葡富軒

營業中

休息中

去之前有做定功課，呢間葡富軒都幾多人推，而且我都會stay喺氹仔，一於一到步就去氹仔食呢間葡國菜，between，當日都幾多人。嗌咗個沙律，然後想飲個湯，因為嗰日凍凍地，呢個葡式傳統薯蓉青菜都幾好，口感有啲薯蓉，清甜，夠熱。葡式炒牛柳粒個汁係重點，好惹味，蘸多士食好夾。牛柳粒都幾軟腍入味，仲有幾粒橄欖。炙烤馬介休 個魚皮好香脆，魚肉仍然有肉汁，底下鋪有蔬菜。最後食埋一個好香濃嘅朱古力蛋糕，真係飽晒！