波士廳 (已結業)

我向來喜歡蒲中環，是這間餐廳的常客，一向都滿意這裡的點心小菜。今次就試試他們的大閘蟹l啦! 他們有大閘蟹套餐，每道用蟹粉做的菜都非常吸引，套餐的價錢偏貴, 因為有個蟹粉翅。不過今天目的係試大閘蟹，就散叫試下吧，一隻$250，很合理。我和家人一人一隻，共叫了三隻。這裡跟其他地方一樣，有提供手套、剪刀和小羹。蟹一到,聞到一陣香味, 服務員還問我有沒有需要幫我拆蟹，非常貼心。當然不用啦, 我食蟹無數，對我來說易如反掌。先講賣相，看起來不算好大隻，不過成隻紅卜卜好夠熱，蟹邊仲爆晒D膏出黎，我急不及待就打開隻蟹，果然勁爆多膏，仲有好大舊白糕！非常膠口，正  食完真的意猶未盡, 叫多個蟹粉配法包，真係太好味了！蟹膏好濃好香，法包又熱又脆，簡直絕配！最後還有味道啱啱好的薑茶作結，非常完滿。不過有點痢又未太飽，再叫了魚湯菜和波士炒飯，一如以往的水準，仲食埋個楊支甘露，真係好鬼好飽啊。我決定要帶朋友來再食過，下次要試大閘蟹套餐！