Nardo's Cafe (已結業)

見完客需要搵個地方唞一唞，我呢度仲有一棟大廈都係美食，選咗呢單簡單嘅cafe . 嘅裝修都幾得意，以粉紅同埋白色為主，食物價格十分之合理可取。先點左杯花茶菊花杞子龍眼，清清地，十分之適合我呢啲唔係鍾意飲甜野的人，菊花有清肝明目的功效，啱啦早排食得太多二手煙。實在要清清佢。每客花茶都用料十足。下午茶點了個肉醬意粉，即叫即整製作需時，味道帶甜嘅肉醬配上豐富嘅芝士。唔好講少呢個意粉雖然係下午茶餐50幾蚊，但係我一個人都食唔晒。同行朋友想食墨西哥雞翼仲驚喜，意想唔到嘅就係一客雞翼50幾蚊，竟然有八隻，八隻都肥美可愛，墨西哥醬帶小小嘅辣味，十分香口惹味。下次可以挑戰中辣，相信會更加正。下午茶餐連埋全部野講緊幾十蚊，仲有得玩Card game嘅有好多唔同嘅遊戲，可惜今日時間有點趕所以無玩到。