影片
以上資料只供參考, 請與餐廳確認詳情
食評 (18)
一個人的中午，又出遠門來到天后這一帶看看有什麼好東西食。來到，沒有鎖定目標，當然是閒遊一下，邊一間順眼就入邊間。於是，點指兵兵的，點中了這一家《泉和》，簡簡單單地食午飯。中午的套餐，有湯有飯有飲品，才不過40元。這一個價錢在灣仔、銅鑼灣，只能夠是一飯加湯或飲品。很少會來一個 3 course 的午市套餐。餐湯是一個眉豆豬骨湯，味道淡是茶餐廳例湯的招牌味道，好的地方是有肉食，而且是沒味精的，飲得過。主食，我簡單地點一個肉餅來吃，味道正常沒有花假，也沒有失準，普普通通，入口夠肥美，肉夠香，豉油夠香，便可。因為，主要來說，肉餅是用來撈飯食而且。奶茶，有香味，可是入口有少少粗鞋的感覺，奶多但不夠滑，感覺一般。隨便的一個午餐，不多求，不期待，沒有驚喜，沒有失望。
繼續閱讀
友人放假 駕車去山頂玩影相 順道介紹尼間佢喜歡既粥麵店給我眼見地方較淺窄 有些地踎 不宜多人前來兩條友仔剛好有張小檯座 叫了~芙蓉蛋飯 炒得幾香口 但不特別炸兩n 豬潤腸粉 好懷舊既味道 有米漿香氣皮蛋瘦肉粥 料份量一般 但粥低夠綿 沙爹牛通 沙爹味濃 牛肉質地自然 好味道還有兩杯奶茶 合格總括來說 食得過 有多款食物選擇 味道唔差 價錢又平
繼續閱讀
1月2日, 由於近日都食得非常豐富, 又襯住咁凍嘅天氣, 食番d又暖胃又清淡少少嘅野就最好不過~ 多次行過都唔見呢間粥店開, 今日終於可以食到佢喇~::: 碎牛粥 + 炒麵 ::: $20一個$20嘅配搭又有粥又有油器/炒粉麵, 真係幾抵食~ 先上嘅碎牛粥熱辣辣, 仲配上2粒油炸鬼~ 味道就一般啦, 都有少少味精味, 碎牛就真係過碎, 唔可以一舊咁咬… 炒麵就望落齋咗d, 只有芽菜, 而冇蔥絲, 不過味道都ok, 唔會過鹹, 再落埋甜醬, 辣醬更惹味~ 整體$20要比其他粥店平10-20%~::: 豬紅碎牛粥 ::: $16粥底夠晒綿~ 豬紅碎牛好足料! 碎牛淋滑, 豬紅係一咬即散嘅質地, 爽口! 雖然有味精, 但整體味道都唔錯~::: 牛脷酥包腸粉 ::: $12看名字可能唔太知道係乜, 其實即係炸兩嘅牛脷酥版~因為牛脷酥本身仲有一種甜味, 所以味道比炸兩更豐富, 好創新嘅配搭~ 可惜牛脷酥已經凍咗少少, 食落冇咗脆口感, 如果係即炸起應該會更香脆~ 而腸粉皮有d厚, 唔算係好有米味, ok咁啦~佢地除咗牛脷酥包腸粉, 仲有其他一d特別嘅腸粉配搭, 喺區內係少見嘅粥店, 唔怪之得咁多人食~ 除咗粥之外, 佢地仲有碟頭飯食, 咁先係多元化嘅港式茶記麻~
繼續閱讀
自從祥利冰室結業之後，在電氣道一帶尋找一間似模似樣茶餐廳，的確有一點的難度。雖然如此，但是小弟終要解決早餐。早前在本網站內，見到有一間有粥食的茶餐廳。於是在星期二早上，趁著要等候公司穿巴時了解究竟。店舖內的環境較為狹窄，餐檯和座位都擺得密密麻麻。小弟坐下來之後，馬上留意餐牌。其實除了有粥品、腸粉和油器供應之外，還有多款的早餐和營養餐。在芸芸的多個選擇，最後決定要營養餐，包括牛油多士、磨菇奄列和餐飲。以小弟的一貫首選，當然是熱奶茶。不過水吧的阿姐聽到我要磨菇奄列的時候，她最初話無奄列，只有磨菇炒蛋。其實我心想既然做到磨菇炒蛋的話，為什麼又話無奄列呢?更何況餐牌上，是寫上磨菇炒蛋或奄列。熱奶茶 - 最先到的正是它，入口香濃而帶有一丁點的茶酸，未知道茶中的這些酸味，是來自於紅茶的單寧酸，抑或是什麼呢??幸好小弟的肚子，在事後並無出現任何的不妥。牛油多士 + 磨菇奄列 - 多士烘得有水準，加上搽牛油都幾重手，入口香脆。磨菇奄列的餡料都幾多，切開已見到有不少切絲的磨菇。不過碟底見到不少油，睇黎水吧阿姐落油都幾重手。餐廳位於電氣道一帶，附近有不少的唐樓。就當日早上小弟所見，前來餐廳光顧的食客，大部份都是居於附近的街坊。這裡的店員其實幾有人情味，喜歡和熟稔的街坊閒聊。雖然我只是第一次光顧，但是他們都唔會冷待少見面的生客，至少水吧阿姐後來向我主動講一句"早晨"。收銀的事頭婆在我付款離開時，都會說"多謝晒，拜拜!!"。其實好像一句的"早晨"、"多謝"、"拜拜!!"等等，雖然都是一些好普遍的說話，但是別少看這些動作。因為這幾句說話，正正是令顧客們對茶餐廳，留下一個好印象。今次這$20，的確付出得令我感到高興呢!!
繼續閱讀
近來在找新地方吃早餐, 之前看食評見到這其貌不揚的茶餐廳有腸粉吃, 在一個微冷的早上來試。牆上的一整張腸粉的餐牌, 曰即叫即製, 需時 5 分鐘; 款式都幾大路, 除了這在別處未吃過的芫茜皮蛋捲腸粉 ($11)。果然, 約 5 分鐘後來有得吃。一看, 哎, 豉油下太多了。腸粉的皮也頗厚, 不過該是會飽肚的吧; 裡面是切細的皮蛋粒和芫茜末, 可是芫茜的奇香已給豉油蓋過了。奶茶 ($10) 要了少奶, 相信是用黑白奶的 (見圖), 最怕茶味不夠、奶味太濃的奶茶, 這杯的丹寧頗重, 也合口味的。也別看此店「罨罨耷耷」的, 不但有外籍家庭來吃, 也是附近不少「自由人」的食點呢。
繼續閱讀