…查看更多

特登帶小朋友去石門， 因為石門最出名嘅係勁多夾公仔機，結果銀包大出血，只好靠食野去安慰番自己。沙津勁多選擇，配搭又勁新鮮，超推！而下午茶的迷你漢堡同薯條都唔錯，可能滿足到想食肉又怕肥嘅朋友。而窩夫同鮮果茶比較普通，特別是鮮果茶要加錢, 感覺唔係咁抵。食物整體係中上，不過與價錢成正比.…查看更多

途經尖沙咀The one,又熱又口渴 ，正想飲番杯茶飲。而店家最吸引我的地方是位處商場有冷氣，唔洗熱辣辣排隊等落單。原本只係order 咗芝麻烏龍麻糬鮮奶及柳橙冰搖綠茶 。點知店員「落足嘴頭」勁Sell我試埋d蛋糕，我見有discount, 同有唔少座位可以坐，就order 埋件岩鹽蜂蜜抹茶蛋糕同豆乳蒙布朗。（證明自己都幾易氹。 事後諗諗下，店家仲整埋咁多座位，應該有心吸引d 女生，行街行得累，順便嚟叉下電，我又中咗店家的消售手法了。）飲品方面，芝麻烏龍麻糬鮮奶超足料，勁濃芝麻味，十分飽肚，對女生嚟講，要ko一杯，負擔比較大；而柳橙冰搖綠茶就係另一個極端，比較清新，適合配搭蛋糕。至於岩鹽蜂蜜抹茶蛋糕， 鹹鹹甜甜幾有趣，抹茶味微微的，不致於有草腥味 ，如果可以再濃d抹茶味會更加好。而件豆乳蒙布朗，可能雪得太凍，面頭有少少硬，放多陣室温，口感較好，整體味道天然。…查看更多

正所謂工欲善其事， 必先利其器，行動前，先醫飽肚仔。奄列加配煙肉，分量超大，食完充滿力量！包點籃成為$88，可以自選4款麵包，一個麵包接近$30一個，4個只賣$88，超值！ 當中以牛角包和蘋果鬆餅最美味。最後，配埋 double espresso同 piccolo latte，保証醒腦又提神。…查看更多