影片
開飯介紹
集合意大利及美式風格的餐廳，餐牌上一系列傳統意大利菜，配以美國菜一貫的oversize。當中的Tiramisu獲一眾食客好評，超大份量，最好找齊大班朋友Happy Share。
繼續閱讀
營業時間
今日營業
11:30 - 20:30
星期一至四
11:30 - 20:30
星期五
11:30 - 21:00
星期六
11:00 - 21:00
星期日
11:00 - 20:30
公眾假期
11:00 - 21:00
公眾假期前夕
11:30 - 21:00
*星期一至日: 11:30-22:15 (最後下單 21:00)
以上資料只供參考, 請與餐廳確認詳情
有關獎賞計劃
相關文章
見到openrice d 食評好似麻麻地，但朋友約到，兼且喺火車站上蓋咁方便，就即管去試下啦...朋友book 左上星期五7pm，我哋一行三條女準時去到，坐低無耐就落單，d 嘢食好快就到喇。率先上左個前菜-意大利風乾火腿配蜜瓜及啤梨，自己真係未試過風乾火腿配啤梨🍐，感覺好fresh 丫風乾火腿亦唔咸，清碟之後上左我叫既麥蘆卡5+蜂蜜洛神花茶，因為有蜜糖既關係，洛神花茶一d 都唔酸，飲到尾都好濃同好潤添… 跟住到我平時都好鍾意食既肥嘢，自家製焗肉醬千層麵，好夠味丫，好多肉醬，一d 都唔孤寒食西餐當然唔少得牛啦，我哋叫左個美國封門牛柳，佢側邊配左d 酸洋蔥，食完再食牛，d 牛肉味再升級左，加上封門柳不嬲都濃味加淋，大家都好鍾意食我開頭以為個牛會係最好食，點知上左烤原條鱸魚之後，個第一位就比左佢...d 魚肉真係好鮮甜丫，就連d 配菜（瓜、薯仔粒、蕃薯粒）都好甜丫女仔聚餐，點可以唔叫甜品，我哋叫左個Tiramisu 做結尾，一d 都唔漏丫其實我哋成程個service 都好好丫，d 嘢食都唔似之前見到既comments 所講既唔熱喎，真心覺得唔錯丫，我哋直頭坐到人閂舖添呀下次聚會可以再嚟
繼續閱讀
補返母親節晚餐，媽媽話想食西餐；近近地就揀咗Amaronis食睇咗Set Menu覺得唔啱食，就各自單嗌咗啲前菜同main courseHam配蜜瓜係媽媽平時嘅最愛，佢話估唔到原來配啤梨度咁好食～啲火腿畀得唔吝嗇，一件生果一片火腿；份量啱啱好夠三個人做starter👍🏻啲啤梨確實幾甜下，沙律汁酸酸地，開胃一流呢個係全晚焦點之一青口唔算好大隻但唔乾，質地彈牙新鮮個白酒汁真係神來之筆，點青口又好西蘭花都好都好好味好鮮甜，媽媽同男朋友搶住食🤣Server好貼心畀咗隻碟裝住啲殼有加分～呢個係我揀嘅Carbonara啲汁十分濃郁絲滑好芝士～啲醬汁好足夠唔會乾憎憎！食落就略嫌淡味咗少少，意粉軟硬度啱啱好；自己加少少鹽就perfect了。全晚焦點登場🥹媽媽揀嘅Hanger Steak配薯條Hanger Steak我地揀咗Medium，出嚟嘅時候接近Medium rareServer好殷切問我地洗唔洗拎返入廚房整熟啲不過我地無所謂就冇麻煩Server，而且錯有錯着佢煎得好好食！牛扒表面有陣炭烤過嘅香味咬落去食得出冇乸過啲肉；唔鬆唔un仲要冇乜筋味道調配得啱啱好，最緊要係媽媽讚不絕口（喺香港實在中過太多牛扒伏，一係就overcooked，所以我一啲都唔介意佢生過我要求嘅程度好過熟得滯返唔到轉頭）薯條就正常，我幾鍾意佢唔油！食落冇咁大罪惡感🤣男朋友略嫌唔夠味，咁啱server行過聽到話畀啲芥末醬我地試吓，又ok喎，配埋芥末醬食落牛扒一啲都唔膩！呢個龍蝦尾意粉喺男朋友揀冇Carbonara咁濃稠多汁唔會越食越滯，啲意粉索晒啲海鮮濃湯汁好濃郁但唔膩好快畀男朋友清晒，龍蝦尾如果再大隻啲就正🥹唔夠喉🥹龍蝦唔un冇covercooked，食嘅時候容易離殼肉質唔霉，我覺得呢個意粉過關！我睇之前啲食評見嗰個都讚Tiramisu加上佢最鍾意嘅甜品就係tiramisu就嗌咗一件，冇諗到原來咁大件🤣夠晒三個人食有突呢個Tiramisu真係好好食啲咖啡味好出，唔苦啲cream又唔會太甜，個cake夠濕潤但又唔水唔會食落一pat嘢咁一啖咬落去平衡曬唔同層次👍🏻大推！！
繼續閱讀
17/5約左朋友係呢間餐廳飯聚！我地叫左一個Parma ham 、 一個千層意粉、一個封門柳、一碟鱸魚、一個tiramisu同水果花茶❤️❤️年紀大唔係好記得menu上呢d菜式既名稱，睇相最實際😆Parma ham正常發揮，好味😋千層意粉蕃茄醬汁唔酸，味道岩岩好封門柳肉質夠林，好有牛味，冇血腥味👍仲有個堆洋蔥伴少少酸醋汁，慢慢咁嗒下又幾開胃喎！鱸魚魚肉夠滑，冇腥味Tiramisu好香咖啡味，唔算好好好好甜，份量岩岩夠三個女仔食，仲有剩😆水果茶同milk shake會encore呢間餐廳👍
繼續閱讀
相約好友難得聚會但是很失望的意大利餐廳，見環境不錯就walk in坐低坐，首先叫咗個意大利風乾火腿配蜜瓜啤梨、白酒汁燴青口、海鮮墨魚汁意粉、另外朋友叫咗一個鮮雜果水果茶完全話冇味好似滾水咁😞後來上菜一嚟到賣相已經唔OK心想可能會好食可惜食落口真係衰過茶餐廳咁嘅質素咁嘅價錢😤😤😤實在令各位朋友都食得不開心真係好想掉頭走，但是我們係有文化的人唔會就咁走咗去太失禮唯有食少少加調味料，但最後都係放低冇食1😢後來個侍應聽到我們的說話，禮貌地問我們什麼可以幫到手？話送甜品給我們，但我們禮貌地說聲多謝不用了🙏🙏希望間公司好好檢討改良，如果唔係真係戥你們擔心😩現今香港經濟已經很差怎麼辦？我們的要求不是太過高，我都係第一次寫食評，真是很想你們改良貴公司另hk經濟會好d，最後都多謝貴公司埋單給予我們折扣🙏平貴都冇所謂志在相聚開心
繼續閱讀
記得好多年前去又一城食amaronis，雖然貴但個味道係不錯。帶咗老公去moko 呢間食晚餐，諗住食得番之前嘅味道，但好明顯我錯了。個千層肉醬闊麵五分鐘內上枱，心諗咁犀利快手到咁。但見個樣乾爭爭，尤其係啲邊位又乾又硬，似足用微波爐叮熱個樣咁… 最差俾咩？就係佢連叮，都叮得唔夠熱！中間仲係凍冰冰嘅…如果我食叮叮嘢，大可買個微波爐餐。畀幾百蚊食叮叮意粉，個人真係好失落。no next time 以後都唔會再嚟，失望。
繼續閱讀