影片
更多
2022-08-25
523 瀏覽
前排睇蘇絲黃呢間野，生酮越南菜，聽個名都夠特別，既然自己又鍾意食，大家對蘇絲黃嘅推介都話要驗證先，我又唔覺係，以前佢都推介過一啲我好鍾意嘅餐廳，咁就試吓啦。餐廳喺逸東酒店嘅正門，非常之容易搵，不過應該同酒店完全冇關係，聽講係一位醫生開嘅一間餐廳，因此餐單裏面嘅食物飲品，都非常講究。我自己唔係生酮支持者，因為我自己個人總覺得唔係咁健康，我來嘅原因主要係因為朋友話好好食。當晚食左好多個前菜，例如蝦餅，金不換炒豬肉、酸辣蝦鮮魷沙律，仲有佢最出名嘅香草烤雞，樣樣都幾高水準，當然主菜嘅伊比利亞豬腩生酮麵，伊比利亞豬頸肉椰菜花飯同牛肉河好多人話係重點。先來兩杯飲品，要100% Detox有Kale, Celery, Cucumber, Apple，Spinach，Honey，Ginger，Lemon，真係非常清新。另外的Green Light有Avocado, Kale, Cucumber,Ginger, Lemon，另一番風味，但都係夏天的好飲品選擇。另外要了一杯青檸梳打，絕對係精美的cafe感覺。四個人可以試好多野，自家製手打鮮蝦餅，聽講佢地做蝦餅理念係要最少有95%蝦肉才會合格，當然，蝦味濃
餐廳喺逸東酒店嘅正門，非常之容易搵，不過應該同酒店完全冇關係，聽講係一位醫生開嘅一間餐廳，因此餐單裏面嘅食物飲品，都非常講究。
我自己唔係生酮支持者，因為我自己個人總覺得唔係咁健康，我來嘅原因主要係因為朋友話好好食。
當晚食左好多個前菜，例如蝦餅，金不換炒豬肉、酸辣蝦鮮魷沙律，仲有佢最出名嘅香草烤雞，樣樣都幾高水準，當然主菜嘅伊比利亞豬腩生酮麵，伊比利亞豬頸肉椰菜花飯同牛肉河好多人話係重點。
先來兩杯飲品，要100% Detox有Kale, Celery, Cucumber, Apple，Spinach，Honey，Ginger，Lemon，真係非常清新。另外的Green Light有Avocado, Kale, Cucumber,
Ginger, Lemon，另一番風味，但都係夏天的好飲品選擇。
另外要了一杯青檸梳打，絕對係精美的cafe感覺。
四個人可以試好多野，自家製手打鮮蝦餅，聽講佢地做蝦餅理念係要最少有95%蝦肉才會合格，當然，蝦味濃，爽口的感覺自然會有。
金不換炒豬肉配羅馬生菜，我相信你同我一樣，一定要加生菜，佢啲蔬菜全部都好講究，蕃茜，蔥花都勁新鮮。而呢個金不換炒豬肉，粒粒豬肉很有口感，而且同平時食到嘅多了一層口感。
應該係必食的酸辣蝦鮮魷沙律，又蝦又鮮魷，好多海洋，配合了頭先我話佢好新鮮的洋蔥，蕃茄，西芹，蔥等等，自然會係一個精彩的沙律。
越式香草烤雞半隻，話說用左多個小時慢煮，煮完後就再烤熱，肉質出奇地好美妙，有肉汁，有香草嘅濃香，呢個係大推，加上旁邊有大量的沙律，送下隻雞真心好配合。
佢呢度個湯係由60 度魚露秘製，似乎湯粉麵同樣，伊比利亞豬腩生酮麵，豬腩唔會太肥，薄薄的好配合呢期流行的生酮麵，朋友話一定要食，可能佢本身少食呢種麵，我覺得係幾好，只不過我會愛河粉多點。
招牌生熟安格斯牛肉湯河，當然最精彩，因為牛腩勁吸引，仲有肥牛係打邊爐級別，而當然湯底實係好得，成碗都飲得哂。
香脆軟殼蟹撈檬相對係三個主食中最無特別嘅個性，但軟殼蟹炸得好脆，撈檬我個人就係覺得豬扒多啲，因此呢個冇咁欣賞。
椰菜花飯要加錢，但都值得，勁大份的椰菜花，真係飽過食飯，伊比利亞豬頸肉椰菜花飯中的豬頸肉真心烤得精彩，配上旁邊嘅伴菜，真係食得非常健康。
甜品有生酮巴斯克芝士蛋糕同咖啡千層糕，前者用上特別嘅糖去配合生酮主題，當然不能興另一間出名的家後比，但還不錯啦。
以價錢，地方，食物黎講，真係合格有餘，可能你話見到有人介紹會懷疑，希望我寫完再俾少少信心你。
張貼
