李康記海鮮酒家

營業中

休息中

一個疫情,三年後先再到澳門,一行5人晚上去李康記食晚飯今晚有5個人,可以叫多啲菜,第一個叫咗半隻雞煲翅,佢用咗勾翅,湯味濃郁,我地5個都夠分,仲有約多3碗,即可以8個人享用。見佢有金錢蟹盒,就每人一件,裏面是豬肉加上蝦膠,熱辣辣,好味道。再叫多個釀蟹鉗,不過,呢碟蟹鉗是北海道蟹,較細隻,無乜肉。叫咗碟奶油芥菜,獻汁較杰身,呢碟麻麻。叫菜果時聽到經理介紹第二枱客人有半隻乳豬,果枱客人唔要,我即刻要埋,肉香皮脆,真係無介紹錯,而且呢個size 嘅乳豬,香港好耐無食過,正。

專登山長水又遠經個哂氣麻煩唔方便既珠港澳大橋過澳門，幾個人一條心去食翅。次次食翅我都揀呢度，因為呢度d翅比較真材實料，同埋d侍應比較專業有禮貌～傳統酒家既裝修，紅底白字手寫既掛牆餐牌，晃如入左時光隧道。循例既前菜係炸花生，夠香夠脆！紅燒翅 - 一煲有好多碗，三百蚊左右唔算貴。賽螃蟹 - 唔加醋好香蛋白味，加埋醋有蟹味，magic!菜遠雞肉炒麵 - 同香港食開既味道唔同，豉油味偏重，獻汁較少，成個麵都係脆卜卜。

當晚，由男朋友請食飯！他帶我走到澳門 <李康記海鮮飯店>！原先，在出發前，他應承我所以在澳門用餐由他請，他卻出爾反爾，沒有信用！只有請我食這餐飯，連每程巴士車費都跟我計到足！幸好，我們後來分開了！這裡以酒家的格局，擺放圓枱為主，空間感算是闊落！我們一問1店員才得知，店子已經屹立63年！招牌菜包括：和蟲蒸蛋、魚翅...等香片茶散發清香，又可以先清一清味蕾！酸喬頭入口清爽清酸，幸好！沒有那種獨特引起口臭的味道！瑤柱豆苗鋪滿瑤柱，用料十足！鮮味滿載！ 以百多元來說，絕對交足貨，香港價只有一小撮瑤柱！蛋白瑤柱炒飯既乾身、香口又足料，集色香味俱全於一身！炒蟶子火候恰到好處！蟶子既既鮮甜，亦帶有嚼勁，同時充滿風味及鮮味！正式鹽焗雞 (半隻) $103等上大約 20分鐘，黃油雞迫出油份，表面帶金黃油潤，溫熱的雞肉肉質柔軟嫩滑！簡單以鹽醃製，足以帶出及提升鮮味！跟香港的冰鮮雞與別不同！蘸上真的好蓉的薑蓉，零舍有一番風味！店方提供濕毛巾給食客清潔雙手！衛生方面加分！

經友人介紹，今年冬至來這裏晚飯。 我們一行二十人, 分為兩枱。 雞煲鮑翅 (半只) : 想在冬至享用豐富一點的晚飯, 便在每煲加魚翅二両, 那人人都有翅食。 雞湯清甜。 燒肉 : 看似不錯, 肥瘦肉相間, 但外皮不夠鬆脆。 白灼紅鬚蝦 : 蝦算大及新鮮「彈牙」。 燒乳鴿 : 一碟三隻, 乳鴿肉厚。 支竹羊腩煲 : 味道不錯。 金銀蛋西洋菜 : 西洋菜清甜無渣, 非常美味。 菜遠 : 新鮮蔬菜。 咕嚕肉 : 炸粉不厚, 甜酸適中, 份量也足。 生炒臘味糯米飯 : 臘味不夠香, 引致糯米飯香味不夠。 但糯米飯本身炒得不錯。

因工作關係, 偶爾需要到澳門兩三天, 若有時間, 會找些好吃又或是未吃過的餐廳品嚐. 是夜到訪了"李康記", 喜歡這裡水準穩定, 最適合與工作伙伴來一頓談天說地的晚飯.餐廳有圓檯和卡座, 兩個人很自然便選了卡座; 很傳統的飯店式裝修, 樓底甚高, 擺放了大型吊燈也不會有壓迫感.看看掛牆餐牌, 選了幾道小菜, 之後便開始一邊等吃, 一邊談談工作上的話題, 偶爾也會說說別人是非, 時間就這樣打發掉...先上是豉椒咸菜大腸, 未上檯已能感覺到熱騰騰的鑊氣, 大腸口感十分爽脆, 而且吸收了濃濃豉椒茨汁, 喜歡的味道; 咸菜味道適中, 伴飯吃一流, 值得推介!緊接著是上湯豬肝浸枸杞菜, 小時候常會在家裡吃到, 已經很久沒有嚐過, 在這裡發現, 當然要重溫; 枸杞夠清爽, 豬肝選料上乘, 加上準確的烹調時間, 口感柔軟嫩滑, 水準不錯.點了蒸烏魚, 算是澳門名物, 烏魚祇能在咸淡水區域居住, 澳門沿海一帶, 正正是牠們的安樂窩. 外型個子小小, 但肉質十分嫩滑, 味道亦比很多大魚來得鮮甜, 兩個人你一口, 我一口, 碟上很快便祇剩下了骨頭, 推介之選!最後上檯是梅菜蒸豆腐, 豆腐口感滑溜, 可惜是

老公生日，同佢去澳門行下輕鬆下啦!咁夜晚果餐我就BOOK左呢間我自己食過好多次既飯店，因為BOOK枱關係，加上平日，所以可以坐到卡位唔駛等。如果係週末就最好訂枱啦。果晚伙記話燒肉啱啱出，好正，咁我地就叫碟例牌試下，果然皮脆肉嫩，口感一流。跟住叫左碟蝦子扒柚皮，呢個老爺餸係香港已經好少見，味道都好OK喎。再黎半隻鹽焗雞，好有雞味，唔錯。最後黎個蒜蓉炒豆苗，炒得夠獲氣，正。埋單一的都唔貴，價錢係香港既七/八成左右咋，抵食夾大件。

老公對李康記的勾翅情有獨鍾, 堅持請好朋友試試,故我們又一次重臨。雞煲勾翅 - 好似無早幾次的味道濃, 但仍然鮮甜, 啲翅又好似無上次咁粗喎!咕嚕肉 - 幾好食, 啲粉唔係太厚, 啲肉又唔鞋, 酸酸甜甜!椒鹽炸九肚魚 - 九肚魚好肥美, 好滑, 但外層啲粉略嫌厚咗啲啲!蝦醬通菜 - 無乜特別, 跟一般飯店一樣!蘿蔔風鱔煲 - 睇住師傅拎住條生猛肥鱔入廚房, 好新鮮, 成個煲都好入味, 條鱔又肥美, 呢個好好味, 直得推介呀!食飯途中, 有個師傅喺場內劏一條好大的魚, 由於條魚太大條, 師傅要用木棍幫助, 先可以劏開條魚, 朋友笑言: 好似八仙飯店~ 血淋淋呀!

飲宴時食既翅，多數覺得無乜驚喜。原因一，質素通常一般般；原因二，一頓酒席咁多個菜，每道菜味道鬧搶，那道「翅」又怎能突圍而出呢！上個月到澳門一遊，在這家飯店午膳。裝潢一般般，環境尚算潔淨，我覺得有少少從電視見到別人嘆一盅兩件果種feel。個人而言，相對起香港那些over decorated既酒樓，這種沉實樸素反而使人感到舒服。那裡的侍應算是親切，至少當我們三心兩意點菜時，不會表現不耐煩，又會好好笑容地說：歡迎、你好、多謝…。這個午餐，我們order了三道菜：頭兩道唔係好記得，總知都係清清地果種，第三道當然係每盅MOP160的翅啦。經驗所得，食翅會有些「漏」既感覺，所以其餘兩道菜選擇了較清的款式囉。每盅MOP160值唔值？我覺得OK喎，份量夠，湯鮮甜，翅入口有質感，我諗算係咁啦。

豬腩仔肉一層肥一層瘦...好新鮮...個皮仲好脆...蟹肉扒豆腐想食個清清地既菜...豆腐真係好滑~可以溜左入口度...蟹肉亦十分之多...冇欺場架...因為食到Ｄ骨...仲有D旦白...連D汁都可以餸飯!滑得黎有一絲絲既口感...通才簡單的小炒...但係最遲先出菜...都食曬其他野喇...問左幾次佢都話出緊...差D想CANCEL 佢...雞煲鮑翅主角黎喇~成個大煲唷...有足料的半隻雞...仲有一梳梳的翅...嘻...跌左出黎D針都幾粗架~彈牙有咬感!個湯都好清甜...有金華火腿!total 差唔多有成12碗呀...我仲魚翅湯飯at last...想keep住個味道係口~ 呵呵~店是舊式的裝潢...老伙計都很熱心的招呼...覺得好親切喇...店裡四處的menu 都是用中國古代數字寫價錢的...好有趣&古感...不過...我係唔識睇架...!真係食野唔知價...佢連張receipt 都係咁..

一月上旬澳門之旅晚餐話說掃了半天街，對方說這裡一定要吃，因為有焗禾蟲同和花雀，還有抵吃的雞湯翅，橫豎要到手信街入下貨，就順道駐足一試吧。老式裝潢酒家環境蠻企理，招呼好又衛生總不乏遊客幫襯，二坐到卡位幾舒適的，放下大袋行理點了以上三味餸，過了冬至和花雀沒有了，對方大歎可惜，幸好還有焗禾蟲。和花雀不吃不是可惜，反正兒時細舅舅找來新鮮和花雀的印象已忘得一乾二淨，現在就算拿出炸黃丁當和花雀，也不會吃出分別。說焗禾蟲，是吃時間的，入冬後找到的禾蟲不會肥美，當造時蛋白質豐富的蟲蟲加上濃濃蛋香，是珠三角可吃到的人間美食，已過冬至禾蟲比自己仲要「削」，就算蛋焗得再香也難會好味，但本地連老二哥都不做時，這裡的禾蟲變得難能可貴，路過叫砵來影下相，Share看看也是好事。又說雞湯翅，小碗盛著的梳翅，雞湯底清鮮美味，梳翅很彈牙，分量方面絕不欺場，對方努力吃翅，自己努力喝湯，兩者各有捧場客。靚姐全程招呼周到，是幾有趣的一頓飯。

由細到大, 成日都會去澳門, 每次去, 好多時都會去呢間店舖食野。佢d翅好正, 當然價錢亦都有番咁上下。 不過用料都算足!不過係時候裝修下, 同埋服務有待改善啦!

My aunty brought us here for lunch ytd saying that the seafood is very fresh. We ordered loads of things, we ordered "jiu yeem" tao fu, "seen", fish pot, some sew mei and lots more. The sew mei mixture platter has chicken liver, cha sew, chicken kidney and sew yuk. all of them is very good, and theres not much fat too. The fried tao fu is very good, the saltiness is just right and the surface has some garlic too, the surface is very crispy and the taofu inside is very good. The pot fish is very

試左個遼參,魚翅,好食過香港,但係叫左碟炒菜反而要三催四請先炒到出黎,係D服務要改善一下.

The quality of the food, the price & their service are very good. I love the deep fried TaoFu.

The food is really good ga!!! It is because it can keep the traditional Chinese taste of the food!!!