影片
開飯介紹
一個全天候餐廳熱點，專門提供東西方美食-以及國際自助晚餐。
繼續閱讀
營業時間
星期一至日
06:00 - 00:00
以上資料只供參考, 請與餐廳確認詳情
相關文章
睇左咁多個食評都咁差其實都幾驚架不過見佢有65折不妨去試試喇大概每人都只係283蚊度每人送一杯果汁同大閘蟹佢地開18:30不過我地早左3個字去到見未有太多客出左去影相望望下個場其實都唔係好少野食0者食過好多唔同既酒店buffet依度都有佢既特色野,其他酒店都未必食得到架 可以介紹一下 真係唔錯佢有個印度counter係有個印度師傅整丫d味道係其他酒店都未必食得度有3樣咖哩度喇,印度飯同d naan bread之後有個waiter講出面有個grilled station都係buffet黎架出去睇睇d扒,腸仔等等都係用炭燒好正,比平時去其他酒店都只係煎下咁真係冇乜地方可以食度凍野有扇貝,長腳蟹,龍蝦仔,螺,蝦不過佢係輪流登場唔係一次過出哂沙律都有成10樣度最0岩d女性朋友佢d魚生有師傅即切架幾新鮮架好多就咁一盤盤放係度有時見度其他酒店d三文魚都變哂色都唔敢食仲有dessert佢有cho. fountain雪糕緊係有我最愛既 haggen dazs仲有4隻味甜品都有唔少款式細細杯不過咁樣仲好喇唔怕有時攞得大件又唔0岩食仲有個師傅整擂沙湯圓添唔錯唔錯唯一唔好既地方就係裝修好舊不過黎食buffet緊係野食重要d啦^^
繼續閱讀
- 開飯喇上65折優惠券上(仲夏海鮮大匯演)自助晚餐, 真係貨不對辦, 好采有三文魚刺身, 其他得個幾隻青口, 蝦, 蟹腳←最難食, 最過份係, 攤晒未開既蠔係冰 上面又吾捨得開比人食...- 熱盤, 沙律十隻手指數得晒, 選擇太少雞肉串燒, 茄子, 蒸魚, 炒面, 玉子豆付, 咕嚕肉, 海南雞+飯, ,,-無天婦羅-雪榚唔知什麼品牌, 但味道都ok-甜品... 冇興趣最好食既可能係; 薄餅即場有人整, 甜品綠茶紅豆榚, 細杯凍食冷面
繼續閱讀
上星期六, 見成日淨係去東涌食buffet , 諗住轉下地方. 上"開飯啦" 睇下好去處, 見 碧翠咖啡閣 有 65折. 重係五星酒店. 價錢又ok. 重有生蠔食. 何不一試. 拿拿林去訂位.星期日, 6: 30 已經到餐廳. captain 比左張近入口o既四人枱. 心想, 可能好多人會 full . 當然第一時睇下d 食物係邊. 原來, 放食物o既地方要行入少少. 四周無坐位. 地方唔算大. 食物亦不夠豐富. 而且, 甜品仍未放出來.先講下魚生先. 淨係三文魚及八爪魚. 多一款都無. 壽司 只有兩三款. 說是海鮮放送. 只有三款 - 長腳蟹爪, 蝦及青口. 沙律醬比沙律材料選擇還要多. 熱暈尚算ok. 甜品味道較甜.牛仔肉比較老. 重無羊架食.值得一讚o既, 應該係生蠔同天婦羅. 生蠔係即場開, 然後用檸檬水洗洗個面. 食落一d都唔腥.無海水味. 我試過係旺角曾經食過即開生蠔有好大海水味. 而天婦羅都係即場炸. 粉醬不太厚. 當然沒有日本料理既水準全晚都坐唔爆 (加埋住樓上之外國客) , 可想言之有幾好食及抵食.如果用原價 $398位, 一定無人食, 而家折左都覺得唔抵食o羅. 早知去番東涌食, 雖然無生蠔, 但比較抵食又多選擇.
繼續閱讀
因為openrice優惠卷65折，又是尖沙咀區的酒店，想著不妨一試，結果是完全失望而回。冷盤~只有幾款~超細的蟹腳、凍蝦青口及瀨尿蝦，但淡而無味︿惟生蠔可以一試熱食~西蘭花炒帶子及什菇肉子豆腐伴菜及蒸魚稍為可口，咖哩雞'過熟', d非洲雞得d炸粉，天婦羅唔特別。小食~牛展及海哲燻蹄較為好味，刺身飯飯硬，冷麵無味，蒸蛋唔滑壽司刺身少款而飯硬泰式雞絲河粉，可以一試湯~周打魚湯及椰子雞，味道一般甜品~豆腐花好一般，芒果拿破崙及藍莓芝士餅較為可口，其他的一般。鄰桌將整個芝士蛋糕取去當生日蛋糕自己享用，沒有侍應去取回及再出一個芝士餅雪糕~沒有牌子及只有兩種味道，無興趣試以原價$330，用了openrice65折優惠卷$250都覺得唔值，未夠八時已結帳。
繼續閱讀