Soi11 (已結業)

作為泰菜關注小組長期會員，公司附近開左新泰菜當然要試一試！店面小小的，以外賣為主，有數張小桌可供堂食。飲完野來果腹也是好選擇!餐點種類也不少，價錢合理。泰式炒飯$78好夠鑊氣，飯粒金黃且粒粒分明，有數隻蝦仁，身為重口味人士覺得調味可以再重手小小，不過友人就覺得很適中。春卷$38火喉很好，開涼了亦不油膩，鬆脆可口。餡料以蔬菜為主，口感清爽。最後少不免來個泰式奶茶$20，甜度適中，茶香夠，入口亦滑溜，整體不錯！

係中環蘭桂坊飲完野，又係時候買份豐富宵夜番去🤤👏🏻✨泰式奶茶-茶香比例較重-甜，但冇我平時飲開嘅咁甜，可能特別調整咗做香港人口味✨鳳爪沙律-小辣至中辣程度，後勁凌厲-辣得黎香口惹味，欲罷不能-無骨鳳爪，食落方便✨乾炒豬頸肉河粉👍🏻-河粉條條分明，唔係結實麵餅-蔬菜爽脆新鮮，增加口感-醬汁唔算特別濃厚，順口舒服嘅味道-豬頸肉口感特別，個人覺得好似紅腸味🤣拎到番元朗，再擺多左一個鐘，以為個河粉攤凍咗會乾爭爭又黐埋一舊，出奇地仲係幾好食🤯🤯 外賣嚟講係唔錯嘅選擇！

舖頭就係工作地點就喺附近，小店性價比超高✨絕對會繼續試其他野⭐️超邪惡 <泰式肉碎炒公仔麵>🌶️ $53秘製醬汁充滿泰式香料味道🐷好夠鑊氣，又唔會太油膩肉碎夠辣香濃惹味👍🏻👍🏻👍🏻到泰式甜點，不得不提到這道🥭<芒果糯米飯>🍚唔洗飛泰國都食到咁正宗甜品香濃椰奶 芒果糯米飯質地軟軟的 好好食呀🐷❤️❤️🐷一向都好支持小店，無論服務、食物質素同價錢都令人好舒服，好快就會再去試埋其他！📍中環SOHO

收工約左朋友去中環飲野，晏左收工未食野，拿拿臨搵d野食打打底先。發現閣麟街呢條巷仔開左間泰式，啱晒！雖然店面細細，但都有幾張枱椅坐黎堂食。🥢豬頸肉炒金邊粉店員特別推介，幾好，唔使煩惱諗，就呢個啦！即叫即炒，熱辣辣食，酸酸地，幾開胃。入面有蝦米，幾香！豬頸肉好味爽稔。🥢生菜包有新鮮生菜跟，肉碎唔會死咸，有魚露香氣又juicy。🧋凍泰式奶茶係久違既正宗泰國奶茶味呀！樽仔裝，飲唔晒可以陣間再飲，又幾好！

行過SOHO附近突然散發出陣陣辣椒香氣🌶️🌶️～～發現有間新開嘅泰式外賣小店,而且喺中環區來講價格相宜.除咗炒飯面類,仲有小食,泰式奶茶,生菜包,冬蔭公湯同芒果糯米飯…等小小鋪仔亦有幾張High chair同枱仔供堂食.天氣涼涼地,飲杯泰啤望住五光十色街道,都幾好風味～✨✨🔸香葉肉碎豬頸肉煎蛋飯($68)肉碎唔乾身,份量多,炒得非常惹味而且辣度好足!配上爽口豬頸肉非常豐富,再加上精粹🍳窿邊太陽蛋…所有配搭😋都非常好送飯🔸黃金蝦餅($48)外皮金黃鬆脆,蝦肉彈牙🦐一份4件～🔸泰式奶茶($20)並冇泰國偏甜嘅做法✨👍🏻非常適合港人.同時茶味極濃,好香!!樽仔包裝,並唔會比冰塊稀釋飲到泰國風味~呢個價格完全值得行過買來飲下～🔺留意星期日店鋪休息～星期四-六都開到凌晨～飲完酒食消夜啱晒🍻🍛✨🔺12-3pm Lunch時段限定菜式會有special price $48!!🤩🤩好抵食～🤩🤩

中環蘇豪區開咗間新嘅泰式小店，個名其實都好好記吖，sui 11🤣🤣sor,我讀得唔好，soi11先啱！！係大館附近既細街中間，雪糕店隔離。店面細細，不過都有幾張high chair+枱仔for堂食，靜靜的堂食，望住中環人來人往，都幾好feel。香葉肉碎煎蛋飯$53小辣，辣度夠，有肉碎、香葉、豆角，仲有隻煎得唔錯，燶邊又半生熟既太陽蛋，蛋汁撈埋飯，正！黃金蝦餅 $48一份4件，蝦餅夠彈牙！凍泰式奶茶 $20係雪凍左既樽仔奶茶，唔怕有冰沖淡味道。唔會太甜，有獨特既泰式奶茶既茶香味，得閒行過買枝都正。

3、4月係轉工既旺季，朋友最近搵到新工返中環，知我鐘意食泰國菜推介我試下呢間新開既泰國菜外賣店，價錢親民又高質，今次就揀左我最愛既金邊粉同泰式奶茶做宵夜啦~🌟大蝦炒金邊粉大蝦炒金邊粉份量都幾多，蝦肉爽口彈牙，加上金邊粉的Q彈口感相得益彰，一打開蓋就聞到勁香，推薦給身邊所有海鮮控🌟魚餅佢地既炸魚餅都好出色，外面炸得金黃酥脆，配上鮮美既魚肉，作為泰式小食就最正啦~🌟泰式奶茶呢杯泰式奶茶好驚喜，口感非常濃郁，香氣十分迷人，喝起來非常順口。奶茶的甜度和茶味的濃淡都恰到好處，給人一種非常舒適的口感，必試推介