影片
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
優惠
放工去咗位於西營盤嘅《The Bottle & Steak》，一間人氣超高澳洲扒房，主打「100分鐘 Free Flow Steak」套餐，星期日至四晚市只需$258，CP值幾高💫SET DINNER WITH FREE FLOW STEAK $258頭盤 (每位贈送一容)🍴忌廉蘑菇湯｜蒜蓉牛油包忌廉蘑菇湯香濃滑身，蒜蓉牛油包微脆帶香，和忌廉湯係絕配任食牛扒🍴美國安格斯牛板腱扒店員建議五成熟，熟度剛好，表面有清晰燒烤紋路，肉質香濃帶嚼勁，烤得夠juicy，香氣十足任食配菜🍴澳洲雞鹽薯條｜黑醋橄欖油沙律菜｜焗香草車厘茄澳洲雞鹽薯條 - 厚切炸得夠香脆，吃不停口黑醋橄欖油沙律菜 - 爽脆清新，食完好開胃焗香草車厘茄 - 灑滿香草，淡淡香草香氣，清新解膩任食小食🍴墨西哥脆辣雞翼鎚｜卡真炸雲吞｜脆脆魚手指｜帶頭吉列虎蝦｜吉列酥炸生蠔小食種類豐富，全部都外層金黃酥脆，每件都香口惹味當中最喜歡：❣️帶頭吉列虎蝦 - 蝦身大大隻，炸漿薄脆，咬落去肉質彈牙又鮮甜，每啖都好滿足❣️墨西哥脆辣雞翼鎚 - 外皮香辣，雞肉嫩滑多汁，咬落啖啖微辣香料味，非常惹味甜品🍨是日雪糕配焦糖醬吃過主菜後，每人還有一客雪糕，大滿足！🍻🍻飲品🍹🍹另外餐廳亦提供100分鐘任飲汽水或酒精類飲品，每位只需加$68 - $198就可盡情享受
繼續閱讀
朋友好鍾意食牛, 成日都會拉我周圍去食牛, 今次就搵到一間超抵嘅牛扒任食, 牛扒任食真係第一次, 仲要只要$298(星期五,六)就可以任食安格斯牛板鍵扒，除左任食牛扒，連小食及配菜都係任食，超抵食💯, 唔怪得之咁多人! 餐廳裝修是美式簡約風格, 夠feel 夠輕鬆, 而且店員都好主動熱情,超nice!💫100分鐘任食美國安格斯牛板腱扒💫🌟湯品: 是日濃湯‧忌廉蘑菇湯、蒜蓉包濃濃忌廉蘑菇, 好creamy, 配埋蒜蓉包, 絕配!🌟任食牛扒: 美國安格斯牛板腱扒店員建議5成熟, 廚師前得剛剛好, 牛扒有淡淡炭燒香味, 外層煎得剛好,充份鎖住肉汁, 邊位帶焦脆, 5成熟保留口感之餘, 而且肉汁豐盈,肉味濃郁, 配上燒烤汁已經好正! 仲要任食, 我同朋友都忍唔住encore 多一次, 再添依然保持水準!☀️任食配菜: 雞鹽薯條|黑醋橄欖油沙律菜|焗香草車厘茄牛扒當然要配薯條, 厚切薯條即炸即起, 熱辣辣勁好味, 外脆內綿密, 灑上雞更惹味。大大盤車厘茄大加分, 酸酸甜甜又juicy, 清新解膩🌟任食小食:墨西哥脆辣雞鎚|卡真炸雲吞|脆脆魚手指|帶頭吉列蝦|吉列酥炸生蠔估唔到連小食都係任食,而且每款都好好味,食完忍唔住再encore!真係超級抵!原隻虎蝦大大隻, 蝦肉爽彈, 香脆非常!卡真雲吞, 炸得脆卜卜, 而內餡餡料充足, 我至愛!生蠔炸得剛剛好, 內裏保持軟嫩多汁, 朋友指定encore🍨是日雪糕 配焦糖醬食完仲有雪糕食, 超滿足!🍻飲品: Duvel Tripel/ LoveCraft King餐廳另外亦可加($68-$198)享受100分鐘任飲汽水或啤酒或葡萄酒, 我地肚量有限, 所以另外點了啤酒, 由店員介紹, 都非常不錯!
繼續閱讀
近排去咗西營盤搞掂啲嘢，食完就懶得行返長途，結果揀咗間名氣唔細嘅扒房：，係香港少數主打「100分鐘任食美國安格斯牛扒」嘅地方，價格極具吸引力，星期日至四晚市只係 $258 冇加一費，又食得飽又食得開心。一入舖，感覺到佢工業風裝修好有型，兩層樓高，燈光柔和，唔太迫又有格調，chill 到一個點。仲有一大櫃冰凍啤酒，自己拎就到，唔飲酒嘅話都可以揀冷泡茶、果汁，而且店員都幾貼心可以幫手推薦，feel 到有心經營。牛扒佢用嘅係美國安格斯牛板腱，建議熟度五成熟就最正義。燒完嘅外表有真格紋，肉香濃郁、juicy又有嚼勁，食落唔會過乾，幾塊都有水準。配菜亦唔馬虎：厚薯條炸到脆卜卜，沙律清新又開胃，多汁香草車厘茄都係解膩秘寶。小食更係亮眼一環：有脆辣雞鎚、卡真炸雲吞、虎蝦、炸生蠔、魚手指⋯⋯通通唔係得過且過，每一件都外脆內香，尤其虎蝦塊好實淨，入口脆又彈牙，連炸蠔都保住住濕潤，#encore狂添。最後每人仲有雪糕配焦糖醬。係呀，任食牛扒都仲有甜品，一餐食落身心爆晒滿足。飲品方面可以加 $68–198 任飲汽水、啤酒或葡萄酒，酒品線夠多選擇自由度高。總括講， 真係一間食得過嗰種港島扒房：價錢親民唔貴、食材有誠意、環境型而 chill、服務唔趕人，絕對係約朋友、慶祝或者割一個痛快晚餐嘅不二之選。
繼續閱讀
有點失望雖然298任食牛都無諗住係有幾高質但實在太差首先第一塊黎嘅牛已經唔係好好，非常難咬，嗌5成黎到好似7成咁。第二塊開始係嗌3成但黎到係全熟其實一放落黎已經見到煮到成塊豬扒咁好恐怖，叫咗個店員過黎佢都話"嘩？熟到咁嘅"以為會有改善點知再煮過都係一樣全熟好失望。已經唔期望你地嘅牛係有幾好但煮到咁真係食唔到。。。個雪糕又係，入面有好多黑色一點點同埋一條條唔知咩黎。第一下以為可能係朱古力碎點知食落去係硬嘅，好似啲木條仔咁。店員話個雪糕唔係佢地整嘅就算。。。好差。。。啲野飲又係勁少款揀！
繼續閱讀
餐廳由灣仔開到西營盤，以任食美國安格斯牛扒聞名，而且還免收加一服務費，好抵食！✧ 任食美國安格斯牛板腱牛扒/ 配菜/ 小食ꜱᴜɴ ᴛᴏ ᴛʜᴜ ꜱᴇᴛ ᴅɪɴɴᴇʀ ᴡɪᴛʜ ꜰʀᴇᴇ ꜰʟᴏᴡ ꜱᴛᴇᴀᴋ $𝟤𝟧𝟪美國安格斯牛板腱牛扒 𝟧成熟厚薄適中，牛扒表面烤至焦化見格紋內裡粉嫩帶汁，有嚼勁入口咀嚼更顯牛肉香味濃郁♡忍不住ᴇɴᴄᴏʀᴇ多𝟤塊~雖然大小不一，但仍是香嫩多汁呀！伴碟配菜有澳洲雞鹽薯條、黑醋橄欖油沙律菜、焗香草車厘茄，亦可無限任食。任食小食有墨西哥脆辣雞翼鎚、卡真炸雲吞、脆脆魚手指、帶頭吉列虎蝦、吉列酥炸生蠔。炸物非常香脆可口，啖啖都ᴄʜᴏᴘ ᴄʜᴏᴘ聲~ 除了雞鎚，ʏᴏ都可食不停口！另外，餐廳還送每位食客是日濃湯、蒜蓉牛油包，及是日雪糕 配焦糖醬。✧ +𝟣𝟢𝟢 ᴍɪɴꜱ ꜰʀᴇᴇ ꜰʟᴏᴡ ᴅʀɪɴᴋꜱ ꜰᴏʀ $𝟨𝟪-$𝟣𝟫𝟪套餐還可再配「任飲」，每位加$𝟨𝟪至$𝟣𝟫𝟪，視乎是否飲酒精飲品。
繼續閱讀