Asiri

今晚終於試咗呢間北海道主題小店，真係有驚喜！🍛

叫咗豚肉湯咖喱，湯底香濃帶微辣，層次分明，完全唔係一般港式咖喱，真係有北海道風味。炸雞 外脆內嫩，好Juicy，牛舌燒得啱啱好。最驚喜係鮭魚石狩鍋，湯底好鮮甜，唔會太鹹，飲晒添！

環境方面，裝潢充滿北海道元素，有179個城市嘅相牆，仲有投影幕播緊北海道風景同電影，好有旅行feel。原來老闆真係親身行過北海道，將靈感帶返香港，誠意十足。

整體好有心思，食物質素高，坐得舒服，會想再嚟試埋其他款湯咖喱同甜品！