而依間超五星酒店位置近官也街個邊
酒店大堂
酒店無邊際泳池
近近地晚餐就去左肥仔文美食
佢地營業時間係晏晝5點到零晨3點
所以唔好早過5點去 但去到七 八點就有定心理準備要等起碼半個鐘 因為檯唔多 同埋廚房係即叫即做 即使差唔多到 幫你落定單先 作用不大
環境都算舒服 只係坐得密質質
5
3
水蟹粥 好似話係招牌必食
上到檯 好大碗 2個人食起碼每人分到3碗
隻蟹蓋有手掌咁大隻 2隻蟹鉗都好厚肉
顏色奶白色 肉都好鮮味
另外粥底就略嫌差少少 有啲稀 唔係咁超期望
椒鹽鮮魷
依道小菜不得了 香港有陳根記 澳門有肥仔文
粉漿唔厚 咬落去仲出緊煙 魷魚肉質彈牙
加上有少少辣粉係上面 好惹味
唔覺唔覺就清哂成碟
炸雙丸
其實佢係炸墨魚丸 好大粒咬落去好彈牙
肉質唔鬆 好實淨 另外外層薄薄脆脆
增添幾分咬口
黑椒豬扒炒烏冬
比較失色就係烏冬 好似相咁好多油
黑椒味重 另外豬扒肉質鞋口
對於鐘意食烏冬嘅我哋比較失望
💛 唔想等咁耐的話 5點一開門就排隊啦
