傷心酸辣粉 (已結業)

又到星期六搵晏食，今次一試傷心酸辣粉，其實好耐之前都幫襯過。門口貼滿明星相證明受歡迎，食晏時間點幾鐘都唔需要等位，舖內主要以兩邊卡位及中間擺放方檯，我一個人就被安排坐一人檯。睇餐牌有好多野食，仲有各式套餐，揀左蒜泥白肉套餐，當然配返招牌傷心酸辣粉，另外要凍齋啡走甜。蒜泥白肉滿舖滿蒜泥，白肉入口香濃蒜味帶點酒香非常入味，白肉半肥瘦比例剛好，一碟有四件約煙肉大小同而且仲有小小咬口好吃，酸辣粉應是薯粉配有花生/炸菜/肉醬/莞茜等，因為點了小辣所以不會太辣，無招牌所講的酸到流口水辣到流眼淚，入口酸辣適中味道亦濃，但略嫌辣粉太軟無咬口。整體來說還可以。