影片
更多
2016-07-13
4570 瀏覽
去之前無特別睇咩食評，純粹係屋企人生日訂咗位所以試試。店鋪名感覺普通，似舊式中菜店，但一去到個感覺裝修好中國傳統 feel 之餘亦好新好企理， 而且店員態度唔錯，比我一個幾好嘅印象。食左好多道菜， 包括：東坡肉，烤夫，凍雞，炸豆腐，家常豆腐，糖醋排骨，魚蛋配時菜，時菜配筍， 豬腰，蟹粉面，高力豆沙等等(重有但唔記得)味道的確值個米芝蓮之名，食過好多間香港大大小小嘅上海菜， 雖然唔系專業食家， 但食得出呢道同出面嘅分別，首先，東坡肉肥而不漏，因為本人唔鐘意食肥膩嘢，所以其實唔系好想試，但屋企人食得津津有味， 一試就覺得佢個醬濃但唔太鹹，有肥位但配合包同瘦肉就啱啱好，而個烤夫食落去唔會好似出面嘅咁硬身，個質感好好多，而凍雞就覺麻麻， 感覺無咩雞嘅鮮味(可能本人食好多靚嘅清遠雞同嘉美雞，有比較)，到炸豆腐，配醬汁食落好香送白飯一流，家常豆腐，好有鑊氣，但唔算好特別，糖醋排骨， 不得了， 鍾意食呢味嘢嘅一定覺得好正，因為佢個皮炸得啱啱好，配埋入面嘅肉汁加出面甜甜地嘅醬， 諗起都想食多次，魚蛋配時菜，呢個個魚蛋滑到好似食豆腐咁， 時關我地有小朋友唔食魚，但同佢講係豆腐， 佢真系食左， 證明真系滑
店鋪名感覺普通，似舊式中菜店，但一去到個感覺裝修好中國傳統 feel 之餘亦好新好企理， 而且店員態度唔錯，比我一個幾好嘅印象。
食左好多道菜，
包括：東坡肉，烤夫，凍雞，炸豆腐，家常豆腐，糖醋排骨，魚蛋配時菜，時菜配筍， 豬腰，蟹粉面，高力豆沙等等(重有但唔記得)
味道的確值個米芝蓮之名，食過好多間香港大大小小嘅上海菜， 雖然唔系專業食家， 但食得出呢道同出面嘅分別，
首先，東坡肉肥而不漏，因為本人唔鐘意食肥膩嘢，所以其實唔系好想試，但屋企人食得津津有味， 一試就覺得佢個醬濃但唔太鹹，有肥位但配合包同瘦肉就啱啱好，
而個烤夫食落去唔會好似出面嘅咁硬身，個質感好好多，
而凍雞就覺麻麻， 感覺無咩雞嘅鮮味(可能本人食好多靚嘅清遠雞同嘉美雞，有比較)，
到炸豆腐，配醬汁食落好香送白飯一流，
家常豆腐，好有鑊氣，但唔算好特別，
糖醋排骨， 不得了， 鍾意食呢味嘢嘅一定覺得好正，因為佢個皮炸得啱啱好，配埋入面嘅肉汁加出面甜甜地嘅醬， 諗起都想食多次，
魚蛋配時菜，呢個個魚蛋滑到好似食豆腐咁， 時關我地有小朋友唔食魚，但同佢講係豆腐， 佢真系食左， 證明真系滑到咁， 不過可能佢心理作用哈哈， 因爲本人食落都有啲魚味加，但似豆腐真系有驚喜，
時菜配筍，唔推介，其實姐系齋菜，仲要好油個種
豬腰同蟹粉面，本人對呢兩樣都麻麻， 因為本身無咩興趣， 加上食落無咩特別，(雖然個面好多人叫，而且幾大碗)
最後到高力豆沙，感覺同太子某酒樓好似，而且個個個皮會無咁厚，仲好食。
試過後的確覺得滿意，就算係比平時上海菜貴，但亦覺得很值，所以下次一定再試其實菜！
張貼
