影片
開飯介紹
CK LEGEND 提供多款小食, 意粉及主菜選擇, 每星期更會有重點推介,更可因應食客個別需求而準備食物, 更會提供包埸服務, 生日聯誼慶祝食飯。
繼續閱讀
營業時間
星期日至二, 星期四至六: 11:30-22:30 ; 星期三休息, 假期除外
以上資料只供參考, 請與餐廳確認詳情
招牌菜
訂位7個6大1細, 所以叫左6個SET DINNER前菜香橙沙律, 一般湯係栗米腿蓉, 這個唔錯主菜我地叫左兩分鱸魚, 兩份美國黑毛豬扒, 一份豬仔骨同一份意大利雲吞除左魚係偏'鞋' 外, 兩款豬都唔錯, 幾軟身最後係餐飲同甜品, 個朱古力CAKE都不過不失之前係想去另一間CHOW CHOW的, 但時間就唔到, 所以試左這間上次去CHOW CHOW既經驗係除主菜外, 其他都有驚喜這間係主菜才有驚喜
繼續閱讀
開飯時間見肚餓，行過路過西餐廳都唔好錯過，唔知做咩神推鬼磨，入咗嚟喱間（意大利）餐廳座！晚飯時間，入去個lunch menu 都未收，我問waiter 哥哥，係咪仲可以叫lunch??佢以9秒9速度收起個lunch menu!座咗30分鐘水都無滴，叫佢先拎，兩個膠杯仲要殘到無倫...西餐廳乎？？睇下個menu,都有好多選擇，例如意大利飯，香煎爐魚，(baby) BBQ rib，安格斯牛扒，等等...最後揀咗爐魚同（baby)rib, 諗住最穩陣包無死錯...點知...頭盤：沙律蟹柳，味道一般，似平時街市買番番嚟啲生菜...湯：無得揀，粟米肉粒忌廉，是日有咩就咩啦下...我諗意大利餐廳第一次見有粟米肉粒湯！主菜：1. 爐魚配白汁加意粉，三個字：無特別！2. 嘩！試埋舊bb rib配薯菜，真係極品！先講薯菜，三粒咁大把，等如一個意粉？ 待應哥哥話係得三粒...?夠攝牙隙？到夠bb rib ，好大件，有成呎長！！拎把餐刀一切，出事了，唔係把刀斷咗，係舊BB Rib一掂就 自動解體，一夾之後一叉，筋肉與骨亳無保留地分離，真係嫩到...解體後本死一試，期待的味道未有符合，只是誠哥間超市燒汁醬蓋上急凍肉排的味道，自己烚都好食過佢。甜品：最後待應問可否上甜品，答ok之後上咗成個世紀，上嘅係一條疑似係朱古力慕絲，味道不願置評。埋單竟然無得碌咭，盛惠380 for 2.
繼續閱讀
CK - 11月1日這是我們在6個月內第五次來這家餐廳，幾乎我們每個月都來這家餐廳一次。像往常一樣，我和我的丈夫叫了晚餐套餐。前菜是三文魚蔬菜沙律，之後，是粟玉肉湯配麵包，主菜是大蝦配牛柳伴意大利粉及香煎鴨肝意大利粉，而甜品是巧克力蛋糕及飲品。到了這個時候，我開始覺得前菜和甜品沒有甚麼新意，我們吃了5次，這兩道菜都是相同的，比較悶。大蝦夠大，但它不夠新鮮。牛柳很厚，分量很足，我的丈夫叫了6成熟，牛柳烹調時間剛剛好，非常好味!我的白汁鴨肝意大利粉味道剛剛好，唔錯，我食曬整道菜呢!我們2人這次晚餐花了HKD517，主菜是保持水準的，但我覺得前菜和甜點沒有創意，我覺得廚師好懶，沒有心思添加或更改新的菜式。在不久的將來，如果他們不改變套餐的組合的話，我們應該不會再來的。這一次，我們給4分是因為食物的水準。
繼續閱讀
因為一家人嘅週末都比較忙, 所以選擇了平日嘅星期二過中秋.也因為家住元朗附近, 上開飯找了元朗咗近嘅餐廳, 留意到呢間餐廳嘅食評都幾好, 於是打電話訂位.基於害怕環境或其他因素影響, 我決定提前30分鐘視察環境.大約予晚上7時30分左右到達, 環境比預期中理想, 座位大約30位左右, 上前表示已訂位後, 馬上入座.全晚最可惜嘅, 就係個餐牌, 因為係全文字演繹, 你沒辦法想像上面嘅文字將會變成咩食物, 咁樣嘅情況只有叫人幫手推介吓...總之全個選菜過程本人係有D擔心.因為有2位家人遲到, 所以我提議食D小食, 一邊食一邊等.先來嘅有 "炸洋蔥圈, 炸芝士條 & 意式炒藍青口"-炸洋蔥圈 : 香, 脆 呢D都係基本, 除咗呢D洋蔥圈當然D洋蔥要甜同好食啦 正-炸芝士條 : 芝士嘅份量都多, 口感都唔錯, 最正係佢跟嘅兩款醬, 一款係奶油芝士醬, 另一款係蕃茄茸醬, 蕃茄茸醬上菜時仲係暖嘅.-意式炒藍青口 : 唔識講點正, 總之係好食.終於人齊可以上主菜, 主菜有 "時日餐湯, 招牌燒豬仔骨, 安格斯西冷, 墨魚汁意大利飯 & 卡邦尼意粉"-時日餐湯 : 波菜忌廉, 好忌廉, 好滑, 正.-招牌燒豬仔骨 : 肉質好柔軟, 表面用蜜糖封主肉汁, 正-安格斯西冷 : 肉質都係好柔軟, 好有牛肉味, 正-墨魚汁意大利飯 : 飯質好煙韌, 同D墨魚汁好甲.-卡邦尼意粉 : 芝士味好濃, 意粉彈牙.全餐感覺廚師有Heart, 買手有眼光, 老板願意比好野D客食.
繼續閱讀
原先想去BOSTON 1，但它進行裝修，一家人唯有轉戰CK LEGEND 午餐。每人點了一個SET LUNCH:餐湯是粟米火腿粒忌廉湯，質感十分creamy幼滑，粒粒粟米火腿和蘑菇碎，更大大增加口感的RICHNESS。菇香濃郁，令湯香氣十足。蒜蓉法包中間尚算軟熟，但邊位未夠鬆脆，熱力也欠奉。香橙龍利柳配意粉龍利柳肉質嫩滑，不會煮得過老，雖然沒有魚鮮味，但吃起來也沒有冰霜味，而且調味得宜，醃得頗入味。表層煎得剛剛好，帶微微焦脆。香橙汁更是開胃，不太杰身，橙味濃郁，好吃。意粉份量太少，尚算al dente，但沒有放任何調味，入口較淡。配料不多，只有豆角，普普通通，沒有驚喜可言。紅酒羊架配意粉份量很多，有三大件羊架！羊架點了五成熟，但火候掌握未夠好，肉質太老，不夠嫩滑，肉汁沒有鎖緊，略嫌太乾！ 羊的羶味也欠奉，有點失望。醬汁的紅酒味不太重，反而吃到幾香的香草味，配意粉吃還可以。三色椒蘑菇意粉第一次來的時候點過，今次再encore! 蘑菇份量頗多，味道頗為濃郁！有紅、黃、綠三色椒，十分爽脆香甜。它們顏色鮮艷奪目，亦令整碟意粉賣相討好，未吃已胃口大開 尚有值得改善的地方為汁收得有點乾身，不能令每條意粉都沾上香濃的芝士白汁，有點可惜。白汁蘑菇豬扒意粉火候控制得宜，故豬扒肉質鬆化，很淋很嫰滑，還保留肉汁，吃的時候不會覺得乾或嚡口。白汁蘑菇汁味道香濃，蘑菇份量很多，亦大大增添口感。原先想點甜品的（因上次來了之後，就對這兒的TOFU MOUSSE CAKE念念不忘)，沒想到看來迷你的意粉，可十分飽肚呢！唯有留待下次了總括來說，CK LEGEND唯一缺點是地方較小，不算坐得太舒適，但食物質素有保證，仍是開飯好選擇。
繼續閱讀