影片
開飯介紹
小王牛肉麵源自台灣高雄，主打道地台灣菜，由小攤夜市至老店菜式，都一一盡錄。一碗原汁原味的牛肉麵更是餐廳的心血結晶，於牛骨湯中加入清宮御膳秘方的中藥材熬製而成，讓湯底散發濃郁香味，湯頭層次豐富，讓每一位熱愛台灣飲食文化的顧客飽賞最道地的台灣料理。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
*11:00-21:00提供外賣自取及Deliveroo派送服務
以上資料只供參考, 請與餐廳確認詳情
呢日係附近行街，到晚餐時間因為選擇困難症揀症勁耐最後揀左食小王牛肉麵。。。我哋叫左半筋半肉麵、台式滷肉油炸大排飯、胡椒鹹菜粉腸鍋同埋叫左杯香芋珍珠奶蓋。 半筋半肉麵肉既份量都夠多，筋同肉都各有3-4嚿，而最驚嘆係啲肉已經煮到好冧，輕輕一咬就散，有一嚿係係肉包筋，岩晒我呢啲鍾意食筋既人😂而個湯底都好濃藥材湯味，不過有少少偏鹹。 而個大排飯就唔係好岩我，佢落左啲類似香料粉係嚿排到，而啲滷肉都唔係普通係台灣食果啲味，有好濃既香料味。所以最後都係我朋友食呢個飯。 而個鍋應該要配飯食會好食啲，因為驚食唔晒我哋無額外叫飯，原本諗住配滷肉飯食，但點知個飯又唔好食🫠 最後變左齋食個鍋，啲粉腸都煮到好冧，仲加咗啲菇入去，味道雖然不錯，但略嫌啲料太少，如果單點個鍋加飯應該都會覺得啲餸太少。最後個飲品就係普通既香芋珍珠加奶蓋，無特別好飲。
繼續閱讀
話說今日同女朋友出去食嘢咁啱去荷里活買嘢見到間小王麵館排晒隊好似好吸引入去嗌完嘢食 個麵就一早嚟咗 食晒碗麵飲晒杯嘢小食先到我都算… 嚟到啲小食難食到PK食嘢價錢貴都算，鹽酥雞勁少雞，蠔仔餅勁小蠔勁多蔥勁多粉，蓮藕難食過「絕味」蓮藕仲要放咗好耐全部都睇唔落食唔落紫色蓮藕 鹽酥雞少雞 一面三餸一嘢飲 埋單260得碗麵係擺得落口 同嘢飲都飲得落其他三樣小食 送都唔想要冇咩事都唔好食呢間除非真係鍾意牛肉麵，又唔介意難食
繼續閱讀
小王牛肉麵，面彈牙(食得出新鮮整)，湯用牛骨煲，味道啱啱好，牛肉唔柴，配菜夠新鮮，價錢合理. 食個六兩三 or other brand. No one can beat this one with its price. 今次第一次試清燉牛坑腩湯麵, 反而覺得啲牛腩冇咁靚. 個胡椒湯底好出色，夠辣.唔明白點解會有咁多-ve comments. 不過可能各花入各眼, 唔緊要，邀請大家彼此機會佢. 藉此喺度留個記錄. Hope this shop can last
繼續閱讀
好耐冇嚟食，叫個半筋半肉麵。已經專登選咗要軟麵，落咗單，唔駛一分鐘就嚟到，速度好快，一夾個麵，一餅黐埋一舊，好明顯冇咩煮過。我已經揀咗軟麵，點都整一整呀，唔係做咩要俾我揀呢？我叫員工過嚟，我話，我揀「軟」喎，我夾起俾佢哋睇，佢哋起初好似過得冇問題。我繼續重申，你有得俾我揀，咁點解會咁呢，另一個員工冇耐地話，我換過俾你啦。不過，我知道佢哋攞到入去，都係倒，咁實在太浪費，所以，我話唔駛。我只係想話俾佢哋知，呢個價錢，真係唔可以就咁攞俾客人食。
繼續閱讀
最近同friend咁啱去到位於鑽石山既荷里活廣場 行過小王牛肉麵，決定試試佢哋嘅半筋半肉麵，同大家分享返呢次用餐嘅感受先講下價格，我覺得小王牛肉麵嘅價格偏貴，性價比唔高。畢竟，我覺得用呢個價錢可以揾到更好味同滿足嘅麵食選擇。至於味道，我要承認呢碗半筋半肉麵嘅味道真係唔太出眾。湯頭有啲平平，唔夠濃郁，牛肉同筋肉嘅質感亦都冇帶出咁嘅鮮美。如果你追求味道上嘅高滿足感，可能會有啲失望。服務方面，有啲起伏。間中有人過黎幫手倒水，但唔係每次都係咁主動。有時候會稍微慢條斯理啲。如果係服務方面更加細心同一致，會令用餐體驗更佳。環境方面，小王牛肉麵嘅餐廳環境比較簡單舒適，冇太多特別嘅裝飾。如果你追求環境上嘅特色同氛圍，可能會覺得少咗啲吸引力。總括而言，小王牛肉麵嘅半筋半肉麵係一個選擇，但性價比唔高。價格偏貴，味道亦都唔太出眾。服務方面有啲起伏，環境比較簡單。如果你追求平價同滿足嘅麵食選擇，可能會揾到更好嘅選擇。
繼續閱讀