Little Break Coffee & Kitchen (已結業)

Welcome Lunch除咗飲茶之外，都想搵返間好坐又闊落嘅Cafe，所以就提議咗呢間。而家lunch Menu多咗唔少嘢食，但價錢平均都係$160 up未計加一，所以有唔少嘅同事都會嗌肉類，相對上抵食啲，而我就選擇咗魚類。個魚都煎得唔錯，配菜都幾好食，但薯角嘅份量可以再多少少。（雖然我平時都唔係啲好大食嘅人，食完呢個餐大概只有5分飽🤣反而係個南瓜非常好食🤣 冇諗過全餐飯最驚艷係佢。Lunch set仲有咖啡，我就揀咗Flat White。佢哋嘅拉花相當唔錯，奶泡都打得好好，放咗一陣都唔會好快起泡泡。但可能奶嘅比例多咗啲？所以令到杯flat White嘅espresso 味唔太重，又或者要叫double shot先會好啲。