影片
以上資料只供參考, 請與餐廳確認詳情
是日很想吃好耐無吃的腸仔餐肉煎蛋公仔麵，逐去了新昌發點了一個下午茶餐，茶餐只有餐肉煎蛋公仔麵唯加5元要一條煎腸仔再配熱檸水， 不稍一回腸仔餐肉煎蛋公仔麵上檯，午餐肉煎得夠均勻，腸仔亦夠香唯煎蛋較熟了一點，公仔麵軟硬剛剛好。實在很滿足。
繼續閱讀
呢間真係不得了！又平又好食！我叫左牛根河粉25蚊，牛根入味、口感一流，唔太腍又唔太韌。軟硬適中！河粉真係正中潮洲河，唔會濕濕碎碎。係彈牙又滑口既！牛根河粉份量都好多，食完飽到嘔！超滿足！25蚊咁好味，真係抵到爛！
繼續閱讀
平時有好多潮州粉面，但係呢真係話好好食GE就真係唔多，呢間就係其中一間啦首先入左去，係兩間光色鮮亮嘅餐廳中間真係有D唔起眼，但係其實內裡先知係一間好食嘅裒廳\\叫左兩個粉面，一個牛雜面一個雲吞面，最要讚個個係個湯底，夠哂濃，就算攞黎撈飯都好有味。D牛雜就夠哂正，啖啖肉，撈飯撈面都得，正!雲吞面方面，個雲吞好大啖肉，個永1又唔會好厚，正!
繼續閱讀
仍是飽飽的，但晚上點都要吃些東西，食粉麵最好。來了碗墨丸河，走青。河粉不太滑，還好沒有碎濕濕。墨丸五粒，大大粒，有點墨魚的味道，卻欠缺彈牙口感，反正是填肚貨色吧！也試了這裡的雲吞，偏大粒的，皮算薄，餡料爽，我覺得比墨丸好。豆漿味道就太淡口了，唯勝在夠凍，係咁多。
繼續閱讀
這家茶餐廳門面很黑暗，看起來好像很骯髒似的，但原來內裡非常乾淨清潔，可能是由於天花是黑色的所以感覺黑壓壓吧。說回食物，我們一家點了兩個早餐：火腿通粉和回鍋肉米粉。火腿通粉湯底不味精不油膩，火腿切以絲﹝但厚切﹞易入口，通粉不會太'林'，總體感覺比美 x 大家 x 等快餐店中加入大量味精的湯底勝一籌！回鍋肉米粉中回鍋肉份量太少，但仍是辣味十足。米粉有米香，夾起來亦不會散開，容易吃！餐可免費由方包轉多士，這點很貼心，因為一般茶餐廳需要加 $1，我們當然轉了：多士熱辣辣，牛油不多不少又剛好溶掉，非常好味！至於牛餐肉，則煎得有點 over，有點'窿'，可幸是味道不會太咸。而蛋則煎得剛好，蛋白有點'流'的感覺但蛋黃不爆，好！奶茶﹝茶走﹞方面，茶比美 x 大家 x 等快餐店香濃但比較祥香等仍有距離，主要是茶味不夠立體，但味道可以接受。
繼續閱讀