sik6sak1mai5的個人專頁

今晚同朋友試咗駱克道呢間「牡蠣小屋」，由入座到埋單全程體驗滿分！✨🍶【驚喜互動環節】店員突然打太鼓，原來係餐廳免費請全場客人飲清酒🍶大家一齊舉杯「乾杯~」嘅氣氛真係好熱鬧，好似去咗日本祭典咁～我哋另外點咗「中六」清酒，口感超順喉，飲完成個人暖笠笠❤️🦪【必點】6種食法生蠔 ($328)儀式感滿分！由淡到濃順序食： ▪️青檸醋海蘊 - 清爽開胃 ▪️檸檬風乾火腿 - 鹹香帶果香 ▪️甜辣醬三文魚子 - 爆珠口感 ▪️青檸魚子醬 - 奢華鮮甜 ▪️刁草蘿蔔蓉 - 和風解膩 ▪️土佐醋果凍 - 驚喜收尾 啲蠔雖然唔算巨型但超新鮮！Creamy得來帶回甘，每款醬料都襯到絕～🐟【小食】🐟半生熟三文魚配柚子忌廉醬 ($118)三文魚火候控制得啱啱好😆柚子忌廉醬好清新，Creamy得來完全唔膩，食到停唔到口～🍘牛肉薯餅($35) 炸得金黃酥脆，入面係滿滿手打牛肉薯蓉，勁厚身！🥗火炙和牛沙律($158) 黑松露沙律醬超濃郁，和牛油花靚到發光，入口即化配新鮮蔬菜好平衡又好開胃～🍚【主食】 生蠔三文魚籽斧飯($228) 真・料多過飯！每啖都食到爆汁三文魚子同肥嫩蠔肉，飯底吸晒海鮮精華，兩個人食到捧住肚走～環境超有日本居酒屋感覺，店員會同客人互動又好有禮貌，同埋有好多日本店員，真係好似返咗日本咁😆另外環境都好靚，除咗有Bar枱同普通座位仲有榻榻米座位~呢個價錢食到高質生蠔料理+清酒體驗，真心推薦俾鍾意日本氛圍嘅朋友！另外見佢哋每日都有做唔同優惠，包括生蠔半價同清酒半價優惠😁值得一試！…查看更多

同朋友喺柯士甸覓食，發現呢間隱藏喺文英街嘅西日Fusion小店。門面低調但入到去裝修幾有心思，播住輕快音樂，氣氛幾chill～ 🦪【冷盤】 • 日本生蠔 - 海水味適中，蠔肉飽滿creamy🥰 • 北海道白海膽 - 鮮甜到不得了，完全冇腥味，配上紫菜食一啖接一啖好滿足😌🐚【海鮮】 • XO醬燒帆立貝 - 自家製XO醬牛油香濃得嚟唔鹹，帶子厚肉彈牙，個汁真係想拎多塊麵包點嚟食😍• 花雕煮白貝 - 酒香清雅，白貝爽口鮮甜，一道幾出色嘅冷盤😚🦐【一品料理】 燒大虎蝦用芝士同蝦膏做汁，蝦肉爽彈，個汁濃郁得嚟唔會蓋過蝦嘅鮮，食完都要潷多兩啖汁🤭🍢【串燒三味】 雞心、雞肝、雞血管三款內臟都處理得乾淨，特別係雞肝外脆內軟似鵝肝。另外有配三色七味粉，黃色同黑色七味粉出邊都唔係成日見到，一定要試吓！🍚【主食】 • 西班牙黑豚 - 七成熟嘅無菌豬肉質粉嫩，配山葵漬同炸蒜好惹味，食落夠晒Juicy!• 雞濃湯烏冬 - 味道鮮甜得來又唔會好漏，烏冬都幾彈牙~• 燒飯團 - 外層脆卜卜，入面高菜鹹香，木魚增添香氣同鹹味，望落細細份，但其實都幾有飽足感🫡🍮【甜品】 是日甜品係佢哋自家製嘅荔枝布甸，奶香滑溜，面頭嘅桂花水清香解膩，為呢餐畫上甜美句號😮‍💨$598嘅tasting menu有齊海陸空，每道菜都睇得出心思。特別欣賞師傅將西式技巧融入日本食材，好似XO醬帆立貝咁，味道特別得來夠晒驚喜~佢哋仲會細心介紹每道菜，成晚食得好滿足！座位都好舒服，裝修雅致，無論同另一半、屋企人或者三五知己嚟都唔錯🫶🏻…查看更多

最近去咗銅鑼灣一間樓上餐廳，裝修幾特別而且氣氛舒服。價位中等，嘢食質素都唔錯，分享吓我嗰日食嘅嘢~-🐟 Tuna Tartare ($138)吞拿魚肉味道帶少少微辣，非常開胃。牛油果醬嘅味道濃郁但唔會搶過魚本身嘅鮮味，加埋紫菜脆片同脆米餅，咬落去多咗一層脆卜卜嘅口感，加分不少。最後再加少少冠益華記辣醬，辣味更加突出，係全場其中一個最推薦嘅菜式！ 🍟 Truffle Fries ($118)呢款薯條就係簡單但好味嘅代表。薯條炸得外脆內軟，份量足夠，香氣都好濃郁。最特別係佢配嘅醬汁，有松露香醋、燒蒜油同24個月熟成巴馬臣芝士，點住食真係一啖接一啖停唔到口🫡🍝 Pappardelle with Burnt Spinach Cream ($228)寬條意粉煮得煙韌，菠菜醬係用燒香嘅方式處理，帶有微微嘅焦香味，幾特別😘配料有羊肚菌同水牛芝士，豐富咗整體嘅口感同濃郁度。呢道菜味道偏重，但好啱鍾意creamy pasta嘅人，完全唔會失望😆🍸 Koko Ringo ($128)呢杯cocktail係用琴酒、羅勒、班蘭葉、青檸調製而成，頂層仲有一層椰子慕絲。入口清新，有青檸帶出嘅微酸，配埋羅勒同班蘭葉嘅草本香氣，味道幾有層次。椰子慕絲增加咗少少creamy感，但唔會太甜膩，飲完好解渴。整體嚟講，Ciclo嘅菜式設計得有心思，味道同質素都幾穩定，cocktail亦有幾款飲得出心機。呢間餐廳適合約朋友聚餐，環境舒服，價錢亦唔算太高，值得一試！ …查看更多

Dinner想食好啲，行過中環呢間，見佢個廚師發辦丼飯幾吸引，一於試吓。以400幾蚊嘅價位來講，質素算係交足功課😋🥗 前菜薯仔沙律creamy得來唔會太漏，加埋粟米粒同車厘茄幾開胃，另外材料都好豐富，有大概七至八種蔬菜，沙律酸汁調得啱啱好，食完好醒胃🫡🍳 茶碗蒸蒸得超滑溜！入面有白果同蟹柳，仲有粒粒青豆增加口感~🐟 海言廚師發辦魚生飯-特上 ($430)大概有10幾種唔同嘅魚類同海鮮，擺盤幾精緻，印象幾深刻嘅係油花好靚嘅拖羅，入口即化，另外松葉蟹肉+海膽+三文魚子呢個組合真係無得輸，味道好鮮甜，另外醋飯酸度適中，飯粒分明嚟又夠黏度🫶🏻🍣 江戶前散壽司 ($370)一樣都係有好多種唔同嘅魚類同海鮮，但係燒魚嘅比例就比較多，職員有介紹要順時針方向由淡到濃咁樣食，做法比較傳統，而且醋飯加咗芝麻油同埋漬物，香氣同口感幾特別！魚生全部都好新鮮，而且都有唔少罕見啲嘅魚類，份量對男仔來講都夠飽，餐廳環境簡潔，服務唔錯，人流亦都幾多，有分普通枱同埋Bar枱😬如果想食好啲又唔想太貴，呢間算係中環區幾唔錯嘅選擇。不過Omakase丼嘅食材會跟季節轉，下次去可能又有新驚喜😆…查看更多

收工喺中環搵食，發現呢間隱藏喺威靈頓街嘅西班牙小酒館。餐廳播住輕快嘅音樂，成個氛圍即刻令人放鬆晒～ 🥘【Tapas】 • 海膽西班牙薯仔蛋餅 ($98/2件) - 傳統蛋餅加入海膽同黑魚子，蛋香濃郁得嚟帶出海膽鮮甜，薯仔煮到半融狀態，口感好正🙌🏼• 西班牙辣腸煎釀三寶 ($98) - 本地三色椒釀入西班牙辣肉腸，煙燻味突出得嚟唔會太鹹，咬落去仲有肉汁爆出～• 西班牙蒜油紅蝦 ($158) - 用咗刺身級紅蝦，蝦肉軟糯得嚟彈牙，蒜油夠晒香口，最正係啲蝦膏鮮甜完全唔腥！🥩【主菜推介】 A5和牛沙巴當 ($368) 好有創意！一邊係港式沙爹醬，另一邊係西班牙煙燻醬，和牛油香豐腴，配埋香甜嘅baby corn好夾。落單之前老闆特別提醒我哋可能會食到好漏，因為佢哋係用真材實料嘅A5和牛，不過講真配埋啲醬真係唔係好腬又好惹味👀另外同老細傾偈講起，佢哋原來仲有西班牙兩餸飯，午餐時段都好抵食，比起香港其他西班牙餐廳嘅燴飯平一大截，下次中午要嚟試吓😌小店雖然唔大，但食物有心思得嚟夠地道。特別欣賞佢哋將港式元素融入西班牙菜，好似沙爹和牛咁玩味十足。佢哋仲會好耐心解釋每道菜嘅特色，成晚食得好盡興～ …查看更多

今晚去咗圓方Civic Square嘅Luigi's，室外座位坐滿晒人，氣氛好熱鬧！室外望住開揚景觀，室內裝修走工業風路線，難怪咁旺場～🍔Beef Slider($158)一上桌就被可愛造型吸引！麵包烘得脆身，漢堡肉超juicy，肉汁同融化嘅芝士完美融合，細細個剛剛好唔會太飽肚~🍝Crab Linguine($198)一上枱就聞到濃郁蒜油香！真係啖啖蟹肉，仲有彈牙蝦肉同畫龍點睛嘅蔥花。意粉煮得al dente，調味恰到好處，正！🍹Passionate Sparkle($79)熱情果+青檸+梳打清新組合，酸爽解膩🍻🍸Virgin Colada($79)新鮮菠蘿混合椰香，無酒精都充滿度假感～🍰Tiramisu($85)咖啡酒香層次分明，mascarpone cheese綿滑得來唔膩，手指餅吸滿咖啡酒依然保持口感🥰餐廳座位同環境都幾舒服，除咗室內座位，勁多人都選擇坐戶外嘅座位，感覺幾chill!食物選擇都幾多，質素唔錯，另外Staff好友善又風趣，成晚笑聲不斷！喺圓方來講性價比合理，絕對會再encore～…查看更多

今次試咗呢間任食雞煲，見到都幾多人排隊，雞煲夠香口，不過可以滑多少少🤏🏻可以免費追加雞件，食得濃味嘅都加錢升級試埋其他湯底!🥩【重點推介】鮮牛肉幾驚喜，淥完爽滑唔韌🤓炸饅頭外脆內軟，點煉奶食，邪惡到停唔到口👍🏼炸響鈴卷吸湯一流，都係必點！🍹【任飲飲品】有自家製羅漢果菊花茶，打邊爐唔怕熱氣汽水款式都多，仲有檸茶奶茶咖啡等等，嗌汽水可以跟埋檸檬冰底~環境乾淨座位寬敞，$178呢個價錢來說性價比幾高，適合大班朋友聚餐狂擦～…查看更多

話說好耐冇食放題，琴日心血來潮去食，真係要同大家分享吓🥰呢間絕對係我私心推薦嘅全港最好食放題！過百款美食任食，重點推介呢幾款必試✨ 🌟【必食】 🥩燒A5和牛配魚子醬放題居然食到和牛配魚子醬！油脂香爆棚，入口即化又唔會漏，食多幾碟已經回本😙🥪鵝肝多士肥美鵝肝煎得香脆，配脆多士完全唔膩，encore左四五轉😍 🐟立鱗燒呢個價錢食到立鱗燒真係抵到爛！魚鱗脆卜卜，魚肉滑溜，底層意粉吸盡精華，正🤓🦀油鹽焗奄仔蟹爆膏！蟹肉勁鮮甜，用油鹽焗做法保留原汁原味🤩🫶🏻鱈魚乾海膽吞拿魚蓉Taco創意十足！脆脆鱈魚乾夾住海膽同吞拿魚蓉，口感層次勁豐富😋🍦【自助區推薦】 ▪️全港獨家Nutella醬機！即擠流心朱古力醬 ▪️Häagen-Dazs+雀巢雪糕任食▪️自製雪糕機+配料牆 杏仁碎、Oreo、彩針任加▪️燕窩鮮奶、麻辣冷盤、港式甜品、沙律水果區都係任拎▪️飲品櫃超過40款選擇，由汽水到特色飲品都有 荃灣店全線首創分A/B餐，A餐已經超多選擇，想好似小編咁任食A5和牛、鵝肝、奄仔蟹呢啲高級食材，B餐加多$80就食到，計落真係抵到笑🙂‍↔️環境方面大理石裝修夠豪華，座位闊落舒服，成間餐廳大到小編入去都呆咗😂放題嚟講質素真係無得頂，食材新鮮又有創意，難怪長期爆場！記住去之前要book位！…查看更多

同同事收工喺紅磡搵食，發現呢間開到凌晨嘅港式串燒店。鋪面細細但好多街坊幫襯，成間店感覺幾地道🤔🍢【必食串燒】 有部份串燒係$120有10串，好抵🥹頂級厚切牛舌心真心係厚切，不過小編個人鍾意食嫩多少少😙雞軟骨都值得一試，爽脆有嚼勁，送啤酒一流🍻台灣腸咬開爆汁，豬肉香好出，味道偏甜口🍖最後推薦蒜蓉茄子，燒到軟淋多汁，爆多蒜蓉，而且夠晒入味，正👍🏼🍜【主食】 肥牛炒公仔麵鑊氣十足，麵質彈牙，肥牛份量唔孤寒，啖啖肉🥩🐟【海鮮】 鮑魚一樣加咗好多蒜蓉落去燒，味道幾鮮，不過略嫌熟咗少少🤏🏻雞泡魚乾燒到微焦，點沙律醬食好過癮，又係送酒一流嘅一道小菜👏🏼成間店嘅食物都係即叫即燒，所以會等得耐少少！最正係價錢親民，兩個人食到飽都係$200左右，難怪咁多街坊幫襯～ …查看更多

收工同朋友喺銅鑼灣搵食，發現謝斐道呢間樓上韓料店，試咗佢哋嘅釜山海鮮鍋（$398/小）🦀雖然鋪頭細細但幾有韓式大排檔風情，最驚喜係個鯷魚湯底真係幾足料～ 🍲 鯷魚湯底 啲湯飲落幾清甜，海帶同鯷魚嘅鮮味平衡得幾好，唔會過鹹。特別欣賞佢哋會提醒客人先飲湯再食料，飲啖鮮甜嘅熱湯作為一餐嘅開始真係唔錯✨ 🦪 海鮮配料 原隻蟹雖然唔算好大隻但幾新鮮，鮑魚彈牙冇雪藏味，蝦同魷魚就正常發揮。最抵讚係個湯越滾越出味，最後落埋金菇同菜索晒湯汁好正！ 💡 以呢個價錢嚟講份量合理（2個人share啱啱好），湯底確實有驚喜。雖然海鮮未算頂級但夠新鮮，如果想喺鬧市食個暖胃海鮮鍋，呢度係個唔錯選擇～ …查看更多

朋友生日揀咗呢間喺101樓嘅海景餐廳食生日飯，落地大玻璃對住維港，裝修雅致又高級🥰每道菜擺盤都似藝術品，食得出師傅對食材嘅執着～ — 🍽️ 8 courses set ($1580/pp)見到做緊第二位半價優惠，幾抵食😁🌸Appetizers一共有三款前菜，第一款面頭嘅刁草cream好開胃，中間係酥脆嘅炸物，最後到最惹味嘅生牛肉他他多士，層次同味道都好豐富☺️🦪 Ossetra Caviar法國生蠔煮到半生熟，口感creamy又鮮甜，另外魚子醬嘅鹹鮮同濃郁醬汁好夾，令味道更有層次🥹🌊 Hokkaido Sea Urchin海膽鮮甜冇筋，下面有一層高湯啫喱，最後底層嘅椰菜花沙律口感爽脆，三層各有唔同嘅口感，味道配合得好好唔會混亂~🐟 Patagonian Toothfish魚肉煎得金黃，配上清甜嘅甘筍醬，面頭灑咗甘筍粉增加層次，肉質好嫩滑又夠鮮🥰🐖 Iberico Pork Cheek豬面頰表面焦糖化好靚，而且經過慢煮之後口感軟嫩，配上青咖喱汁加上椰子泡沫同軟熟豆腐粒，組合上嚟好有驚喜😋🥩 Miyazaki A4 Sirloin和牛熟度剛好，食落充滿油香又唔膩，伴碟有蘿蔔解膩，另外有味道微酸開胃嘅炸牛尾，味道平衡得好好🐽🍖 Bresse Pigeon朋友揀咗另一道主菜，乳鴿肉帶有煙熏香味，配上加咗黑毛豬肉嘅高湯，一啖湯一啖肉好正😮‍💨🍊 Citrus輕飄飄嘅紫蘇泡沫配上微酸嘅柚子雪葩，味道清新，作為呢一餐嘅結尾啱啱好🥸🍇 Purple Pearl呢度甜品有白酒沙冰配上切成麵條形狀嘅啫喱，再加上特製嘅氣泡提子，無論係賣相味道同口感都一流，尤其個氣泡提子真係越食越上癮🤣八道菜冇冷場，食材配搭大膽得嚟又幾夾😙上菜節奏掌握得好，對菜式嘅介紹亦都好詳細，服務好好，建議大家嚟之前提早訂位，咁就可以望住個維港靚景食飯，黃昏嚟睇住日落食仲正～ 價錢方面第二位半價真係幾抵，人均千頭食到靚景+新式finedining，慶祝特別日子一流🥳…查看更多

同班食肉獸朋友喺灣仔發現呢間燒肉店，個名好特別🤣一入去就見到日式風格裝修，幾雅緻又有格調，坐位幾大又幾舒服~我哋揀咗日本A5和牛二人餐，個人覺得呢個價錢同質素真係冇得頂🥹🥩和牛Top picks• 生牛肉他他多士 幾驚喜嘅前菜，魚子醬+Parmesan芝士嘅鹹香，襯托出A5和牛他他嘅鮮甜，多士脆卜卜好有層次🥰• A5和牛海膽卷 海膽creamy得嚟帶鮮甜，和牛油香豐腴，兩者意外地夾，入口好軟滑又唔膩🥹• A5和牛月見金磚 方粒和牛燒到外焦內嫩，點埋月見醬油，蛋香加肉香超邪惡😚•日本A5和牛老饕 肉眼蓋位置肉味幾香，口感軟熟又多汁而且完全唔膩🥰👅牛舌厚切牛舌真心推介！餐廳係用美國牛舌，唔係市面上普遍用嘅巴西牛舌，好揼本😚燒到微焦再擠少少檸檬汁，爽脆得嚟帶油香。加埋鹽蔥/油炸蒜頭更加係送酒一流～ 🍚真理丼 (+$160) 入面有黑松露+魚子醬+和牛他他+海膽+蛋黃，撈埋粒粒分明嘅白飯，每啖都好正🤓朋友話飽但都食晒成碗😂🦪海鮮類• 法式奶油生蠔奶油燒法好特別，蠔肚爆汁又好鮮甜，口感好滑順😙🍸特色飲品佢哋自家製嘅氣泡茶好清新，芭樂同金萱茶味平衡又好清新，幾特別😚另外嗌咗杯菊咲梅酒，果香同清酒平衡得好好，超易入口又好夾燒肉，必試！服務幾貼心，店員會教路每款肉嘅最佳燒法。自家製辣粉同燒肉醬都幾有特色，辣粉真係香得嚟又唔辣🥸價錢中上，A5和牛質素對板，環境又chill，適合同識食朋友嚟慢慢嘆～ 如果想抵食啲都可以試lunch set，人均百幾至二百左右就食到和牛！…查看更多

同朋友喺尖沙咀行完街，想搵個地方飲嘢傾偈，發現咗呢間隱藏喺樓上嘅串燒店🫡座位有分吧枱同普通枱，我哋揀咗Bar枱，感覺氣氛好啲😮‍💨因為實在嗌得太多嘢食，分享幾樣個人覺得必點嘅~-🍖【肉類】厚切牛舌夠晒外脆內嫩，灑少少岩鹽同檸檬汁已經好正，仲好多汁😚另外必嗌嘅仲有免冶雞肉棒，外皮燒到微焦，點埋蛋黃汁超邪惡😆🦑【海鮮】蒜蓉燒蠔夠大隻肥美，味道夠鮮甜，蒜香十足另外泰式墨魚鬚彈牙得嚟唔會韌，配泰式醬汁微辣又開胃🥸仲有九肚魚，見到餐廳話必食，食落外皮脆卜卜，魚肉好嫩滑，好有驚喜🥹🍆【蔬菜】茄子燒到軟淋，食落好入味，蒜蓉香氣撲鼻，配上口感豐富嘅菜甫，一流😚🍜 明太子忌廉烏冬 ($58)忌廉汁creamy得嚟唔膩，明太子鹹香突出，烏冬彈牙有咬口，份量都好足！🍨 焦糖雪糕多士（$48）多士面頭嘅焦糖燒得金黃又脆口，配上凍冰冰嘅雪糕，冷熱交融好過癮😁🍹 特色飲品我哋嗌咗兩杯$38 cocktail，檸檬荔枝whisky果香清新，酒味唔會太濃，而青檸菠蘿gin酸甜清爽，解膩一流，重點係價錢真係好抵😆成間店嘅氣氛好輕鬆，價錢中等，食材新鮮，特別係海鮮類同牛舌真係值得encore。最正係可以一路食串燒一路飲嘢傾偈，不知不覺就坐咗成晚～…查看更多

同朋友喺銅鑼灣行完街，想搵個地方坐低傾偈，無意中發現呢間主打手工意粉嘅cafe。店面唔大但幾有文青feel，木系裝修配暖黃燈光，坐得幾舒服～ 🦀 番紅花蟹肉配手工意大利餃 $158 手工餃皮煙韌有咬口，入面蟹肉餡好足料，食到絲絲蟹肉鮮甜。番紅花唔會搶味，整體配搭好balance😚🖤 煙三文魚墨魚汁手工墨魚圓粗麵 $148 墨魚汁麵條好有驚喜！粗身得嚟彈牙，掛汁能力一流。小辣程度啱啱好，煙三文魚嘅鹹香同墨魚汁好夾，食完個嘴黑蚊蚊🤣🍵 Matcha Latte $51 揀咗用oat milk沖，抹茶味濃郁得嚟帶啲堅果香，少甜嘅甜度啱啱好，飲落好順滑🥸🌼 奶蓋桂花鮮奶烏龍 $48 (少冰, 少甜) 桂花香好突出，烏龍茶底清新，奶蓋綿密但唔會太膩，少冰嘅溫度飲落好舒服~🍰 抹茶麻薯巴斯克蛋糕 巴斯克做到外層微焦，內裡流心嘅效果。抹茶味濃而不苦，中間嘅麻薯增加咗咬口，整體唔會太甜，完美作結✨小店雖然選擇唔算多，但樣樣都做得精緻有心思。特別係手工意粉嘅質感同醬汁配搭，食得出用心。價錢合理，環境又舒服，適合同朋友嚟慢慢食慢慢傾～ …查看更多

收工喺灣仔搵食，行到橫街發現呢間隱世居酒屋🥸推門入去即刻被滿牆嘅懷舊海報同日本路牌吸引，仲有玻璃櫃放滿昭和年代玩具，成間舖頭好似時光倒流咁，幾有feel～ 🍤 炸鰻魚骨 $68 特別驚喜！炸得酥脆唔腥，咬落去有啲似薯片但更香口，送酒真係一流。 🥗 流心蝦薯仔沙律 $68 切開有流心蛋黃流出，同creamy嘅薯仔沙律好夾。蝦肉彈牙，整體口感好豐富😋🦑 海膽魷魚卷 $168 創意十足！新鮮海膽嘅甜味同魷魚嘅彈牙形成有趣對比，食落唔會太漏，感覺幾清爽！🐔 雞大動脈 $140 第一次試呢個部位，燒得香口得嚟保持到juicy，咬落去有啲似雞腎但更爽脆，點少少七味粉更加惹味。 🍣 昭和海鮮卷 $228 材料好豐富，吞拿魚蓉、三文魚籽、海膽同魷魚層次分明。最驚喜係有新鮮wasabi，唔會攻鼻但帶出鮮味👍🏼🦑 炸北海道魷魚絲 $68 送酒一流！炸得酥脆唔油膩，魷魚鮮味突出，配埋啤酒真係停唔到口😚🍢 雞軟骨 $70 燒得啱啱好，外脆內爽，灑咗少少山椒粉吊味，咬落"索索"聲好過癮。🐟 鰈魚邊壽司 $100 大推！魚油香超濃郁，真係入口即化。師傅切得厚身，飯嘅溫度同醋味剛好，食完仲有回甘🥹環境真係好有日本地道居酒屋feel，侍應會耐心介紹唔同部位嘅串燒。雖然價錢唔算太平，但食材新鮮有誠意，特別係個鰈魚邊壽司同炸鰻魚骨，值得再encore😁…查看更多