金豪酒家

營業中

休息中

今日經過嘅時候比入邊嘅人煙鼎盛吸引住。咁多人食嘅餐廳，我覺得應該都唔會差到去邊度😉餐廳酒樓嘅裝飾真係好經典嘅港式酒樓，有啲水箱養住啲新鮮嘅海鮮，所以我就咁樣俾啲海鮮迷住咗，然後就真係叫咗個避風塘炒蟹😂😂成碟蟹嘅份量好足，但係兩隻蟹鉗就已經迷死人蟹肉嘅味道都會有啲辣㗎，所以我都忍唔住叫咗罐可樂飲。但係就辣得來越食越惹味。😋😋而且蟹肉一疏疏，好新鮮、鮮甜。我哋另外仲叫咗個豬手食，豬手係凍食，有豐富嘅骨膠原，而且一碟有成八大嚿，我覺得都好抵叫。豬手嘅調味係以沙薑為主，但係雖然係有砂礓味，不過佢又唔會搶咗豬手嘅嗰種味食起上嚟都幾夾其實餐廳佢個Menu勁厚，無論肉定係海鮮都包含喺裏面。另外仲會有抵食set 比客人揀。