影片
港鐵尖沙咀/尖東站 L3 出口, 步行約8分鐘
繼續閱讀
開飯介紹
餐廳位於尖沙咀的歷史建築之中，設有室外用餐區。餐廳提供各種午市套餐、英式下午茶餐等，主打西式菜餚，如龍蝦濃湯、水煮三文魚、自家製蛋糕等，造型精緻吸引。
繼續閱讀
營業時間
*最後落單時間: 20:30
星期一至日
12:00 - 21:00
以上資料只供參考, 請與餐廳確認詳情
前排想約媽咪食母親節飯，咁啱見到呢間嘅下午茶好似好靚咁，於是就揀咗平日嚟食～平日冇咩人好正，同媽咪早咗到，喺1881同佢影下靚相先我地係三個人嚟食，呢幅圖係二人份量，仲會有另一個籠係一人份量一嚟到就即刻影相，真係好靚，本身電話講好嘅「母親節快樂」字牌都好靚佢個餐牌係寫得好清楚有啲咩嘢食，但我唔記得咗影同埋呢間係有素食下午茶，啱哂素食嘅朋友除咗鳥籠，另外有scone食，幾好食，重牛油味鳥籠最頂係甜點，中間同最底都係咸點～印象中大部分咸點都幾好食，尤其係最底層嘅薯餅同魚餅（？）而甜點我最記得舊抹茶嘢，幾重抹茶味，少少苦唔太甜有舊白朱古力嘅cake真係超甜，唔係好啱我呢間嘅下午茶咸點多過甜點，我地好鍾意，因為有時食得太多甜嘢會好膩同埋真係有放鬆到嘅感覺，環境好舒服雖然初初坐出面有啲熱，但係坐坐下就冇咁熱而且侍應服務好好幫我地影相影得好靚題外話：我之前都有食過晚餐，最記得心太軟好好食！
繼續閱讀
約朋友下午茶好去處，今次約咗好耐無見嘅幾個朋友相聚所以下午茶都坐咗成3個鐘🙊疫情期間坐室外長廊感覺比較安心，空氣好環境優美，喜歡打卡嘅女仔最啱,影相一定靚，食物質素OK，下午茶tea set有兩種選擇，有class同素食可以選擇價錢合理而且服務好好一定會在去幫襯👍
繼續閱讀
多謝朋友邀請，同我慶祝生日，朋友話之前同朋友去慶祝結婚紀念，無意間發現做緊六折，諗起我生日，所以約埋一齊去，我地要求坐室外，夜晚天氣唔太熱，服務同環境都好好，仲有好多影相位，我地叫咗好幾個主菜，大家share，可以試多幾款， 我哋叫咗肉眼扒， 煎三文魚， 烤燒春雞同 意大利香草飯，總括咁多款都唔差，每一個set都有湯或者沙律、主菜、之後係甜品，除咗意大利飯之外， 其他set嘅配搭係薯茸加蔬菜， 整體嚟講，會再去，好好
繼續閱讀
最近疫情關係，唔少食肆都出盡大大小小不同優惠，1881呢間餐廳更係做緊午市套餐六折，的確好難唔心動，尤其呢度主打置身於古蹟中用饍，早排就帶屋企人前嚟一試！作為麵包控，見到呢盤餐包已經被吸引，麵包種類多達5款，而且畢竟係酒店餐廳，每款食落都有水準。前菜我點了沙律，沙律菜非常新鮮，再配上煙三文魚同沙律醬。屋企人點了餐湯，當日係送上蘑菇湯，飲落係食到鮮蘑菇打成碎粒，creamy得嚟帶點鮮味。主菜方面，我地分別叫了側腹牛扒、豬扒同海鱸魚share食。首先牛扒係配上紅酒汁，其實牛扒係香味但口感實在係太靭，明明已經係切薄片上加叫了medium，但依然係靭到幾乎咬唔開。跟住到豬扒係配上洋蔥汁，另外有啲酸酸甜甜嘅梅汁𣺉上面，但豬扒本身嘅香味唔突出，係所謂嘅無乜豬味，只是醬汁嘅調味係不錯。最後嘅海鱸魚係最令人滿意嘅一碟，魚肉厚身卻香滑，配上清新嘅芒果蓉十分夾。甜品方面倒是做得幾出色，當日上嘅係紅桑梅蛋糕，先係擺盤已經很別緻，而且連碟都係冰凍地上，底層係層脆脆，上面再一層海棉蛋糕、一層果蓉同一層mousse，味道唔會太甜，反而酸酸地好清新，可以去剛才主菜嘅油膩，口感更加係夠晒豐富。最後餐飲我當然要一嚐酒店級咖啡，叫了americano加鮮奶，但亦令我為之失望，因為呢杯咖啡味道苦澀，令平日飲咖啡唔加糖嘅我都忍唔住要加糖才飲到落去。可能係我原本期望太高，只可以話有六折優惠都係可以接受嘅
繼續閱讀
今晚同同事黎1881呢邊聚餐，哪怕有優惠都冇咩人，係呢個咁有歷史價值既建築入面食飯真係零舍不同，前身係水警總部，過百年歷史，呢間餐廳除左裝修風格外，食物都好有水準，當然價錢同外面餐廳比會比較貴一d，但物有所值，今晚點左個牛扒，3成熟，做得好出色
繼續閱讀