Soi11 (已結業)

中環蘇豪區開咗間新嘅泰式小店，個名其實都好好記吖，sui 11🤣🤣sor,我讀得唔好，soi11先啱！！係大館附近既細街中間，雪糕店隔離。店面細細，不過都有幾張high chair+枱仔for堂食，靜靜的堂食，望住中環人來人往，都幾好feel。香葉肉碎煎蛋飯$53小辣，辣度夠，有肉碎、香葉、豆角，仲有隻煎得唔錯，燶邊又半生熟既太陽蛋，蛋汁撈埋飯，正！黃金蝦餅 $48一份4件，蝦餅夠彈牙！凍泰式奶茶 $20係雪凍左既樽仔奶茶，唔怕有冰沖淡味道。唔會太甜，有獨特既泰式奶茶既茶香味，得閒行過買枝都正。