青洲灶記咖啡 (已結業)

今次同男朋友去到澳門，梗係要食返個豬扒包先返去！呢間朋友介紹話好味，咁又試下新野啦。豬扒咖喱辣魚包 $35見到佢塊豬扒長到突哂出黎就流哂口水，食落去塊豬扒一D都唔un,又唔算太乾。辣魚有唔少洋蔥加左落去，辣辣地幾好味。灶記奇趣雞扒包$30一上檯就覺得好大塊雞扒。雖然無任何醬，但雞扒D汁都已經可以令到個包食落口唔算乾。係澳門食左幾間豬扒包，最好食真係呢間。唯一唔好就係等左好耐先有野食！