What The Food Cafe (已結業)

終於一嚐係網上好紅嘅what the food cafe啦！其實粉嶺對於觀塘人黎講都算山長水又遠，不過係朋友約到 d野食又好似好吸引咁就緊係冇得say no啦～ lunch時候好多人，不過等一陣就有位入啦遠道而黎就係為左呢個 必食！饅魚蛋蓋飯非常大塊嘅兩舊鰻魚放係面，中間係激厚滑蛋包住d飯，仲有仲有～鰻魚燒汁淋係面頭，好香呀，凈係望到個樣都流曬口水啦！鰻魚非常高質，燒汁嘅甜味滲曬入去，入口即溶～～再試下個蛋，非常之滑同埋極重蛋味 仲有小小半熟蛋汁流動緊 haha 配埋d飯真係世界級咁好食呀！！！好快就KO左成個飯，可惜的是 我個人太大食啦 覺得太少飯食曬都唔飽 唯有當減下肥啦。。。另一個就係蜜糖芥末燒豬助骨配意粉蜜糖芥末醬嘅味好刺激味蕾，食一啖人都醒晨曬😂，呢個豬肋骨其實都燒得好出色，用叉就可以好輕易咁將佢骨肉分離，方便我呢d懶人唔使吐骨☺️ 肉就燒到又香又腍，本身個味已經好得，加埋蜜糖芥末就更加特別，覺得如果配燒汁都應該會唔錯！飲品有我最愛嘅抹茶latte🌿抺茶味道好濃，亦都好重好重奶味，似抺茶鮮奶多d 飲到底發覺仲有好多抺茶粉未整均同埋呢個好有gimmick識發光嘅梳打果汁，好靚呀！