影片
港鐵筲箕灣站 B3 出口, 步行約7分鐘
繼續閱讀
電話號碼
29159330
營業時間
今日營業
07:00 - 18:00
星期一至日
07:00 - 18:00
以上資料只供參考, 請與餐廳確認詳情
食家推介
幫襯佢最後一次，以後唔會再嚟！今朝早七點幾就嚟到筲箕灣東橋餐廳食早餐東橋餐廳食早餐。因為本來約咗另外兩位朋友九點鐘一齊食，但我今朝比較早起身，所要很早就過咗嚟食。我坐低唔使五分鐘就叫咗個全日早餐，諗住邊食邊等。食完之後大概九點鐘，朋友到達筲箕灣，但因為佢未嚟過呢頭唔識路。我埋單後就去到筲箕灣地鐵站迎接佢。我就介紹東橋餐廳比佢哋，我哋一入到東橋餐廳諗住坐低的時候。我個朋友開始點嘢食，個女侍應寫完佢點嘅嘢，就問我食乜。我好有禮貌咁回應返佢話: 我今朝早已經喺度食過早餐，我係帶啲朋友嚟食嘅。(其實我仲有朋友過緊嚟) 佢之後黑口黑面對我講話呢度有最低消費… 咁冇辦法，我唯有留低我朋友一個人離開餐廳。其實我唔係想抹黑佢間餐廳或者香港嘅飲食業，但係我都係講返件事嘅經過出嚟，比大家知道我作為食客嘅感受。到最後我個朋友都無奈一個人喺度食早餐… 我其他朋友知道之後都去第二間食囉！
繼續閱讀
作為十幾年老街坊無食東橋幾年，今日再食面目全非！簡直可以用惡劣來形容見到咁心好痛香港食肆真係愈做愈差東橋都無例外唔好怪香港人個個都北上消費啦東橋出餐慢就出哂名星期日中午1點半未到有啲餐已經無哂真係唔知岩岩賣哂定無更新餐單問左個女員工一句，態度好X串咪話岩岩賣哂囉😊點解香港人作為消費者放假都要比人串先？一整日既好心情都無哂啦如果大家唔介意比人串幾句既歡迎去挑戰一下🤣心知出餐實慢叫左個普通飯，諗住會快啲我真係諗太多😂等左35分鐘之後我左右兩邊既食客既餐都到齊然後聽到一眾員工討論漏左我個餐😂最後嬲到走X左去食東橋簡直浪費人生成間餐廳得個男員工叫態度好少少倒閉啦，2024年啦仲經營成咁惡劣東橋
繼續閱讀
譚公誕那天，阿女上午係東大街表演完，下午就是自由活動了。由於，成條東大街已經是人山人海，我們也無需要留到整個儀式結束，所以，就離開東大街，先搵地方醫肚，再慢慢地做個港島區半日遊。當日，我們搵食搵到來筲箕灣道，眼見這一間《東橋餐廳》有野啱名仔食，也有野啱老婆食，而且全場爆滿，極具人氣，咁我們一家人就決定黎呢間又似茶餐廳，又似日式餐廳，又似豉油西餐廳的食事処午餐。中午，大家吃的當然是午市套餐。而這餐廳的跟餐例湯，有三款。其中一款是忌廉湯。其實，這是一碗好傳統的冇乜料忌廉湯。雖然夠 creamy，但內心就得幾條菜，味道就靠雞粉帶出，笠係咁。另一個是羅宋湯，夠香，但不夠辣。用料似乎是十足，但煲埋一大煲，變相，端出來的湯就沒有多少的湯料。總之，味道十足就可以叫好啦。太太說明了是素食者，店方特意為她弄了一個素食版的麵豉湯。純麵豉，連海帶都沒有。店方說是特別製，沒有落鰹魚汁的素食麵豉湯。同樣地味道濃香，太太感開心。當日，太太點的是日式咖喱野菌飯。很香的日式咖喱汁汁，配有金針菇、雞骴菇等等，也令到整個咖喱充滿了菇香，濃香的素食飯，很令人開心。我同仔仔就一人一份鐵板牛扒，我要五成熟，仔仔要七成熟。出到來的扒，香味十足。我同阿仔對比過，他的七成熟真的比我份五成熟冇咁紅。牛扒香，薯條香，再加上鐵板熱辣辣，再加上只係60蚊左右，大家都吃得非常開心。而就是因為太開心，而且檯面又窄，忘了為飲品拍照了。而我可以說，這兒的奶茶，也是有水準的。最後要說的，就是我們的總評分。是一致地給的好高分。
繼續閱讀
品嚐咗蟹柳紅腸雙餸麵餐($36)，發覺原來 by default 係畀公仔伊麵、口感味道更似往日嘅福字麵，食完滿滿回憶情懷。另外發現除咗紅腸有煎、連蟹柳都煎埋，有啲喜出望外
繼續閱讀
位於筲箕灣同西灣河中間嘅東橋餐廳鋪面唔大 比較舊同小小污糟員工應該都係家人 成間鋪營運模式仲係好舊時咁啲食物好驚喜 唔係好味到驚喜 係個味道完全係兒時味道講真要食正常千層面 焗飯就去咗西餐廳 係呢啲餐廳食都係想食港式味而我覺得東橋係做到嘅餐湯方面 紅湯好過白白湯稀小小 紅湯偏重辣味千層面嘅薯蓉係開粉 😂😂係小朋友最鍾意個隻隔幾日再嚟試過雞排定食上餐好快 係小小凍個餐幾好食的有小小改善位焗意粉個意粉係完全白烚比小小鹽都會好好多即磨咖啡要加$5 but 👎🏻👎🏻
繼續閱讀