梳芙 (已結業)

Vcity最近新開左一間飲品店，前身係東海堂，經重新裝潢後，煥然一新，令人眼前一亮，以後到Vcity行街，或附近睇戲，都可以有多一個選擇啦

店名叫sofu,顧名思義，當然係想客人一邊放鬆一邊享受飲品啦，今日一於諗一諗有幾sofu先

一向好朱古力黑森林蛋糕嘅我，一見到佢個新產品當然吾放過啦，仲有我最愛嘅珍珠添。

我叫左熱飲，份量冇減到，因為佢地採用嘅杯係厚身可放熱飲嘅材料，所以好開心，冇冰我反而飲多左，哈哈，第一啖，係朱古力味嘅奶茶，想再濃郁d朱古力味，可將掛杯嘅朱古力都撈埋落去，更加好味。
朋友叫左杯靜岡奶蓋抹茶，濃厚嘅抹茶味令朋友讚不絕口。我下次一定要試一試了。

依杯紫芋賣相好吸引，我決定下次尼一定要試埋佢