mtmtcamper15's Profile

之前同朋友食過呢度嘅點心... 覺得唔錯! 今日再嚟見到有套餐... 即管試試... 又唔錯wor🤪 商務午市套餐... 每位$668✨極品廚師拼盤 - 黑松露大蝦多士好香脆又彈牙、蜜汁叉燒有種入口即化嘅感覺、話梅蕃茄好開胃!✨九年百合杏汁燉花膠 - 有滿滿嘅骨膠原、湯味香濃!✨焗南非鮑魚酥 - 香酥鬆化、鮑魚濃郁有嚼勁!✨松露野菌炒蘆筍 - 清甜爽口✨蟹肉桂花炒米粉 - 口感清新、唔會過鹹✨[如]甜品三重奏 - 蝶豆花豆腐凍香濃得嚟甜度適中、好似菲林卷嘅芝麻卷煙韌彈牙、桂花糕清甜!食物質素、環境、服務都唔錯... 推介畀有品味、對食有要求嘅人士!…Read More

北京高級火鍋品牌【新京熹】首間香港分店已經正式登陸喇! 呢間傳統京式火鍋店主打內蒙草飼180天羔羊肉、有機蔬菜以及多款自家調配嘅蘸料! 仲有特別之處係佢地將中國國粹「京劇」融入用餐之中...每晚有2場表演... 食客可以一邊食一邊體驗中國文化... 仲唔係有驚喜？🤪香港店目前提供嘅係一人一鍋... 可以揀自己鍾意嘅湯底! 湯底有清湯鍋、麻辣鍋、黃蕃茄酸湯鍋... 有辣有唔辣... 任君選擇! 🤗食材經過嚴格挑選... 所以全部都好新鮮同優質! 包括嚟自錫盟嘅180日羔羊肉... 肉質多層且高鈣... 由專人專車配送! 蔬菜係嚟自北京京遇有機農場 ... 無添加任何化學、農藥! 而鮮菌全部係由雲南直送! 另外亦有提供優質牛肉、海鮮、多款北京特色小食... 配合唔同食客嘅需要! 店內有多款精選蘸料可供選擇... 例如帶辣味沙蔥椒麻汁就同涮羊肉好match... 昆布豉油汁就同菇菌蔬菜好夾... 此外仲有香辣醬、芝麻醬、韭菜花醬、南乳醬等等... 各具特色!👍我哋今晚就order咗:🔸錫盟草飼10cm多層高鈣羊肉🔸錫盟草飼180天羔羊肉 🔸經典脆毛肚🔸鮮切雲貴州黃牛吊龍🔸穀飼牛上腦🔸烤羊肉串🔸油炸有機黃豆卷🔸四季菜籃子🔸雲貴川鮮菌🔸老北京糖油餅羊肉非常高質... 口感鮮嫩冇乜膻味! 必點!毛肚大大塊... 好爽脆!牛肉嫩滑多汁... 幾乎入口即化!羊肉串燒香口... 超好味... 唔鍾意食羊嘅都食到!黃豆卷豆味非常香濃!菇菌好有鮮菌味!糖油餅香脆可口... 推介!呢度嘅環境都幾舒適... 除咗大廳... 仲有好幾間4至12人嘅廂房! 價錢方面一啲都唔貴... 以佢哋提供嘅食材質素... 可以話幾抵食!😋 …Read More

廚師發板食過唔少次, 講有質素嘅呢間都佔一席位!🔸茶碗蒸日式蒸蛋好嫩滑, 仲有螢光魷魚做點綴!🔸酒肴2品(馬友一夜干、慢煮鮟鱇魚肝)馬友香脆肉嫩, 魚肝矜貴順滑!🔸壽司10貫(石門鯛、天然深海池魚、北海道櫻鱒魚、北海道北寄貝、佐賀關關池魚、赤足海老、赤身醬油漬、燒太刀魚、野生中拖羅、赤馬糞海膽)用時令嘅刺身海鮮食材, 令到壽司食落鮮味無窮! 當中我最欣賞鯛魚、池魚、拖羅、海膽, 味道香滑濃厚!🔸卷物用干飄整嘅壽司卷, 食落有種反璞歸真嘅感覺!🔸玉子燒 用咗蝦肉蓉、淮山蓉、雞蛋去整, 口感出奇地似蛋糕, 帶有海鮮鮮味, 細膩綿潤!🔸吸物用魚熬湯, 鮮甜冇乜腥味!🔸甜品可選雪糕或咖啡! 整體感覺唔錯, 特別欣賞刺身零腥味, 掂呀!*午市廚師發板: 每位$780 / $580…Read More

放題嘅食肆越做越多, 但係水準非常參差! 我最唔鍾意嘅就係食到趕頭趕命嗰d, 食得嘢嚟都同朋友吹唔到水! 呢間【極上帝王水產】就唔錯嘞, 可以輕輕鬆鬆喺度食個午市放題, 朋友果然無介紹錯!👍呢度嘅佈置好有日本色彩, 座位方面比起一般放題店算闊落㗎, 眼見環境都算企理!食物款式有好多, 啱曬心大心細、乜都想食嘅朋友!😆 要火鍋有火鍋, 要燒肉有燒肉, 刺身、壽司、熱食、日泰特色食物、甜品一應俱全, 選擇仲唔少㖭!👏 我地揀咗極上套餐, 比最基本嘅餐多咗生蠔、海膽、鵝肝、鰻魚、鮑魚呢d價位高d嘅食材!咁多樣食物, 我最推介👇🔅磯煮鮑魚🔸大大隻、夠厚肉、夠彈牙🔅鰻魚🔸肥厚多汁🔅和牛粒🔸非常嫩滑🔅生蠔🔸好鮮味肥美🔅藍莓鵝肝🔸冇氈味之餘仲有清新嘅感覺🔅刺身🔸其實款款都好味同新鮮, 個人最鍾意珍寶帶子其實樣樣試少少都好夠飽, 最後店員仲提我哋食返個雪糕, 為呢餐豐盛嘅放題劃上完美嘅句號。…Read More

磯野水產🫧📌銅鑼灣軒尼詩道525號澳門逸園中心19樓唔洗去日本都可以品嚐到地道、優質、款式多多嘅新鮮食材, 呢間係我其中一間我經常推薦俾朋友嘅食店。前菜係生食嘅蔬菜棒, 有青瓜、沙葛、甘筍, 點d自家製緹魚醬食好正。嚟呢度主要係想食海鮮, 叫咗清酒活帆立貝、黑松露牛油活帆立貝、浜燒活北寄貝、鐵罐酒蒸文蛤, 全部即叫即整, 原汁原味, 新鮮到一個點!壽司當然係唔少得啦, 叫咗個磯野壽司盛會, 總共有八件唔同款式嘅時令壽司, 件件都咁新鮮, 真係想成盤自己食曬!仲叫咗牛舌鋤燒、天婦羅魷魚鬚呢兩款小食, 份量都唔細! 牛舌燒得啱啱好, 有好香濃嘅金蒜同香蔥, 特別惹味! 天婦羅魷魚鬚好彈牙, 好食到停唔到口!食埋炒飯就啱啱好喇, 有松葉蟹肉、蟹膏、海膽、蝦仁, 炒飯粒粒分明, 掂呀!…Read More

就快過農歷新年，諗買咩送禮都有啲難度...入去COVA 𥄫下有冇選擇，最後揀咗佢哋 全新推出王牌迷你扇子酥禮盒 (Mini Fans Puff Pastry Giftbox). 呢個王牌迷你扇子蘇禮盒...只要打開盒蓋，獨特馥鬱濃香法國AOP牛油香氣、令人彷彿陶醉於『時尚之都』 意大利。米蘭🥰再咬一口迷你扇子酥...完全感受到糕點大師嘅精心製作，金黃酥脆千層酥皮、淡淡滋味😋**AOP的縮寫,意思是原產地法定保護區的認證 該產品來自於特定的區域,並使用傳統的工法攪乳製作,從乳源、產區、製作方法、發酵時間、溫度掌控等,都有著嚴格的規範」,且每年會再複查一次,確保其出產的乳製品均保有最高的品質…Read More

天寒地凍食火鍋就最開心, 最好仲係放題, 樣樣都可以食吓, 冇咁悶, 而且仲唔使就住就住!今日去咗將軍澳呢間大將, d食物好新鮮, 而且選擇都算多!  呢度係一人一鍋, 自己鍾意食乜就淥乜, 湯底可以自己話事! 湯底選擇都好多, 主要係日式湯底, 有辣有唔辣!  我同朋友分別揀咗〈麻辣味噌湯〉同〈雞白湯〉! 麻辣湯底一嚟都幾辣下, 但係真係幾惹味, 可以唔使再點醬, 鍾意食辣嘅可以試下!〈雞白湯〉就雞味濃郁!我地order咗〈澳洲和牛牛小排〉火鍋放題, 和牛牛小排質素相當唔錯, 仲有安格斯牛小排、嚴選Prime牛肩肉、特選牛肩肉等等都好掂! 除咗牛肉, 仲有雞肉豬肉同海鮮, 都係任你order! 當中我極力推介沙白, 係必點嘅! 沙白非常肥美鮮甜, 真係忍唔住encore! 仲有推介昆布漬雞肉, 超級嫩滑!另外喺自助食品區仲有好多款蔬菜、丸類、小食、前菜、熱食, 仲有軟雪糕機, 真係有得食又有得玩! 至於飲品都係包埋嘅, 除咗冷凍櫃入面嘅飲品, 仲有自助汽水機、咖啡機!…Read More

識飲識食...當然係飲行先啦😜曾幾可時我都係酒吧常客, 最近反而多咗去Sake Bar 湊下熱鬧, 淨係日本 Sake 都有好多不同種類，當中仲有日本天皇級數嘅Sake, 今晚小弟有幸品嚐到🤩😋呢度嘅sake可以by glass, 亦都可以by bottle, 你可以自己揀, 或者將你嘅preference話畀唎酒師聽, 由佢介紹! 另外亦都有提供Sake Omakase, 分別有$200, $400, $800三個價錢, 鍾意飲sake嘅不妨試試!不得不讚呢度嘅唎酒師, 對sake嘅認識非常之深, 每次都細心講解畀在場嘅食客聽嗰隻sake嘅淵源/背景/歷史!除咗清酒掂之外, 我同朋友都好欣賞呢度嘅食物質素! 特別係串燒, 係師傅用炭火燒烤, 即叫即燒, 完全充滿日本風味, 食落唔乾身, 好juicy兼好有嚼勁!串燒🍡:雞皮▫️雞胸軟骨▫️雞心喉▫️雞心▫️雞腸▫️雞髀肉▫️雞腎▫️雞肝▫️白鱔▫️厚切牛舌▫️黑豚腩肉季節限定🍁:香箱蟹小食🍥:忌廉芝士明太子厚油揚▫️唐揚蘿蔔糕▫️牛油烏賊肝醬炒魷魚▫️燒帶子伴海膽湯Sake🍶:雨降 紅酒桶▫️黑龍 貴釀酒特別提一提黑龍呢隻sake係天王都鍾意嘅牌子, 最啱做甜品酒!…Read More

【餓居】🔅 太子砵蘭街440號地舖打造日本風情🇯🇵呢度打卡度高, 充滿和式感! 有榻榻米、有櫻花樹、鳥居、燈籠牆!前菜✨胡麻秋葵清清地、簡簡單單嘅胡麻秋葵係非常健康既前菜, 食落好開胃!炸物✨吉列帶子✨吉列蠔兩款都香脆美味、的的骰骰, 一啖一粒, 做小食或者下酒菜最正!👍小食✨章魚小丸子難以抗拒嘅小食, 越食越想食!主打美食✨鰻魚被窩貓貓蓋飯賣相冇得輸, 成條鰻魚鋪咗喺立體貓型嘅飯上面, 肥美又可愛😍, 無論係唔係貓奴都必定鍾意! 挑戰極限✨地獄泡菜豚肉鍋辣度我畀五個辣🌶️🌶️🌶️🌶️🌶️食得辣、鍾意刺激先好叫🤭 不過真係好好味, 即使滴住汗都想繼續食落去!😂熱飲✨熱玫瑰茉莉花茶✨熱洛神花茶呢兩款花茶最啱用嚟解膩消滯, 而且好啱秋冬飲用, 飲完成個身暖笠笠!…Read More

【華爾街英倫風懷舊酒吧餐廳】🌟The Wall Street Bar & Lounge🌟尖沙咀金巴利道40號MW Plaza1樓走進這間餐廳... 一股充滿懷舊的英倫氣息盡在眼前... 裝修充滿風情... 最特別是一列大書櫃... 復古又典雅... 最適合打卡!📸食物方面... 我覺得扁意粉🍝做得很吸引... 【冬陰功海鮮扁意粉】每一條意粉都掛上冬陰功醬汁... 非常惹味! 海鮮有大蝦、魷魚和蜆... 鮮味可口!【紐西蘭肉眼牛扒】牛扒🥩生熟程度方面掌握得恰到好處... 配上濃濃的燒汁... 感覺真不錯!值得一提的是餐湯... 是日餐湯是蕃茄湯🍅... 帶點酸味的蕃茄湯特別開胃... 這個湯不是罐頭湯... 每一啖都有蕃茄蓉... 非常好喝!Lunch set價錢由$88-$188不等... 以這個環境、這個食物質素... 價錢算得是合理!…Read More

每逢節日開party招呼朋友，大家一齊開心切蛋糕呢個環節我最期待🤩🤩 鍾意搞搞新意思嘅我，今次去咗 URBAN 訂咗個 KING OF CROISSANT皇牌牛角蛋糕🥐🎂由4️⃣款口味共12個迷你牛角酥堆砌成😋😋 🥐香草牛角-淋上的白朱古力及杏仁片...内法國忌廉及紐西蘭mascarpone cream,入口香濃細滑😍🥐熱情果牛角-由法國熱情果和鮮奶油製作熱情果醬...入口清甜，爽呀🤗🥐法國雜莓紫羅蘭牛角-用上法國雜莓紫羅蘭果茸，混合鮮奶油，表面配上粉紅朱古力和玫瑰花瓣點綴...果味清新吸引🥐比利時70%榛子朱古力牛角-表層淋上朱古力與香脆焦糖榛子，再搭配以比利時70%黑朱古力所製的濃厚Ganache軟心朱古力醬内餡...口感豐富、鍾意食黑朱古力嘅我超愛💖💖…Read More

睇見份menu, 樣樣都想食, 所以叫咗個【花蓮小食拼盤】, 一次過滿足多個慾望!😍😍😍呢個小食好啱打卡, 一份有九格, 小食包括人見人愛嘅鹽酥雞、台式香腸、甜不辣、炸地瓜條、炸花枝丸、麻辣鴨血、醉雞卷、櫻花蝦餅及滷蛋! 每樣細細份, 好好食!今次主要係為咗個臭臭鍋而嚟, 所以點咗個【花蓮一品臭臭鍋】, 呢個鍋非常方便, 係一人份量, 可以自私食, 又可以分享食! 入面配料好豐富, 仲可以自選主食粉麵飯, 我揀咗寬條薯粉, q彈又好快熟! 配料入面有臭豆腐、鵪鶉蛋、鴨血、台式臭豆腐等等... 可以揀辣度, 我揀咗小辣都幾夠辣!😆😆😆小食我再order咗士林鹽酥魷魚同麻辣鴨血, 前者香脆可口, 係者煙韌有嚼勁, 但份量略少! 飲品我點嘅芋香珍珠奶茶勁正! 力推!👍👍👍⭐遇見花蓮北角電氣道183號友邦廣場14-15號舖…Read More

泰菜係我favourite之一... 〈泰Grill〉嘅菜式有水準... 絕對滿足到我嘅味蕾!👍餐廳嘅師傅全部都係泰國人... 所以好地道! 所以唔駛去泰國... 都可以食到泰國風味!🤭環境方面... 雖然唔算好多位... 但係都幾乾淨企理! 我最欣賞露天座位... 好有情調!💫 虎蝦冬蔭功 $148虎蝦令到成個湯增添咗蝦味... 特別香濃! 秀珍菇索曬啲湯汁... 好味到一個點!👍💫 炸蝦餅 $78必點item! 手打質感真係冇得輸... 夠曬彈牙!😋💫 泰式酸辣魷魚 $148酸辣度適中... 魷魚新鮮肥美... 好開胃!我朋友大讚... 仲食到幾乎停唔到口!🤣💫 手打馬沙文咖哩雞 $88師傅自己調個咖哩醬汁... 非常香濃幼滑... 可以選配豬、牛、雞、素菜或海鮮)!💫 虎蝦炒金邊粉 $118擺盤精美... 有蛋網覆蓋住金邊粉... 好靚好啱打卡! 虎蝦大大隻、炸得香脆... 金邊粉炒得乾爽... 份量適中! 💫 串燒combo (半打) $88豬、牛、雞都好食... 特別係雞肉... 厚身嫩滑!💫 椰汁冰💫 粉紅冰奶茶兩杯都好飲... 前者綿密香濃... 後者色澤亮麗.. 滿滿少女心!今次都好滿意... 嚟緊我應該好快再約多d朋友嚟幫襯... 到時試下呢度好出名嘅泰式青檸明爐魚!😋🌟 泰Grill (將軍澳)📌 將軍澳唐俊街12號天晉匯一期地下G06號舖…Read More

趁今日年廿八... 我同朋友就約埋一齊去開心吓... 食餐非常正嘅日本料理😋😋🍶 石亭居酒屋 📌 尖沙咀赫德道地下11C號舖✅ 前菜 $20@先嚟個前菜... 螺頭入味又醒胃!✅ 炸豆池魚 $48超級正!👍 香脆到連魚骨都可以吞埋... 連朋友都大讚! 呢個小食好啱用嚟送酒!✅ 日本深海池魚薄切 $198非常新鮮... 肉質緊緻爽口... 味道帶油香及鮮甜... 蘸醋、薑蓉、蔥花食一流!👏✅ 活赤貝刺身(2隻) $138非常精美... 色澤亮麗... 肉質爽甜彈潤!✅ 北海道海膽壽司(2件) $198非常肥美飽滿... 一睇啲顏色已經知係高質!😍 質感細膩... 幾乎入口即溶!✅ 吞拿魚(大腩)壽司(2件) $178油脂香氣十足.... 口感細緻綿密... 啲油份好似喺口裏面散發出嚟... 魚味香濃! 極品!😋✅ 白子 $168珍貴嘅白子已經食過唔少次... 但呢度嘅確實做得好出色而且好易入口!👍✅ 牛舌串 $42好怕食到啲牛舌係韌到咬唔開... 不過石亭喺時間方面掌握得好好!✅ 柚子鹽燒白鱔 $68大大件夠曬肥美... 肉質嫩滑... 配搭柚子鹽增添香氣!✅ 雞肝串 $32✅ 雞心 $28佢話雞肝口感軟嫩... 風味濃郁! 雞心有彈性、嚼勁!✅ 鮮魚奶湯 $96煮到奶白色嘅魚湯鮮味十足... 飲完都舐舐脷!😋…Read More

見完客約咗朋友一齊去銅鑼灣幾出名嘅壽司店【立鮨】!唔知係咪頭先同個客傾得耐, 之後特別見肚餓... 定係呢度嘅壽司特別好食... 我哋兩個人嗌咗三個set... 仲食得落小食!🤭✅海之幸盛合 $158呢個組合啱曬我唔鍾意食魚嘅friend🤪有牡丹蝦壽司、海膽壽司、北海道活象拔蚌壽司、北海道帶子壽司、珍寶甜蝦壽司共5件壽司!✅立鮨特上壽司拼盤 $150特上壽司拼盤係呢度比較高價位嘅壽司拼盤, 不過咁優質嘅壽司, 我覺得係幾抵食!有深海池魚壽司、中吞拿魚腩壽司、海膽壽司、牡丹蝦壽司、北海道帶子壽司共5件壽司!✅自選壽司定食六貫 $140 (加配: 珍寶赤蝦壽司 $12)有日本真鯛壽司、油甘魚壽司、北海道帶子壽司、飛魚籽軍艦、珍寶甜蝦壽司、蟹棒壽司!因為對上嗰兩個拼盤實在食得太滋味, 我哋決定再order多幾件嚟share!😆以上set包沙律及湯!我同朋友一致認為呢度嘅壽司好新鮮, 而且大大件, 食落好有質感!朋友話啲蝦壽司好爽口彈牙! 我就最欣賞中拖羅壽司, 油份高食落特別甘香!仲有真鯛、油甘魚都唔錯, 帶子又夠肥美!👍✅鰻魚櫻花蝦玉子燒 $48推介‼️‼️ 嫩滑肥美嘅鰻魚上枱時仲係熱辣辣, 同玉子燒一齊食實在齒頰留香, 回味無窮!✅迷你魚子海膽杯 $48成杯滿滿嘅魚子加埋色澤金黃嘅海膽, 勁吸睛!✅松葉蟹肉海膽壽司 $38完美配搭, 我想encore!🤤✅炸雞軟骨粒 $38下酒小食, 即是唔係送酒都咁啱食!✅炸軟殼蟹 $58口感酥脆!🌟立鮨 (Tower 535)📌銅鑼灣謝斐道535號Tower 535地下03A號舖…Read More