178
24
11
港鐵寶琳站 A1 出口 繼續閱讀
電話號碼
34811807
開飯介紹
裝修充滿夢幻、可愛少女風,櫃枱上更放大型有LEGO摩天輪。可愛卡通拉花咖啡,食物賣相精緻。 繼續閱讀
營業時間
*截單時間: 21:30
星期一至日
12:00 - 22:00
付款方式
AlipayHK 支付寶 現金 八達通
座位數目
67
其他資料
Wi-Fi
酒精飲品
自帶酒水
切餅費 詳細介紹
泊車 詳細介紹
外賣服務
加一服務費
當面支付
食評 (228)
等級4 2019-07-26
1356 瀏覽
姐姐被抽中要做陪審員,由於是暑假期間,所以她的小寶貝就由我看管半天到姐夫收工,既然入到將軍澳,咁就搵D靚靚餐廳同我外甥女食個悠閒午餐。上網搵周邊餐廳搵搵下搵到有有張多啦A夢嘅咖啡,外甥女見到之後話好靚,仲提議話去呢一間。準備出發時姐姐就返咗黎,原來當日案件取消咗,所以我地就一行三人一齊出發去新都城。去緊嘅途中,原來姐姐之前已經黎過三次,仲話呢到嘅炸雞好好味,所以未到已經決定其中一樣要炸雞。由於已過午餐繁忙時間,所以去到就唔使等位。埋位時店員見到有小朋友都會問一問我地使唔使小朋友餐具,都幾細心。睇完餐牌後,我地就點咗一個蝦胡麻沙律、烏卒卒澳洲和牛漢堡、雞粒;另外點咗一杯生薑伯爵茶、紫薯紅豆牛奶同埋洛神玫瑰花水果茶。蝦胡麻沙律好快就上到,D蝦好爽口;跟住到個雞粒,雞粒有三個特色醬,包括雞醬、蜜糖芥末醬&士多啤梨醬,雞粒好好咪,而三款醬黎講,我同外甥女最鍾意係士多啤梨醬,因為食落去感覺D士多啤梨好新鮮,而姐姐就鍾意蜜糖芥末醬。到烏卒卒澳洲和牛漢堡,烏卒卒嘅麵包係竹炭麵包,而入面嘅和牛好香,而且仲好Juice添!而我地點嘅飲品,生薑伯爵茶比想像中夠薑;而紫薯紅豆牛奶內嘅紅豆比較甜,但勝在紫薯味夠香;而我點嘅洛神玫瑰花水果茶唔單止吸睛,仲要好香玫瑰咪,每飲一啖都覺得好似走入咗玫瑰園咁,好香玫瑰味,而且洛神花酸酸地夠開胃。埋單$345.4 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-30
1763 瀏覽
去完東歐旅行回來好掛住食西餐,又諗起呢一間cafe嗰隻天鵝仔😊因為喺東區旅行當中有幾個點都係去呢一間天鵝仔睇嘢😁 咁梗係尼呢一間食返啲好嘢啦!今日是日餐湯係磨菇湯 ,蘑菇好濃郁不算太鹹,味道啱啱好,我就叫咗蝦胡麻沙律,有四隻大蝦,好多沙律菜仲有蟹子好彈牙,好鍾意食落口嗰下卜卜聲,胡麻味好開胃呀!😁😁還可加$34優惠價玫瑰山雞翼,有三種味道呢?有黑椒味,士多啤梨味同埋蜜糖味。老公就叫咗魚柳蕃茄飯, 魚柳外脆內暖,仲有滑蛋放響魚塊下面,個番茄汁裏面仲有好大片磨菇添,配埋白飯超開胃呀!當然唔少得嘅主角軟殼蟹黑松露忌廉意粉啦!因為軟殼蟹唔係間間都做得好味㗎!亦都唔係間間都有得食,所以每次嚟呢一間都盡量叫軟殼蟹食,軟殼蟹冇骨落地,一咬落去軟淋淋,放落個口裏面,哈哈!呢份滿足感真係一流!再配埋黑松露意粉,味道濃沃食過返尋味。我哋仲叫咗玫瑰水果花茶同埋鮮奶咖啡,開餐喇是日 蘑菇餐湯玫瑰山雞翼6集 $34呢個好抵有三種味道蝦胡麻沙律 $72軟殼蟹黑松露忌廉意大利麵 $98軟殼蟹好大隻呀 冇骨落地 魚柳蕃茄飯 $68 鮮奶咖啡 玫瑰水果茶 $48 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-04
72 瀏覽
平時好少去將軍澳估唔到將軍澳會有一間比較特別啲嘅食店意粉夠多汁甜品賣相不錯👍🏻店舖整體食物都幾好同姊妹嚟就最啱啦#咖啡灣 (將軍澳)將軍澳貿業路8號新都城中心2期1樓1072-1073號舖 繼續閱讀
(以上食評乃用戶個人意見 , 並不代表OpenRice之觀點。)
等級1 2019-09-27
81 瀏覽
第一次去咖啡灣,因為女兒剛升上小一,見到窩夫很吸引過來試試!平日放學3:50到咖啡灣,入內才發現沒有下午茶餐,反正女兒只是想試窩夫,我們叫了半份。4:04分送到!但窩夫唔熱,仲好硬身,食落好「拿」喉,梳打粉太多吧?!我同女先一人食左一小塊窩夫,女兒食了兩啖雪糕。最後,我女兒的食評:媽咪我覺得聞落好香,但食落唔好味,雪糕好難食! 於是埋單走人!一間食店連小朋友都話差,咁真係....最後,原來4點有下午茶供應但職員從無提及過!呢間餐廳我唔會再黎! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-21
181 瀏覽
收到消息,將軍澳《咖啡灣》在十月十五日光榮結業話說之前食過兩次,質素都不錯,於是藉著星期六去吃最後一次。最近想食清清地,就點了一客軟殻蟹黑醋沙律隻蟹似是有點燶,但不要緊,總叫金黃色和香氣撲鼻,且份量大又多肉,加分整碟沙律滿滿都是菜葉,新鮮脆卜卜,加以幾粒小蕃茄伴碟,什為吸睛黑醋本身酸酸的,令人食慾大增。龍蝦汁蟹肉海膽燴飯很驚喜,竟然在香港吃到如此鮮甜的海膽,入口即溶每啖飯都配濃濃的龍蝦汁入口,再添些少黑松露,那股味道在口腔內縈繞至於蟹蓋下的蟹肉,同樣鮮甜,惜份量較少。將軍澳友,把握機會在十月十五日前去食《咖啡灣》否則以後走到老遠的荃灣、大埔,才能相遇 Cafe Swan。 繼續閱讀
(以上食評乃用戶個人意見 , 並不代表OpenRice之觀點。)