德國餐廳 (博文街) (已結業)

要數香港好吃的豬手餐廳不算多，但最令我印象深刻的一定是Das Bier德國餐廳。來到發現新出了的鹹蛋黃豬手，有鹹蛋黃醬在豬手上面，雖然怕會好膩，但我係鹹蛋黃迷，自然心思思想試！果然這裡的豬手一如既往都是脆皮，而且肥瘦剛好，醃製味道都非常適中好味，所以豬手必定是必點Item，雖然加左鹹蛋黃醬，但都未至於好膩，可以選擇蘸醬或唔蘸，而且伴碟有我至愛的薯仔，一碟德國炸豬手簡直無得彈。因為最近胃量細，同M先生兩個人Share唔洗叫咁多，叫多碟細德國腸就岩岩好，不過原來最近新多左其他味道，例如有泰國冬蔭公、青咖哩同印度黃咖哩，因為要少吃辣，所以最後我地都係揀返原味。德國腸都分為三種腸，粗身粉肉既就係有芝士既；細短橙肉既紅腸煙熏味較重；最後就係白腸就頗為濃郁豬肉味，三種腸都有各滋味，腸永遠都唔會嫌多！因為唔飲得酒既關係，最後只可以飲芒果汁，而M先生杯可樂都冰到震，正啊！