近又吉列黑豚專賣店 (已結業)

食飯食飯, 今次走O黎近又吉列黑豚專賣店試試佢。睇食評大家都踏到佢麻麻地, 所以今次就親身O黎試吓有幾難食... 無可否認, 佢O既主菜真係麻麻地, 而且偏貴。 讚: 酒煮蕃茄($33)。非常清新, 酒味淡淡地, 加埋麻醬, 出奇地夾, 而且夠哂冰涼。 讚: 只得一啖O既伴菜-麻醬豆腐, 呀....好食到呢...勁有豆味, 而且個麻醬應記一功。 三文魚刺身 ($58), 頭一ROUND 叫O既有成吋厚, 厚肉得O黎夠新鮮, 不過有少少筋。見好食, 於是再叫一客, 咁就出事喇!!! 第二客D刺身薄到.....1CM左右啦...係好長...不過超多筋, 被騙了!!! 差: 吉列北海道蝦+廣島蠔($148)。D 蠔出水O既!!?? 見佢熱咪放一陣先食囉, 點知佢就出水喇...流到個碟底都係蠔水....咦.......好核突呀.... 結果食完返到屋企真係肚屙....都唔知係咪佢D蠔有問題... 讚: 松葉蟹忌廉薯餅($28)。另外再點O既薯餅, 又出奇地好食; 忌廉味超勁, 薯仔亦好夠味, 不過唔覺有蟹囉... 千層黑豚定食--芝士($148)。無咩特別.....食完...無乜記