咖啡灣 (已結業)

食完晚飯想食甜品，諗起咖啡灣有waffles食，上次行過已經想食但太飽，今次終於有機會。淨係waffle都有幾種，睇見樣樣都想試！香蕉咖啡窩夫$82-最後都係揀左香蕉味。窩夫係花花型，切開有4舊心心。一球係咖啡雪糕，另一球係雲呢拿味，雪糕味道ok，搽係窩夫上面一齊食，味道一流。香蕉份量都ok，有少少可可米同綿花糖增加口感，仲有啲肉桂粉，令到個窩夫更香。值得一贊係個窩夫即叫即整，仲有少少熱同脆卜卜，唔會上到嚟淋唒。以後係寶琳食甜品又多個選擇。