Innovator00的個人專頁

間餐廳主要都係食pasta為主咁另外有啲小食，佢有個套餐係兩個人叫套餐就可以選2個小食再加3個pasta，再送多2個甜品。有部分小食或者pasta係要加錢嘅。間餐廳有兩層，地下嗰層就比較逼，都係係吧台為主，上面嗰層就係比較大嘅枱有梳化位。咁我就選擇上層。餐包方面就比較普通，都係啲硬包為主咁就唔多評論。小食方面我就叫咗個肉丸同埋青口。肉丸有三粒都幾大舊咁個味道係ok嘅咁但啲肉比較乾身。青口就覺得十分好食。pasta方面叫咗三個，叫咗個牛肉千層，黑松露意粉，同埋卡邦尼意大利雲吞。牛肉千層麵味道唔錯但係就比較淋同散。黑松露意粉味道十分好，意粉有彈性。卡邦尼意大利雲吞個味道都唔錯但係要強調佢並唔係傳統嘅卡邦尼因為佢落咗cream。份量都算充足。最後甜品揀咗tiramisu同奶凍，味道就average。最後總結間餐廳個環境係唔錯嘅，服務亦都十分好，食物嘅水準亦都係中上，但菜單上食物嘅選擇就比較少。…查看更多

諗住收工同老婆睇下有咩食，Feather and Bone平時就成日見到但係食就真係未食過咁就決定walk in去食下。坐低先至原來有tbone tuesday即係 T bone半價，但係原來要book，但係侍應同我講有一台冇嚟到，所以我可以食到。佢出面有幾塊揀，咁我就揀咗塊中size。揀咗兩個牛扒醬汁之後就叫咗個薯條同埋暖羊奶芝士沙律。個暖羊奶芝士沙律幾好味，因為我本身鍾意食羊肉，所以我好鍾意呢隻味道，沙律份量就唔算大大都勉強可以。等咗幾耐下牛排先嚟到，你落單嘅時候佢會問你使唔使切開，咁一定要切，因為你自己切嘅話好多骨嘅位會設得唔乾淨，會變咗嘥咗啲肉。另外啲塊扒我叫咗medium，個效果出到嚟啱啱好。我冇研究呢塊扒係邊度嚟，係唔係US prime，食落口係淋，但係可惜唔夠香。我可能要求太高因為以前食開啲好食牛扒都係喺歐洲度食，唔知點解我覺得歐洲式嘅牛扒比美國澳洲更好食。炸薯條我就覺得一般因為口感比較油膩。如果你係meet lover咁基本上一定要食因為就一定好滿足。半價完之後基本上我覺得好平。餐廳環境同埋服務都係好好。…查看更多

帶細路仔去黃埔花園嘅playhouse玩，咁一個人就出去行下食下野。經過見到時新漢堡包就諗起當年（十幾年前）,讀理工大學朋友嘅高度推介。日期係星期六時間為四點左右，佢有下午茶餐，咁我都係叫返以前最大嗰份雙層芝士蛋漢堡，連薯條加飲品大約六十幾蚊。新舖頭比以前闊落好多，亦都好乾淨。先喺收銀機落單攞張飛，然後就等叫number，職員都好友善。大約等咗五分鐘已經拎得。個味道就基本上同以前一樣，首先個包好新鮮，食落個味係唔錯。我覺得可以改善就係塊肉如果可以紮實少少就好好多，另外如果煎蛋係半熟嘅話我會覺得係完美。坦白講如果你就咁拎個漢堡包出去面比，佢未必會贏，但係我覺得係食緊一種香港嘅情懷。…查看更多

喺利園山道諗住搵杯珍珠奶茶飲，咁其他店都多人，咁我唔想等就去呢間，買咗杯黑糖珍珠厚鮮奶，少冰少甜，但係我見佢整嘅途中係加咗水。我拎個杯野飲先知原來係珍煮丹。以前其實有飲過但係就裝修之前。我要小冰你都唔係加水畀我，好似飲緊一杯奶茶但係啲冰溶曬咁，真係好淡，唔會再幫襯。老老實實珍煮丹係以前係黑糖珍珠鮮奶我最鍾意嘅，真係唔知點解會裝修後變到咁。喺間店舖播埋啲六七十年代嘅歌完全唔夾，員工好後生但係就擺到明好hea。…查看更多

灣仔合和呢間一遊間唔中都會幫襯，都食咗五年，味道都keep到水準。星期六晚上walk in 2個人，唔使等就有位。叫咗個牛舌串燒，雞肉烏冬，玉子燒，三文魚壽司，牛油果卷，同叫咗杯柚子燒（威士忌）。牛舌同玉子燒次次都會叫，因為真係完美。壽司黎講，呢間日本料理有一個Bar位專係畀壽司師傅整，都幾大，有3個壽司師傅，呢度啲壽司都係新鮮。三文魚壽司大分、新鮮，可惜個牛油果卷味道一般。雞肉烏冬都好好味，個湯夠甜。價錢你講一定就冇連鎖式嘅日本料理咁平嘅，不過味道就真係好好多，同埋個價錢合理嘅咁五百蚊兩個人都ok。呢間餐廳其實都會有special menu，可惜main menu咁耐都冇轉過，期待佢會加啲新嘅菜式落去囉。…查看更多

星期六下午三四點係沙田等人冇野做，就搵個下午茶食，見到呢間餐廳好似叉燒好出名咁就去試下。叫咗個下午茶餐，叉燒飯一丁連熱奶茶，$38。好似等咗五分鐘左右就上菜，唔知係唔係疫情影響，全部都用即用器皿同餐具。講返個食物，就咁見d叉燒同出面唔同，係個醬汁唔同，可惜d叉燒瘦到入唔到口，又細份，出前一丁都未煮淋就拎出黎。另外Service 非常麻麻，幾個後生服務員係咁吹水，俾錢又要去收銀機俾錢，仲要收加一服務費，埋單$42。總結：叉燒未夠水準好，服務差不值要付加一服務費。…查看更多