影片
港鐵葵芳站 A 出口, 步行約4分鐘
繼續閱讀
營業時間
星期一至六
08:00 - 14:00
星期日
全日休息
公眾假期
全日休息
以上資料只供參考, 請與餐廳確認詳情
叫咁多間野食呢間真係垃圾中嘅垃圾食到一肚氣要寫出嚟叫人唔好再幫襯佢UNO EAT和牛漢堡扒溫泉蛋便當套餐$98個外賣盒就靚呀但入面就垃圾嚟有飯有烏冬㨂我就叫咗烏冬雖然個名好似好好食咁但佢就真係得兩塊牛同隻連殼蛋成個烏冬就凍晒又冇乜水又硬得少少豉油同黑芝麻幾粒隻溫泉蛋起碼都整暖少少佢呀一開出嚟生勾勾加落去個麵度等佢冇咁乾仲要放入微波爐叮返熱佢兩塊牛就係成個餐最搵笨硬過石頭仲要好乾一滴油都冇一睇就知係雪藏野就咁叮返熱佢食落口都有少少牛味嘅但啲牛肉係完全冇水份哎樣收人$98過唔過份啲？都唔知自己食緊乜仲叫咩UNO EATU NO EAT就真
繼續閱讀
係葵芳站巴士總站對面，落左巴士肚仔餓就行去食野😋佢地主打串燒同便當🍱----------日式香蔥火山牛舌便當 $88牛舌有6塊，燒得岩岩好，唔會un👍篤爆太陽蛋撈埋沾有牛舌汁既珍珠飯，一流😍洋蔥煮得夠熟，索左牛舌汁，入味得黎又好甜🤓鰻魚柳川鍋珍珠飯 $78唔好睇佢個盒細細個，鰻魚都唔少😀滑蛋真心滑，有埋洋蔥既甜味，perfect😉青蘋果菓茶 & 無花果菓茶 & 芒果菓茶跟餐+$9 (原價$18)起初嗌左2杯菓茶，但係都偏甜，同左老闆反映完，佢改良左個版本，仲送多杯比我地飲，真係好nice🤗青蘋果同芒果都幾突出，無花果就略為遜色啲😅至於個茶底係老闆既心機同強項，整體黎講絕對符合性價比😁
繼續閱讀
除左葵廣同地鐵站有小食店之外，葵芳閣地下都有間，今次就見到新開既UNO Eat 1986，專賣抵食飯餐同埋串燒! 居酒屋既串燒都好貴，但呢度40蚊就有3串，$100有8串，價錢OK，款式都夠多。試左招牌豬腩肉，大蔥牛柳粒，沙嗲雞串，沙嗲牛肉串，蒜香魷魚翼，牛丸墨丸串(5粒)。全部肉類都肉汁豐富，唔會難咬開，夠腍，肉亦夠滑。豬腩肉肥瘦適中，入口即化，魷魚翼夠爽入味，牛丸墨丸彈牙!見老闆老闆娘燒得好有心機，先落調味，再落醬汁，再反另一面重覆一次，保證兩邊都夠入味均勻。天氣炎熱，再追加左杯水蜜桃果茶，冰涼解渴好爽，好有桃香同埋茶都夠濃，撞埋一齊好夾! 我覺得呢度既食材質量非常唔錯，夏天唔想熱辣辣去BBQ，可以去呢間串燒店執多幾串串燒，係屋企慢慢嘆。串燒即叫即燒，等15分鐘左右就有，睇住佢燒又得，行個圈再返黎亦得。另外佢有好多飯餐~眼見大部分都係$48~58左右，亦都有串燒飯既選擇~ 係間有親切感既外賣小店。
繼續閱讀