Amici (已結業)

因為朋友生日，所以就打算同佢來中環食好西。見到呢間餐廳係openrice 有好多好評，所以就擇左呢間餐廳！前菜有牡丹蝦配芒果乳酪沙律:菜式整個擺設靚到就好似一幅圖咁，影完相都唔捨得食。廚師挑選的牡丹蝦非常新鮮甜美，入口仲有彈牙的口感，配上沙律菜和乳酪醬汁的爽脆酸甜，馬上胃口大開。主菜方面有炸雞胸釀鵝肝火腿:廚師好有心思地將鵝肝本身的油份配合雞胸，比平時的食法更有層次。另外雞胸的火喉亦控制得剛剛好，酥脆的外皮底下，雞胸肉仍然非常Juicy。還有，值得一讚的是廚師調配的sauce，酸酸甜甜，剛好可以平衡鵝肝和雞胸的味道！