影片
更多
2017-05-18
5375 瀏覽
呢間雞煲有次朋友聚會黎試過一次，一試難忘。今晚雞煲癮起，醒起呢間餐廳，擇日不如撞日，就黎重溫下先雞煲佢可以選擇雞脾或者雞胸，我地鍾意啖啖肉，所以要左半隻後者。一上台，先煲一陣，再打開蓋，即時香氣四溢。最最最重要既係男朋友最愛既啖啖肉，完全無骨！有時食雞煲，骨多過肉都幾無癮，好彩呢到絕對唔會。除左雞胸，另一重點係豬皮，吸收哂所有精華，惹味到呢。因為我唔鍾意芫茜，餐廳好貼心咁安排另上，咁男朋友仔都可以享用啦。瑤柱群翅雞湯食完雞煲，加個湯底再打邊爐先。呢個湯底加$48，但絕對值得叫呀。夠哂足料，睇下塊金華火腿幾大塊就知啦。濃郁既雞湯搞到我都忍唔住飲返碗，食完辣野要滋補下。香蕉墨魚丸見呢到咁多人都有介紹，我又點可以執輸呀，即刻叫碟試下先。外層同普通墨魚丸無大分別，不過食得出食手打，因為好彈牙，精髓就係入面既香蕉呀。估唔到食落味道又幾特別喎，甜甜的，可以一試。竹笙竹笙係我打邊爐既其中一樣必點之物。平時係街市買幾十蚊都係得幾條。呢到$98，有7大條，正呀！將佢放入雞湯，又係吸哂D湯汁，一路食湯汁一路滲出，諗起都流口水呀。而且size夠大條，夠乾淨。啤酒打邊爐配啤酒夠哂麻甩呀，但亦都好爽皮，又順便可
雞煲佢可以選擇雞脾或者雞胸，我地鍾意啖啖肉，所以要左半隻後者。
一上台，先煲一陣，再打開蓋，即時香氣四溢。
最最最重要既係男朋友最愛既啖啖肉，完全無骨！有時食雞煲，骨多過肉都幾無癮，好彩呢到絕對唔會。除左雞胸，另一重點係豬皮，吸收哂所有精華，惹味到呢。
因為我唔鍾意芫茜，餐廳好貼心咁安排另上，咁男朋友仔都可以享用啦。
瑤柱群翅雞湯食完雞煲，加個湯底再打邊爐先。呢個湯底加$48，但絕對值得叫呀。
夠哂足料，睇下塊金華火腿幾大塊就知啦。濃郁既雞湯搞到我都忍唔住飲返碗，食完辣野要滋補下。
香蕉墨魚丸見呢到咁多人都有介紹，我又點可以執輸呀，即刻叫碟試下先。
外層同普通墨魚丸無大分別，不過食得出食手打，因為好彈牙，精髓就係入面既香蕉呀。估唔到食落味道又幾特別喎，甜甜的，可以一試。
竹笙竹笙係我打邊爐既其中一樣必點之物。平時係街市買幾十蚊都係得幾條。呢到$98，有7大條，正呀！
將佢放入雞湯，又係吸哂D湯汁，一路食湯汁一路滲出，諗起都流口水呀。而且size夠大條，夠乾淨。
啤酒打邊爐配啤酒夠哂麻甩呀，但亦都好爽皮，又順便可以解下辣。$18一支，價錢算可以啦。
可能我地早左小小去到，無book位都入到，不過晏小小就開始多人啦，下次都係book定位穩陣呀。
張貼
