影片
港鐵樂富站 A 出口, 步行約3分鐘
繼續閱讀
電話號碼
27608800
65573772
營業時間
今日營業
08:00 - 23:00
星期一至日
08:00 - 23:00
*點心最後落單：21：45
晚市最後落單：22：30
以上資料只供參考, 請與餐廳確認詳情
食家推介
冇預警底下出咗去樂富食飯平時家姐會淨係嗌咗阿媽出去唔會專登嗌我今次唔知點解無啦啦叫埋 平時嘅我應該唔會join，又咁抆水先叫人，又要趕頭趕命 今次雖然都臨放工先嗌我，不過因為佢哋未有耐到，我施施然去佢哋都未嚟到，我又唔使趕頭趕命食 睇返社交平台 彈出嚟，原來一年前都係我哋四個人去呢間度食飯 慶祝父親節 我淨係記得舊年冇嗌咁多嘢食，今年嘅份量應該得Double咗上年。一個田雞白鱔煲仔飯，一個肉絲炒麵，咕嚕雞球，椒鹽魚腩、雜菜煲仲有幾個點心：蝦餃、燒賣、炸雲吞。本身我就覺得一個煲仔飯或者一個炒麵就夠唔使兩樣都叫晒，但係佢哋好自然就諗食唔晒咪打包囉 （呢個概念同我本人有啲背道而馳，可能就係因為咁我有啲同人格格不入，其他人可能會選擇想叫做叫嗌咗先算，我就以食得晒先嗌為宗旨，所以最終落單嗰個多數都唔會係我，如果唔係真係冇啖好食）雖然呢度嘅嘢抵食又好食，咁多嘢都係$400有找 煲仔飯即叫即整有飯焦 其他菜式都係熱辣辣，即叫即整，雜菜煲都唔係求其嘢，最普通係啲點心囉我覺得食過西營盤嗰間排晒長龍，呢間都差唔多啫
繼續閱讀
知道樂富有間幾出名食小菜同煲仔飯嘅舊式餐廳，襯天氣仲係涼涼地特登去試下佢啲煲仔飯👅 ▫️白鱔田雞煲仔飯(加左🍳)依度啲煲仔飯叫完即整，好似等左20－30分鐘左右就有得食～上左枱後店員會幫手淋啲豉油 （個豉油幾鮮甜又唔會太鹹），再焗多一陣就有飯焦喇！ 飯粒煮得粒粒分明，中意焦香嘅我焗咗好多飯焦出黎食，脆脆地又有咬口咁😎白鱔嘅份量唔算少，食落都有算嫩滑有口感，但嫌骨刺就多咗啲，唔可以大大啖食。煲仔飯仲有一整隻田雞，啲肉質都幾滑同香口。 ▫️臘味滑雞煲仔飯啲臘味肥瘦適中，唔會覺得膩，啲滑雞都好嫩滑，唔會焗到過熟嚡口☺️ ▫️椒鹽九肚魚份量夠晒兩個人食，炸得外脆內軟，入口熱辣辣啲魚都好滑又多汁，幾惹味🥹
繼續閱讀
全場9乘滿，兩間VIP房都冇人，多數細檯坐滿6個人去食，8點幾叫野，最後9點半先出最後嗰個餸。隔離5檯仲慘，唔知叫生菜包定羊腩煲，等一個鐘都係得碟菜，餸冇黎到。味道好食，但唔使等咁耐呀！叫樓面睇睇，話整緊整緊，睇都冇睇過
繼續閱讀
呢間喺樂富都開咗一段時間，之前一直想試，今日先有機會。就咁睇佢賣相唔係特別出眾，但出乎意料嘅好食。冇期待底下幾出色。$37 水晶鮮蝦餃大大粒蝦餃，而且每粒下都好彈牙，皮薄餡靚。$26 蜜味又燒腸腸粉夠薄，餡料好足，我個人幾鍾意食呢啲，晶瑩剔透，比起普通酒樓傳統嘅厚腸粉，呢度係超級好食。$26 黃金流沙包流心，好香鹹蛋奶黃味，熱辣辣。$33 棉花雞豬肚同埋雞肉都份量足夠，甚至乎冇出邊酒樓一般嘅芋頭用嚟墊底，唔會呃秤嘅感覺🤣🤣不過可能人手比較少，我哋叫咗辣椒油，好耐都未有，我哋就自己出去拎，辣椒油真係得油冇渣😆。
繼續閱讀
今日咁啱去到樂富呢一邊食飯，朋友就話想食啲比較簡單嘅嘢，因為呢排都食得太多 我哋就求其搵咗間餐廳，打算都係share，打算食得light少少 晚飯時間餐廳都唔算太多人，可以walk in煲仔飯都做得幾出色，個鍋底都做到有飯焦嘅效果，個人嚟講好鍾意食飯焦！呢個位已經值得加分，再配埋佢嘅白鱔！白鱔做到非常爽口嘅效果，食得出非常新鮮！白鱔亦都冇腥味，肉質亦都非常鮮，配埋餐廳嘅豉油，同煲仔飯簡直係非常夾 臘腸就冇乜特別，中規中矩
繼續閱讀