dafee的個人專頁

食過深水埗嗰間，覺得好好食，見到佢地開左呢間分店，所以黎試下。點知，叫個醬油湯拉麵，個湯同深水埗店嘅味道完全唔同，呢間個醬油湯直情係坊間濃縮湯精嘅味，完全之前食過嘅醇厚完全唔同。(奇怪的湯和麵) 而個餃子燶到黑晒，同店員反映，佢話係本店特色。(特色餃子) 無說話好講，深深不忿，馬上去深水埗總店。叫同一款「醬油極上拉麵」，嘩，個湯同麵完全唔一樣，係深水埗店先係我期待嘅嗰一款拉麵。咁，長沙灣店可以不再去了。…查看更多

lunch去，唔使等，大把位。溫泉蛋豚肉飯，凍嘅，味道一般。辣肉腸茄汁意粉，都係依家大部份餐廳一樣嘅罐頭茄醬味，而且味道咸到不能。都係突破唔到新開又多好評嘅陷阱。…查看更多

皮蛋瘦肉粥溫度和暖唔熱，瘦肉皮蛋少得可憐，略有味精感覺風爪排骨飯得半隻鳳爪，份量都係少，味道一般桂花糕未雪凍，咸水角又無，點乜無乜蝦腸都係暖暖和和唔熱，蝦仔細細隻以點心專門店黎講有其他更好選擇…查看更多

話說我在安排一頓生日飯，看過這店有報導，食物看上不錯，想跟朋友去試試。在兩星期前跟店家聯絡，時間上可以話唔算早，但係起碼唔算係臨尾一刻，兼且朋友有食物敏感，菜單要作點修改和安排，需要時間是明白的。店家回覆沒問題，日子可以，我再問要先下訂嗎？店家說要，叫我交上電話，她會將資料 whatsapp 我。電話一早就給了，但一等就不知多少日。因為菜單上的更改，我還不知道價錢及菜單是否適合，但他們從沒有主動回覆。我每隔一、兩天追問一次，才每次收到「okok 」的一類拖延答案。可能店家好忙，但係都仲可以出 facebook post，又覆下其他客人。最後我收到的「yesyes, will send u by today」，這真的是最後，因為再沒有收到任何答覆。…查看更多

味道無特別，雪糕味道一般，而且雪糕份量非常少，可以不試。雪糕非常快溶。 雪糕亦非常甜。基本上，只是雪糕上淋上蜂蜜，that's all about it. 以價錢黎講，就算貴。…查看更多

原本沃川可算係喺尖東叫做有水準的日本餐廳，旺中帶靜，平日間中有幫襯。但係今次一役，發現這間餐廳非常唔老實！是夜叫左：1. 牛肉火窩 $2982. 燒白鱔 $583. 秋刀魚刺身 $2204. 沙錐魚天婦羅 $98食物質素其實係ok 嘅，然後發覺未飽，所以叫一個淨烏冬麵，諗住放落火窩食。店員表示有分稻庭烏冬及普通粗烏冬，我就選擇普通粗烏冬。可恨我無即時問埋佢價錢！一心見 menu 的咖哩湯烏冬 $48，冷稻庭烏冬 $68，常人一看，以為「淨」乾身烏冬最多也不過 $48 罷！上桌的粗烏冬並不是一般的日本急凍烏冬，而係切切實實、噹噹烏冬質地的即食烏冬！而埋單佢就要收 $68！我問店員，佢答淨烏冬，不論稻庭跟普通烏冬一樣收$68！但係實際上連咖哩湯，都不及「淨」乾身烏冬的貴！此其一不老實的地方！然後再計一計數，再發現即使計埋$68，都發覺總額不妥，原來店員更將每位 $10 的前菜價錢，加到每位 $20！我向店員投訴，她才說計錯，要再打單。但係我見住佢入機，發覺收銀機其實係 preset 好晒啲價錢，螢光幕係一粒粒制，而唔係手入價錢，所以...........！可能佢見我張單金額大，乘機魚目混珠！此乃另一不老實的地方！！平心而論，這間店其實食物質素ok，好好地一間食店要咁樣手法黎搵錢，真係可惜加痛心！…查看更多

從前去過其他五代同糖嘅分店食，印象唔錯，所以晚飯後去尖沙咀呢間分店食甜品。店內沒有人，就只有我呢一枱。叫了一客 Belgian 窩夫伴雪糕。店內廚房以玻璃牆身分隔，所以見到廚房制作情況，一個男仔喺度打機，只有一個金髮女廚師做嘢。話說之前喺五代同糖另外分店食過 Belgian 窩夫，都要等15分鐘起碼，但係出到黎係熱辣辣，好好食嘅。今次5分鐘度就有，心知不妙，一見賣相，真係嚇親，因為見到個窩夫係扁晒嘅！而且篤落去係淋嘅！用手指輕輕掂，有點暖，唔信邪，食一啖，中間心係凍嘅，即係一早整左然後翻熱！咁點得架！所以我同店員反映，佢二話不說，話即刻整過另一份窩夫俾我。不消5分鐘，金髮女廚師就拎出另外兩塊，同樣扁晒、淋又燶嘅窩夫俾我。即係話佢地會翻用無賣出去嘅唔新鮮嘅窩夫，真係食窩夫以黎第一次遇到咁嘅情況。最慘係同啲店員講，佢地好似唔覺得係問題....…查看更多

新鋪，試一試，環境舒服，算係好坐叫了 Cappuccino ，女友鍾意奶味，我喜歡帶點苦味，咖啡師話我應該要試 muddy 味其實我唔會分，亦無研究，自己鍾意飲就得。飲落口，完左奶味之後出黎嘅咖啡香，個餘韻確係好過 Starbucks 同 McCafe，如果可以少啲奶更好另外此鋪有朱古力賣，只試食過，幾好食…查看更多

湯底：螺頭乳鴿湯，好鮮甜，有螺頭味，至於有無味精就好難講，感覺上可能有少少雞粉，不過都好好飲料：安格斯肥牛($98)：唔錯，都好嫩，肥度適中四寶丸：唔錯豬腰：好厚大件，好食，只有少少"壓"味炸響鈴：唔好食鵝腸：新鮮嘅，唔係急凍，唔係一味肥，好食！！另外，奇怪嘅係，叫左一條石蚌刺身，同埋一碟鱔片，兩樣海鮮不約而同，有陣"水"味，類似漂白水同塑膠味咁，雖然唔係好大味，但係食落個味好怪。我同屋企人認為同養魚嘅水質有關，希望餐廳可以睇睇。而對於招呼，係十分滿意嘅！總括而然，食物係OK，但係價錢比例上係有啲貴。…查看更多

夜晚去睇黃子華，見佢地有位，坐底，時為7點到鋪頭有一位女侍應，一位廚師，加埋廚師嘅媽咪女侍應話叫套餐啦，散叫要等好耐套餐包兩碗拉麵，一客沙律，一客串燒，一個炸物，兩碗湯，一個甜品，$249未連加一如果散叫拉麵，一碗要$80~$90叫左套餐，不過都係等左好耐先至有得食。沙律得一細碗，水汪汪，廚師嘅媽咪整個沙律時，成隻手指公插左落去，而後抽返出黎連埋部份沙律串燒雞軟骨，廚師收order ，然後一堆串燒放埋喺噹噹燒隔離煎拉麵叫左帆立貝拉麵，散叫值$90嘅帆立貝拉麵，粒帆立貝嘅貝仲細過一個一毫子，唔值。拉麵嘅麵係用返噹噹燒啲麵，所以啲麵無麥味，又無蛋味，唔彈牙，湯底近似火腿通粉嘅湯 跟套餐嘅湯有如清水加埋海帶==============另外，服務方面，侍應得一個，固然係辛苦，但係態度惡劣都算係近期少見。坐底左好耐都未有茶，問女侍應，佢惡死回應：「我知喇~！轉頭先至攞俾你啦！」7點坐底，套餐小食等左接近一個鐘頭都未有，拉麵都食完，廚師話：「唔使急，最快8點3先至開場。」而廚師媽咪攞炸豆腐唔用筷子，而係用手，攞到爛晒。…查看更多

兩個人7點到，無Book，咁啱有街邊檯，照坐唔使等想試乳豬，$300一隻，無例牌，但係要訂先至有，留返下次落單要自己寫，寫完侍應自己又寫多張，有點多此一舉是日叫左：1. 臘味煲仔飯 (10/10 分)一流！好聰明，用大瓦煲煮約少啲飯，咁樣火路就較易控制，飯亦唔會底下燶而面頭唔夠乾身，讚！蔥花下得夠多，飯焦比例啱啱好，再讚！2. 白灼鵝腸 (6/10 分)用上新鮮鵝腸，基本上只要唔係急凍鵝腸，大致上錯不到哪裡白灼嘛，就係清囉，如果鵝腸味再騷一點就好3. 炒白菜仔 (5/10 分)合格，無特別4. 南乳燒鱔 (8/10 分)好食！鱔唔腥，皮有脂肪，肉質彈牙，大大舊，炸得鬆脆乾身，唔錯！本來好驚南乳會好重手，上菜先知完來另上南乳汁，用黎點，味道啱啱好，讚！5. 豉椒炒蜆 (3/10 分)呢味野食到'ar'晒頭，材料佢係用細花甲，即係長身啡色殼嗰種但係就奇怪在每一隻花甲個殼都係爛嘅，即係全部都係半邊殼，一半有肉，一半無肉，啲花甲肉又唔完整嘅我驚佢係將啲唔開嘅花甲，用刀分開而有咁嘅狀況.....(?)============================一提佢地嘅價錢係拍住中高等食府，埋單$340，唔算係抵食…查看更多

我見到大家對此店有咁高評價，所以我有啲期望，一早18:30到左坐低先，未有人唔使等。點知真係極為跟眼鏡今次我寫長啲啲，我覺得此店有potential，希望見到佢地進步整體評語係：1. 燒得唔夠香燒烤其實係比較直接嘅煮食方法，最基本只要兩樣要求：一、係食材質素；二、係耐心其實此店以大眾化價錢招呼，食材方面我沒有太強求，但係每串串燒上碟都係唔夠燶，只係緊緊夠熟，所以樣樣野都冇燒烤嘅香味，啲串燒上檯，咬落去其實個心係唔夠熱食咁耐串燒，小弟總括原因有三，食材剛從雪櫃出未解夠凍、爐未夠溫度同埋師傅唔夠心機。其實實驗多啲就會做掌握得好2. 每樣都係孜然粉味，蓋過晒食材味道，完全無意思。所以食到一半真係想起身俾錢算數，唔食落去....再每樣細評：1. 安格斯牛：基本上係三、四塊薄牛肉，冇牛肉香，冇特色，其實可以取消左佢2. 牛肋骨肉：唔夠肥、無牛油香，同埋燒得唔夠熟，肉質反而會靭架3. 厚牛利：無牛油香、厚牛利連利苔同筋位上，實在咬唔開，串燒厚牛利無得慳，要用返中間位先至得4. 雞腎：我諗應該係火雞腎，好大塊，唔夠燒烤味，都係得孜然粉味5. 銀杏：唔夠燶，無銀杏味，有孜然粉味6. 大蝦：第一次唔夠熟，上身仲有點透明，再燒都係差唔多，我諗係啲蝦唔夠乾身7. 雞軟骨：合格，個邊脆8. 雞翼：太心急，個邊未脆就落蜜糖，蜜糖未變焦糖就上檯，可惜9. 全隻魷魚：未夠熟，凍10. 羊扒：冇羊味，慬合格11. 菠蘿：合格，不過個人覺得先去皮然後燒效果會比較好，因為個皮做到燶燶地，但係又唔食得12. 墨魚丸：合格，孜然粉味13. 饅頭：我覺得係全晚最好食嘅一樣野14. 燒排骨：合格15. 粟米：燒得唔錯，糖同牛油比例適中，幾好16. 17. 仲有韭菜同尖椒，不過我無食埋單兩人總共$290，好貴呀，不過唔飽，仲要之後去左隔離買野食...…查看更多

兩個人一早去，唔使等，但係之後就好多人，爆晒，建議訂位。叫左　豬腳仔、鹵雞腎、炒通菜、豉油王吊桶、炸豆腐、蒜容蒸蟶子豬腳仔同行友人唔鍾意佢地嘅豬腳仔，覺得太'諗'，但係我覺得啱啱好，皮夠'諗'，唔會韌，筋位保持韌度，有咬口，亦都入味，算做得唔錯鹵雞腎無特別，鹵水唔係特別出色，普普通通炒通菜正常炒通菜一碟，唔係太咸，ok蒜容蒸蟶子唔知點解老闆娘要迫我食炒蟶子，我覺得蒸好D，寫完都係黎左碟炒蟶子，換過。點知蒸出黎嘅蟶子多砂都暈，直頭係沙灘咁嘅沙，即係無洗過，唔掂豉油王吊桶我見個個都讚好，叫黎試下，其實只可以說其合格吊桶裡面水汪汪，沖淡晒D豉油，而且D豉油未完全掛到上D吊桶，只可以話D吊桶新鮮，補其不足新漢記煮得好嗰陣，係好過金九記好多炸豆腐做得最好係炸豆腐，外脆，乾身唔滴油，讚！如果早少少離鑊更好。服務方面，佢地太多熟客，掛住吹水，自然唔係好理你，有心理準備先…查看更多

叫左淨咖喱飯加件漢堡扒以日式咖喱黎講，甜味稍有不足，但係咖喱味都好香，有少少辣，味道唔錯漢堡扒有肉味，起碼唔係冰到無晒味，我喜好偏淡，唔太鹹啱我飯底係珍珠米，合格Total $25 ，我會返吃！…查看更多

兩人7點半到，未有人，後生嘅香港人waiter招呼，態度好散漫嘅感覺，有一個類似bar嘅小型開放式廚房，兩個廚師好鬼大聲咁起勢講野，唔知搞乜，環境黎講，好無高級餐廳氣氛廚房出菜要經過洗碗嘅地方，衛生程度成疑，我成晚都諗D洗碗水會唔會飛落D餸度兩個人點了黑松露薯蓉(side dish)、焗薯(side dish)、牛頰肉雲吞、Romaine Heart 沙律、beef carpaccio、slow cook salmon黑松露薯蓉做得啱我口味，水多，唔係好heavybeef carpaccio用truffle oil 稍多，蓋晒D食材味道牛頰肉雲吞做得唔錯，雲吞皮做得幾好，汁嘅味道剛好，牛肉就好鞋，不過有牛味，ok整體黎講只係合格，各樣食物無驚喜1,000大元埋單…查看更多