Vie Won Won (已結業)

呢輪見到唔少呢間餐廳嘅正面評價，以我平時嘅速度，本身就唔會咁快嚟。不過收到街坊訊息話十分推薦，我就即刻訂咗枱，整體滿意餐廳樓高兩層，空間好足夠，裝潢同店名一樣咁攪鬼，擺設古靈精怪。2樓用餐區分兩邊，風格唔同，不過訂咗都冇得揀的。(服務有待加強)。餐牌選擇多，全日早餐、沙律、小食，主食有豬、牛、羊架、鱈魚、燉飯同甜品。飲品方面，除咗咖啡，仲有沙冰、奶昔添，消費屬於中上。原來假日冇lunch set，係有啲sad嘅，因為性價比高啲 (套餐包湯或沙律、主菜、茶啡，另加蛋糕都只係$25、轉其他飲品都可以減廿蚊)麻辣凍的蜆 $118慢煮豬肋骨 $198/半份麻辣蜆好味夠麻又夠辣，蜆肉凍上，所以唔會漲卜卜啦。仲有少少八爪魚，口感爽彈，如果出麻辣凍的八爪魚更正！豬肋骨係街坊大讚的，果然幾好食單點冇薯條；肋骨算好肉地，有少少脂肪，質地軟腍，邊位燶燶哋，個汁帶甜。迷幻磨菇 $98鐵觀音芝士蛋糕 $68迷幻蘑菇係雪葩咁，上枱時有煙霧效果，打卡要ready。味道酸酸甜甜，蘑菇頂食落會有少少煙燻味，幾過癮平日有跟餐價嘅話，不妨食埋芝士蛋糕，擺盤靚有，果乾點綴；計單點價錢就唔係必食，蛋糕質地偏實，芝味大於茶香。