Kong_Y的個人專頁

幾個月冇出街食shabu shabu，今日中午兩個人去咗食呢間馬辣台式火鍋。今日禮拜日，$168一位，唔收服務費（假日比平日貴$10）。我抱住一個陪人去食一餐普普通通打邊爐嘅心態，結果係比想像中好！中午12點03左右到達，一出lift已經見到食客被安排入座，而我哋二人拎咗飛等咗陣就可以入座啦。入座率都有九成以上。出面任拎嘅食物好多款，多過40樣，而用手機order 嘅就有3款牛，2款豬，1款羊，海蝦，鯇魚腩/片及是日海鮮，共10樣。仲有嘅係，有個即場做嘅甜品!焦糖法式燉蛋（有專人即時用火槍制成焦糖效果)，棉花糖（有專人用部機即時拉絲）同埋脆脆格仔餅。一上枱就有牛羊蝦，我覺得特選安格斯牛仔最好味，而蝦都係算唔錯，彈牙有甜味。自家製豆漿都算濃味，飲咗大杯！…查看更多

朋友推薦下去咗沙田新城市廣場嘅Pici Paster Bar食lunch。呢間餐廳係買戲飛個邊，唔講都唔知呢層有餐廳。朋友話呢間餐嘅意粉係自家人手製，而大家入餐廳時可以見到嘅。Lunch set有A, B & C 三種配搭三個價錢，而每款配搭嘅食物選擇唔係完全一樣嘅。朋友鐘意食呢度嘅肉丸，揀咗C餐嘅辣豬肉忌廉汁扁麵（只有Set B及 C有肉丸可選），而我就揀咗Set B嘅忌廉湯同經典牛肉醬寬帶麵。二人都揀咗tiramisu 為飯後甜品，而餐飲無糖紅茶係免費嘅，咖啡就要另外加錢。前菜上嚟之前，侍應用紙袋送上餐包，伴以橄欖油&醋食用。忌廉湯上枱，望落去唔錯，食落去更加唔錯，「杰」得嚟覺得好足料，好味。接落嚟到pasta 啦，賣相唔算特別，食起嚟發現麵嘅質地幾特別，有咬口，些少煙韌，第一次食到呢種口感嘅pasta,食落味道又真係唔錯，比想像中好。好耐未食過覺得唔錯嘅食物啦呢樣係朋友話好好味嘅牛肉丸而呢個辣豬肉忌廉汁扁麵朋友都話係好味嘅，賣相都吸引最後出場嘅甜品。tiramisu面層嘅朱古力粉好厚下，味道真係要贊一贊呢間餐廳值得一試。…查看更多

今日去咗元朗，因為好趕時間所以係最近距離搵咗間餐廳食「快餐lunch」，所以藉此試咗呢間「肥仔海南雞專門店（元朗）」。由於已經4點鐘，店內只有店員。入店前指定動作-測溫，因太陽曬住測溫機，要等調整下，稍等後先成功度體溫。堅持讓客人度體溫後正常溫度才能入座呢點做得唔錯。我哋兩人要15分鐘內食完走人，所以同樣叫做海南雞飯，另外加一支蝶豆花薏米水。如預期，飯好快出現，仲有一杯冬瓜雞湯。望落雞幾靚，份唔算多，食落發現雞肉嫰滑程度真係算唔錯。最估唔到嘅係個飯調味好好食，。平時係外食飯見有海南雞飯嘅我都會試，但係多數都係一般般，不過不失，唔會再食下次，而呢間我就覺得好味，會再次光顧。跟住蝶豆花薏米水出現，第一次飲，微微甜，無特別味，有薏米咪，好健康！店舖簡約設計，店員服務態度都幾好。…查看更多

今日晨早出門去銅鑼灣行街shopping, 12點未到就去咗牛氣食lunch 。之前係旺角食過幾次晚餐放題，覺得食物質素同款式相對其他sabusabu放題餐廳為好，所以揀咗呢間食lunch。原本唔打算食放題，只是想食lunch set +salad bar 放題，但係去到先知呢間店舖下午茶時段（2:30開始）先有呢仲set lunch (即是一份牛肉/豬肉分量，沙律bar 任食）。店員話加多40零蚊可以食放題，原價減$40，我地揀$188-$40 =$144（要加一的）。我地一貫咁走雞，只要牛同豬。想分享下，呢間餐廳的豬其實唔錯，值得一試，脂肪均勻唔肥，食落唔鞋。（呢次食咗3份，第一份原本送上，第二份店員應該俾錯，不過見都ok, 照食。第三份特登order, 賣想有點兒令我跌眼鏡，可以切得厚咗D瘦咗D，食落有D鞋）可能呢間鋪較細（相對旺角店嚟講），甜品較少款式，cake 兩款，啫喱，日式甜品三款-香蕉，紅豆及綠茶味的和果子（外皮透明有D軔度），另外有牛奶味同士多啤梨味軟雪糕。牛奶味都有奶香，口感不過不失（因奶成份不太重，食到「雪」的口感）。想提一下，貢丸都幾好味。為免浪費食物及quota,大家可以先拎少量（1件起兩件止）食物試下先，好味可以再拎。…查看更多

鐵板大家就可能食過唔少，石板又試過未呢?今日中午就嚟咗荃灣呢間牛極試咗石板牛扒試下。呢間日式餐廳係用售賣機落oreder嘅，店員都好細心，每逢有客人都企係附近，睇下客人是否需要幫忙落單。一開門營業時已有幾個人，半個鐘頭就差唔多坐滿人。有五款部位選擇，而且重量/份量由180-400g可以選。我地買咗一份牛肩肉眼及一份牛肋骨排。坐底後，店員話我地知有飯、湯、沙律、醬油、水及餐具在一角，可以自己去拎。石板排陸續放上枱上，係一塊生扒放係高溫厚石上，座位旁的牆上有教如何食/煎煮扒。牛肩肉眼，切一吋左右，煎幾秒有血嘅面就食得（隨著石板溫度下降，之後煎嘅時候要調節），肉質冧軟，多汁，好味，比想像中更好。牛肋骨排，有兩舊牛肋骨，因選咗200g, 肉嘅份量唔多，建議選重份量，可以有多D肉食到。食咗一啖，發現肉汁好濃，好甜。相信要同時食呢兩款先比較到不同之處。兩款各有千秋，值得一試。…查看更多

靠openingrice係行開嘅附近搵食，揀咗一間評分唔錯嘅Plato Cafe & Bistro 西餐廳食lunch。近1點去到，7-8成坐滿，有幾張吉枱，但係食到一半咁上下，竟然滿座了Lunch set Menu 都有10款選擇，篩選咗一輪，我同朋友分別揀咗西班牙黑毛豬鞍及帆立貝墨魚汁意大利粉。餐飲包一杯$34飲品（飲品$34起跳，茶包係用Twinings），超出此價只需補差價便可以。紅桑子草莓茶較為特別，所以揀咗呢試，都好香草莓味。餐湯係磨碎的粟米湯，感覺上比傳統忌廉湯健康D。蒜蓉包軟咗，脆D就好啦。西班牙黑毛豬鞍飯，豬扒一塊，大約三分之二個手掌咁大，1cm左右厚，面頭有D黑椒，另外配上洋蔥汁。趁熱食咗第一啖，有汁及有D彈牙，算唔錯。食到咁上下一次過切好快扒，發現好快凍，同埋質變差，所以建議趁熱食，邊切邊食，而旁邊嘅沙律菜可以稍後食。旁邊嘅燒汁味道特別，幾好味帆立貝墨汁意粉，味道較清淡，調味不錯，意粉質地偏硬身，而帆立貝size 中等，兩倍母指指甲咁上下。食完記得抹清走唇上嘅墨汁。…查看更多

今晚同朋友聚舊，揀咗呢間澳洲扒房。地點尚算方便，但餐廳入口就唔易搵。呢度燈光較暗，環境較浪漫，可以望到海旁，但氣氛就會為happy hour feel （我坐呢個corner 位置較熱鬧），除咗我同幾個朋友較大聲傾計，都有部份外國人亦如此聲浪。還算好，不算嘈。我地試咗Wooloomooloo Salad, 薯條，Spanish Iberico Ham，一個肉醬闊條麵 & 一份扒。沙律有菜是必然，呢款有牛肉。牛肉好味，但個沙律菜未必人人受得住。我受不了個種氣味同苦澀味。各人味唔同，會有人喜歡的。Wooloomooloo Salad薯條(唔特但好味）呢塊厚扒都好味（無留意order咗邊款），林同多肉汁。…查看更多

行開沙田不防去帝都酒店coffee conrner盼下有無心水甜品啱食。以前會有counter係橋位，而家要行入少少到餐廳入口。其實有好多款色，而價錢唔貴，算好抵食。今日買咗個6吋大嘅柚子芝士蛋糕。樣子睇落去唔差，食落柚子味較濃，芝士較輕，唔太覺芝士味，但質地反映到。柚子味酸甜，有柚子皮，唔算太甜，覺得係較「健康」的甜品。…查看更多

雖然開始夏天feel, 仍然未影響食 shabushabu嘅欲望。趁午市即將開始營業，同朋友去咗牛涮鍋lunch。揀咗60分鐘午餐，一個 Set H日本鹿兒島極上黑毛和牛肩脊肉套餐及一個Set I 海鮮套餐。肉類set 可以加$15增加50%份量，當然要加啦！沙律蔬菜汽水任食的，而綠茶（茶包）就要同職員先有。甜品都有好幾款，有雪糕，donut, mochi 「一口曲奇慕士」cake, 「一口牛奶朱古力低cake」(唔記得全名）。長崎蛋糕亦很美味，有點煙韌同蜂蜜味。呢個午餐直豐富…查看更多

今日lunch 嚟咗平時排長龍嘅和氣食。睇完餐牌order 咗一個「A13 和氣***極強***特盛定食」以及一個咖哩吉列豬扒飯。當等待好一陣子的期間，好期待。A13包括一個燒黑豚腩飯，1 set 6件不同款嘅刺身壽司🍣＆一個沙律。好豐盛。當個飯出現時，有點失望，因為太細碗，而我太肚餓😂。但當食起嚟，肉林，調味恰到好處！下次要食大碗飯先得。差唔多食完，刺身壽司出場，新鮮好味。最後出現嘅竟然係沙律，軟殼蟹沙律，係新鮮好味~另外一款飯-咖哩吉列豬扒飯，加哩輕微辣（食開辣嘢嘅人應該唔覺），唔算厚，勝在肉質冧，有汁，都唔錯。…查看更多

今日放假去咗食Bellota Iberico 豬豬。之前係銅鑼灣食個間同呢間餐廳好似,把住會一樣咁好味嘅期望去食。Lunch set 唔算貴，order 咗兩個lunch, 一個橡果級黑毛豬及一個黑毛豬肋條肉煎蛋。Set lunch 有沙律同餐湯，而餐湯係磨碎的椰菜花湯，所以有粒粒口感。沙律都幾豐富，有蔬菜，薯仔同蝦。蒜蓉包熱的，並已擦上牛油，好味!我地upgrade 咗一個set lunch, 有埋海鮮拼盤。有生蠔，帶子，鮑魚，蝦各一隻同埋一片八爪魚（餐片就話係螺肉，但當時無留意咁多，有嘢就食)。橡果級黑毛豬出場，嚇了一跳，份量十足，有三塊重疊在一起，有D什菜伴上。食起嚟都多汁冧身，都唔錯。份量太多，可以的話，我情願要一塊靚D部位，貴精不貴多嘛。另一個餐黑毛豬肋條肉，份量正常，有飯，太陽蛋同什菜。豬肋條肉相對再冧D，肉質感唔錯，同橡果級黑毛豬有不同口感同甜味。都不防試下。甜品精𠊷，杏仁蛋糕好香杏仁味，一口一件，都好足夠，飽肚有餘。有機會都會再嚟試下其他lunch set 或晚餐 。…查看更多

一聽呢間餐廳就知係食台灣菜呢！下午茶餐5:30pm停止供應，去到啱啱過咗幾分鐘，於是食正餐。餐廳內仍有小量人在座食下午茶，入座時職員善意地提醒我地已經無下午茶食。睇下餐牌，都有唔少選擇，不過套餐就只有4個選擇。最後叫咗set SP3 夜市豬排流心蛋配黑椒汁（有餐湯，另外加$10有本台式飲品）及一個萬巒豬手飯。湯望落白色一片，有幾粒粟米同一D切片嘅磨菇。食落先知味道香濃，好有磨菇味!豬扒係鐵板上嘅，上面放咗隻半生熟嘅太陽蛋，另外配有鏍絲粉同薯角。望落無乜特別，食落先發現D豬扒唔錯！質感軟林，味道適中。有4塊扒，份量都唔少。豬手飯－飯餸分開上，豬手伴有甜酸菜。望落都係一個普通菜式，但食落又發現不是如外觀咁平凡。炆煮嘅程度適中，咬落唔會韌，又唔會太林，啱啱好! …查看更多

今晚約咗兩位姊妹去蒸海鮮dinner （朋友推薦的）, 即日book，好彩有位，book時話限兩小時，但係我地等齊人到食完大約2.5小時，侍應毫無催或俾壓力。三個餐中，我地揀咗最經濟嘅A餐,有龍蝦、鮑魚、花蟹、蟶子、貴妃蚌、蝦、三種貝殼類、雞肉、蔬菜、兩種糕點、生果盤同埋吸咗海鮮精華熬咗成兩粒鐘嘅南瓜粥。Set A三種貝殻類，有兩隻熟咗都無開口，職員換咗三隻俾我地，一人一隻。大D個貝殻海鮮上面有D芝士，不過仍可以食到海鮮嘅鮮甜味。鮑魚上面青BB嘅係。。。朋友食落話係波菜，我就食到有少少香草味。黃金汁無阻蟶子嘅鮮味雖然係普通花蟹，都好好味呢個蟲草花蒸雞都幾滑馬拉糕+蜂巢粒-普通得嚟又幾好味由於頭食到尾，侍應亦由頭到尾服侍我地。每樣海鮮幾乎都係蒸3分鐘，侍應準時開蓋分配食物。每樣海鮮都好鮮甜嫩滑，無得彈。糕點有D煙韌甜度適中，幾好味，幾特別。南瓜粥都好好味，可惜食唔曬！打算同屋企人去食，分享下。…查看更多

最近行街見到一款貌似澳洲食過嘅西瓜蛋糕，因太回味，於是去咗尖沙咀呢間蛋糕店食tea。蛋糕好colourful, 好吸引。兩個人，揀咗二人tea set。共可選4件蛋糕，其中草莓西瓜蛋糕最多可選兩件。既然出名草莓西瓜蛋糕，我地order 咗兩件，各人可以食一整件事，另外order 咗一件榴連芝士蛋糕及一件荔枝玫瑰蛋糕。餐飲就揀咗一壺玫瑰綠茶（茶包泡的）及一杯白爵茶朱古力。榴連芝士蛋糕-第一啖榴連味幾香下，再食就唔太覺，唔太甜，有D淡口。芝士味就唔係好食得出。荔枝玫瑰蛋糕-蛋糕面有幾其他塊荔枝肉，食到是甜口的。望落去cream 有D淡粉紅，食到玫瑰味的。夾層嘅蛋糕明顯見到有大隆隆，食起來有一粒粒的類似核桃果實。其實我唔鍾意呢個口感。正常鐘意食蛋糕嘅，都應該想cream滑，蛋糕soft呱。。。西瓜蛋糕-蛋糕質地同荔枝玫瑰蛋糕一個，草莓、西瓜甜度一般般。總括嚟講，有D失望。…查看更多

今晚平安夜，揀咗間不因聖誕節而加價或硬sell x’mas set嘅平價日式餐廳。呢間係位于荃灣廣場地下嘅牛角次男坊。第一次光顧，6:30pm 已經有一班人排隊買餐入座，坐低後，發現都好full下，好彩早去。叫咗兩個飯，一個燒鹽麴牛舌丼及一個豚丼。各配有一碗味噌湯。牛舌丼到啦，薄薄嘅牛舌鋪排得好靚，成朵花咁。味道還可以，但因太薄，易凍同埋咬落去嘅感差不太好。豚肉丼同牛舌丼一樣，都鋪排得好靚，肉有D厚度，食到尾都覺有D暖，味道亦不錯。以呢個價錢，有咁嘅份量，口感可以話尚可。味噌湯都幾好味㗎…查看更多